BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

كو كاسىپكەرلەر نارىعىن 10 ەسەگە ۇلكەيتتى - ە.ساپاربەكوۆ

استانا. 23 مامىر. baq.kz – كەدەن وداعى 170 ملن ادامدى قامتىعان ورتاق نارىق قۇرۋعا سەبەپ بولىپ، قازاقستاندىق كاسىپكەرلەر نارىعىن 10 ەسە ۇلكەيتتى دەيدى قر وڭىرلىك دامۋ مينيسترلىگى ەكونوميكالىق ينتەگراسيا جانە حالىقارالىق قاتىناستار باسقارماسىنىڭ باسشىسى ەركەبۇلان ساپاربەكوۆ. 

"ەۋرازيالىق ەكونوميكالىق وداق جايىنداعى جوبا كەدەن وداعى جانە ٴبىرتۇتاس ەكونوميكالىق كەڭىستىككە مۇشە مەملەكەتتەرمەن ساۋدانىڭ، كاپيتالدىڭ، قىزمەتتەر مەن جۇمىس كۇشىنىڭ ەركىن اينالىمىنا نەگىزدەلگەن. بۇل ەۋرازيالىق ەكونوميكالىق وداققا مۇشە ەلدەردىڭ ۇلتتىق مۇددەسى مەن دامۋدىڭ قوسىمشا كوزدەرىن قۇرۋعا كومەك بولماق. كەدەن وداعى 170 ملن ادامدى قامتىعان ورتاق نارىق قۇرۋعا سەبەپ بولدى. ال، قازاقستاندىق كاسىپكەرلەر نارىعىن 10 ەسە ۇلكەيتتى. بۇل رەتتە وتاندىق كاسىپكەرلەردىڭ ۋايىمدايتىنىنداي-اق بار. ويتكەنى، قازاقستاندىق كاسىپكەرلەر ٴۇشىن باسەكەلەستىك جاڭا ساپالى دەڭگەيگە كوتەرىلۋدە. كاسىپكەرلەردى قولداۋ ماقساتىندا اعىمداعى جىلدىڭ سوڭىنا دەيىن تەكسەرىستەر كەيىنگە قالدىرىلىپ وتىر. بۇل دەگەن تەكسەرىستەردى ٴجاي كەيىنگە قالدىرا سالۋ ەمەس. بۇل كەزەڭدە بيزنەس سالاسىن مەملەكەتتىك قاداعالاۋ مەن باقىلاۋ تولىقتاي ٴبىر جۇيەگە كەلتىرىلەدى. وسى ماقساتتا ۇتىمدى ٴنورماتيۆتى بازانى قالىپتاستىرۋ بەلسەندى تۇردە جاساقتالۋدا" دەدى ول.

باسقارما باسشىسى وتاندىق كاسىپكەرلەر مەن باسەكەگە قابىلەتتىلىكتى قولداۋ ماقساتىندا مينيسترلىك «بيزنەستىڭ جول كارتاسى 2020» باعدارلاماسىن جۇزەگە اسىرىلىپ جاتقانى جايىندا دا ايتىپ ٴوتتى.
"اتالعان باعدارلاما اياسىندا كاسىپكەرلەرگە كەرديتىك پايىزدارعا، كرەديتكە كەپىلدىك بەرۋگە، وندىرىستىك ينفروقۇرىلىمدى قۇراۋعا جەڭىلدىكتەر، ال باستاۋشى كاسىپكەرلەرگە گرانتتار بەرۋ قاراستىرىلعان. ودان وزگە بۇل كووپەراسيانىڭ پەرسپەكتيۆالىق باعىتتارىنىڭ ٴبىرى قازاقستان مەن رەسەيدىڭ شەكارالاس ايماقتارىنداعى مۇمكىندىكتەردى پايدالانۋ بولىپ تابىلادى. وسىلايشا، رەسەيگە ەت، ٴسۇت، نان ونىمدەرىن، بيداي، كيىمدەردى ەكسپورتتاۋ مۇمكىندىگى ارتپاق" دەدى ە.ساپاربەكوۆ ٴوز سوزىندە.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي