BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

كونترافاكتىلى ٴونىم نارىعى ميلليونداعان ادامدى جۇمىستان ايىرۋدا

استانا. 21 مامىر. baq.kz – كونترافاكتىلى جانە پيراتتىق ٴونىم نارىعى ٴاربىر ەلدە ميلليونداعان ادامدى جۇمىستان ايىرادى.

بۇل جونىندە vii استانا ەكونوميكالىق فورۋمى اياسىندا ٴوتىپ جاتقان «انتيكونترافاكت» حالىقارالىق فورۋمىن اشقان قازاقستان رەسپۋبليكاسى پرەمەر-مينيسترىنىڭ ٴبىرىنشى ورىنباسارى باقىتجان ساعىنتايەۆ مالىمدەدى.

كونترافاكتىلى جانە قولدان جاسالعان ٴونىمدى تاراتۋدان تەك قۇقىق يەلەنۋشىلەرى مەن شىعارۋشىلار ەمەس، سونىمەن قاتار ميلليونداعان تۇتىنۋشىلار زارداپ شەگەتىندىگىن ايتقان ول:
- بۇگىنگى كۇنى كونترافاكتىلى ٴونىمنىڭ اينالىمى ٴوز اۋقىمىن ارتتىرىپ وتىراتىن جاھاندىق سيپاتقا يە بولدى. ەىدۇ-نىڭ 2011 جىلعى ەسەبىنە سايكەس 2008 جىلى وتكىزىلگەن جاساندى ٴونىمنىڭ قۇنى دۇنيەجۇزى بويىنشا 285-360 ملرد اقش دوللارىن قۇرادى. زاڭسىز ارەكەتتىڭ ناتيجەسىندە الەمدىك ەكونوميكا جىل سايىن شامامەن 650 ملرد اقش دوللارىن جوعالتۋدا. كولەڭكەلى ەكونوميكانىڭ وسى سەكتورىن بارىنەن بۇرىن سالىق سالۋدان تۇسەتىن تابىستارعا جاعىمسىز اسەرىن تيگىزەدى، سىبايلاستىق جەمقورلىقتى تۋعىزادى جانە وعان دەم بەرەدى. بۇدان باسقا كونترافاكتىلى جانە پيراتتىق ٴونىم نارىعى ٴاربىر ەلدە ميلليونداعان ادامدى جۇمىستان ايىرادى، - دەدى ول.

اينۇر راكيشەۆا


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي