BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

كو اياسىنداعى مەملەكەتتىك ساتىپ الۋدىڭ اشىقتىعى ٴسوز بولدى

استانا. 21 قاراشا. baq.kz – بۇگىن استانادا ەۋرازيا ەكونوميكالىق كوميسسياسى ۇيىمىنىڭ مۇرىندىق بولىپ، قارجى مينيسترلىگى مەن ەلەكتروندى ساۋدا الاڭى قاۋىمداستىعىنىڭ قولداۋىمەن «ەلەكتروندى ساتىپ الۋ ساۋداسىنىڭ ادىلدىگى مەن مولدىرلىگىن قامتاماسىز ەتۋ: ەۋرازيالىق ينتەگراسيا تاجىريبەسى مەن دامۋى» تاقىرىبىندا حالىقارالىق كونفەرەنسيا ٴوتتى.  

شاراعا كەدەندىك وداق پەن ەۋرازيالىق ەكونوميكالىق كەڭىستىك، ەۋرازيالىق ەكونوميكالىق وداق، ەۋرازيالىق ەكونوميكالىق كوميسسيا، سەفاكت وون (بۇۇ ەەك كوميتەتى جانىنداعى ۇكىمەتارالىق كومەكشى ورگان)، ەبرر (قايتاقۇرىلىمداۋ مەن دامۋدىڭ ەۋروپالىق بانكى)، (ازيالىق دامۋ بانكى مەن كورەيا مەن ۆەتنام ەلدەرىنىڭ مەملەكەتتىك ساتىپ الۋ اگەنتتىكتەرىنىڭ وكىلدەرى قاتىستى.

جيىن بارىسىندا كونفەرەنسياعا قاتىسۋشىلار مەملەكەتتىك ساتىپ الۋ ىسىنە قاتىستى الەمدىك تاجىريبەمەن تانىسىپ، ەۋرازيالىق ەكونوميكالىق كوميسسيا مەن كەدەندىك وداققا مۇشە-مەملەكەتتەر بيلىك ورگاندارىنىڭ جانە ٴبىرىڭعاي ەكونوميكالىق كەڭىستىكتىڭ 2010 جىلدىڭ 9 جەلتوقسانىنان بەرى كۇشىنە ەنگەن مەملەكەتتىك ساتىپ الۋ كەلىسىمى ناتيجەلەرىنىڭ كورسەتكىشتەرىن تالداپ، تارازىلادى. باسقوسۋدىڭ اشىلۋ سالتاناتىندا ٴسوز العان قر قارجى ٴمينيسترى باقىت سۇلتانوۆ:

- ٴبىز وسىنداي كەزدەسۋلەر ارقىلى ٴوزارا ارىپتەستىگىمىزدى ٴالى دە بولسا تەرەڭدەتە ٴتۇسۋىمىز كەرەك. ال اتالعان كەڭىستىكتىڭ بارلىق تەرريتورياسىنداعى تاراپتاردا ٴوزارا باسەكەلەستىكتىڭ كۇشەيىپ، تاۋاراينالىمى اعىنىنىڭ ۇلعايۋۋىنا مۇمكىندىكتەر بەرۋىمىز قاجەت. بۇل قاي تاراپقا بولسا دا ٴوزىنىڭ تيىمدىلىگىمەن قاتار، مەملەكەتارالىق ارىپتەستىكتى تەرەڭدەتەدى جانە كو اياسىنداعى ىشكى تاۋاراينالىمى ارقىلى كاسىپكەرلىك سالانىڭ دا جاندانۋىنا وڭ اسەرىن تيگىزەتىن بولادى، - دەدى باقىت تۇرلىحان ۇلى.

سونىمەن قاتار، باسقوسۋدا كو پەن بەك مۇشە-مەملەكەتتەرى اراسىنداعى شارۋاشىلىق سۋبەكتىلەرىنىڭ مەملەكەتتىك جانە مۋنيسيپالدى ساتىپ الۋ ىسىنە قاتىستىرۋ ارقىلى ەكونوميكالىق اسەردىڭ بەلسەندىلىگىن ارتتىرۋ جايى دا جان-جاقتى ايتىلدى.
 

نۇرلىبەك دوسىباي


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي