BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

كواليسيا وتىرىسىندا ەەو قۇرۋ تالقىلاندى

استانا. 19 مامىر. baq.kz – بۇگىن استانا قالاسىندا «قازاقستان – 2050» دەموكراتيالىق كۇشتەردىڭ جالپىۇلتتىق كواليسياسىنىڭ وتىرىسى بولدى. «نۇر وتان» پارتياسىنىڭ مۇرىندىق بولۋىمەن وتكەن جيىنعا ەلىمىزدىڭ ساياسي پارتيالارىنىڭ جانە جەتەكشى عىلىمي وندىرىستىك بىرلەستىكتەردىڭ باسشىلارى، سونداي-اق، ەكونوميكالىق ىقپالداستىق ماسەلەلەرى جونىندەگى ساراپشىلار قاتىستى، - دەپ حابارلايدى baq.kz ٴتىلشىسى.

«نۇر وتان» پارتياسى ٴتوراعاسىنىڭ ورىنباسارى باۋىرجان بايبەك جەتەكشىلىك ەتكەن وتىرىسقا قر پرەمەر-مينيسترىنىڭ ٴبىرىنشى ورىنباسارى، ەۋرازيالىق ەكونوميكالىق كوميسسيا كەڭەسىنىڭ مۇشەسى باقىتجان ساعىنتايەۆ پەن ۇلتتىق كاسىپكەرلەر پالاتاسى باسقارما ٴتوراعاسىنىڭ ٴبىرىنشى ورىنباسارى راحىم وشاقبايەۆ، قر ٴبىرىنشى پرەزيدەنتىنىڭ – ۇلت كوشباسشىسىنىڭ قورى جانىنداعى الەمدىك ەكونوميكا جانە ساياسات ينستيتۋتىنىڭ ديرەكتورى سۇلتان اكىمبەكوۆ، قر ٴبىلىم جانە عىلىم مينيسترلىگىنىڭ عىلىم كوميتەتىنىڭ فيلوسوفيا، ساياساتتانۋ جانە ٴدىنتانۋ ينستيتۋتىنىڭ ديرەكتورى زارەما شاۋكەنوۆا، ەكونوميست عالىم باينازاروۆ، قر سالىق تولەۋشىلەر قاۋىمداستىعى باسقارۋشى كەڭەسىنىڭ ٴتوراعاسى جاننات ەرتىلەسوۆا، «visor holding» اق ديرەكتورلار كەڭەسىنىڭ ٴتوراعاسى ايدان كارىپجانوۆ سەكىلدى سالانىڭ جاۋاپتى ماماندارى مەن ارداگەرلەر ۇيىمدارىنىڭ، ايەلدەر جانە جاستار بىرلەستىكتەرىنىڭ، بيزنەس-قۇرىلىمداردىڭ وكىلدەرى دە قاتىستى.

ىقپالداستىق – ٴبىزدىڭ ەلىمىزدىڭ الداعى ۋاقىتتاعى الەۋمەتتىك-ەكونوميكالىق مودەرنيزاسياسىنىڭ «مۇمكىندىكتەر تەرەزەسى». مەملەكەت باسشىسىنىڭ ساياساتى ارقاسىندا قازاقستان ٴوزىنىڭ باسەكەگە قابىلەتتىلىگىن قامتاماسىز ەتتى. تاۋەلسىزدىك جىلدارى ىشىندە ەلىمىزگە 160 ملرد. دوللاردان استام تىكەلەي شەتەلدىك ينۆەستيسيالار تارتىلدى، ٴجىو (جالپى ٴىشى ٴونىم) ەكى ەسە ۇلعايدى، ەلىمىزدىڭ التىنۆاليۋتا رەزەرۆتەرى 100 ميلليارد دوللارعا جەتتى. قازاقستان بارلىق كورشىلەس ەلدەرمەن شەكارالارىن زاڭ جۇزىندە بەكىتتى.

وتىرىس بارىسىندا باۋىرجان قىدىرعالي ۇلى ٴوز سوزىندە: "ٴۇش مەملەكەت – قازاقستان، رەسەي جانە بەلارۋس ەۋرازيالىق ەكونوميكالىق وداق شەڭبەرىندە ٴوز كاسىپكەرلەرى ٴۇشىن 2،2 تريلليوننان استام اقش دوللارى كولەمىندە جالپى 170 ميلليوندىق نارىققا جول اشادى. تۇپتەپ كەلگەندە تەڭ تەرەزەلى ەكونوميكالىق ينتەگراسيا وداعىنان ايرىقشا كەدەندىك، ترانزيتتىك جەڭىلدىكتەرگە، قارجى نارىعىنا، قوماقتى تاۋار سۇرانىسىنا يە بولاتىن وتاندىق بيزنەستىڭ، ونىمدەردىڭ ارتۇرلىلىگىنە، ونىڭ ساپاسىنىڭ ارتۋىنا، ياعني باسەكەلىك باعاعا، وسىلاردىڭ ناتيجەسىندە ٴال-اۋقات وسىمىنە قول جەتكىزەتىن قاراپايىم تۇتىنۋشى، ياعني حالىقتىڭ ۇتاتىنى ٴسوزسىز. بۇل ەلباسىمىزدىڭ 2050 جىلعا دەيىن مەجەلەگەن ستراتەگياسىنىڭ دا باستى ماقساتى"، - دەپ اتاپ ٴوتتى.

ال وتىرىس قورىتىندىسى بويىنشا دكجك مۇشەلەرى ۇندەۋ قابىلدادى، وندا ولار ەۋرازيالىق ەكونوميكالىق وداق قۇرۋدى تولىعىمەن قولدادى جانە بارلىق قازاقستاندىقتاردى ەلباسى ساياساتىنىڭ توڭىرەگىنە توپتاسۋعا، ال ۇكىمەت پەن اتقارۋ ورگاندارىنىڭ بارلىق جۇيەسىن – ەل پرەزيدەنتىنىڭ مەملەكەتتىك باعىتىنىڭ ٴتيىمدى ىسكە اسىرىلۋىن قامتاماسىز ەتۋگە ۇندەدى.


نۇرلىبەك دوسىباي
 


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي