BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

كو اياسىندا باج قۇرۋ ارقىلى جۇمىستى جەڭىلدەتكىمىز كەلەدى – ب. قانەشەۆ

استانا. 3 قاراشا. baq.kz – بۇگىن ماجىلىستە ەكونوميكالىق رەفورما جانە وڭىرلىك دامۋ كوميتەتىنىڭ ٴتوراعاسى سەيىتسۇلتان ايىمبەتوۆتىڭ ٴتوراعالاق ەتۋىمەن وتكەن كەڭەيتىلگەن جيىندا ٴسوز العان ينۆەستيسيالار جانە دامۋ جونىندەگى مينيسترلىكتىڭ تەحنيكالىق رەتتەۋ جانە مەترولوگيا كوميتەتىنىڭ ٴتوراعاسى ٴبىرجان قانەشەۆ وسىلاي مالىمدەدى، - دەپ حابارلايدى baq.kz ٴتىلشىسى.

- بۇگىنگى تاڭدا ٴبىزدىڭ تاراپىمىزدان كەدەندىك وداقتىڭ تالاپتارىن ورىنداۋ ماقساتىندا «تەحنيكالىق رەتتەۋ تۋرالى» زاڭ جوباسىنا وزگەرتۋلەر مەن تولىقتىرۋلار ەنگىزۋ ۇسىنىلدى. سونىمەن قاتار، تىركەۋ بويىنشا ٴبىرىڭعاي اقپاراتتىق جۇيەنى (باج) قۇرۋ ماقساتىندا ينۆەستيسيالىق ۇسىنىس تا جاسادقى. وسىلايشا، ٴبىز اقپاراتتىق جۇيەمىزدى بىرىكتىرگىمىز كەلەدى جانە وسىلايشا جۇمىستى جەڭىلدەتەمىز، - دەدى ول ٴوز مالىمدەمەسىندە.

سونداي-اق، كوميتەت ٴتوراعاسىنىڭ تۇسىندىرۋىنشە، قازىرگى قولدانىستاعى «سايكەستىكتى باعالاۋ» سالاسىنداعى زاڭنامادا كورسەتىلگەن ەرەجەنى بۇزعانى ٴۇشىن نارىق سۋبەكتىلەرىنىڭ جاۋاپكەرشىلىگىن ارتتىرۋ قاجەت كورىنەدى. سوندىقتان دا مەترولوگيا سالاسىنىڭ ماماندارى نارىققا قاتىسۋشىلاردىڭ جاۋاپكەرشىلىگىن ەنگىزۋدى ۇسىنىپ وتىرعان سىڭايلى.

ايتا كەتەيىك، بۇگىن ٴماجىلىس كوميتەتىندە تۇتىنۋشى ونىمدەرىن تەحنيكالىق رەتتەۋ ماسلەلەرى تاقىرىبىندا دوڭگەلەك ۇستەل ٴوتىپ، وندا دەپۋتاتتار مەن مەملەكەتتىك ورگان وكىلدەرى جانە ۇكپ جەتەكشىلەرى قاتىسىپ، وسى سالاعا قاتىستى ٴبىرقاتار زاڭ جوبالارىن تالقىلاعان بولاتىن.


نۇرلىبەك دوسىباي
 


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي