BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

قىرعىزستان جىل سوڭىنا دەيىن كەدەندىك وداققا قوسىلادى

استانا. 11 قاراشا. baq.kz – قىرعىزستان كەدەندىك وداققا قوسىلۋ تۋرالى شارتقا 23 جەلتوقساندا قول قويادى دەپ كۇتىلىپ وتىر، - دەپ حابارلايدى ريا نوۆوستي قىرعىزستان پرەزيدەنتى اپپاراتى باسشىسىنىڭ ورىنباسارى، سىرتقى ساياسات ٴبولىمىنىڭ جەتەكشىسى ساپار يساكوۆقا سىلتەمە جاساپ.

قىرعىزستاننىڭ كەدەندىك وداققا كىرۋ تۋرالى شارتقا قول قويۋى 23 جەلتوقسانعا جوسپارلانىپ وتىر. كەلىسىم شارتقا قول قويىلعاننان كەيىن بۇل شارتتى مەملەكەت ىشىلىك دەڭگەيدە بەكىتۋ ٴراسىمى باستالادى"، - دەپ مالىمدەدى يساكوۆ. قۇجاتقا قول قويۋ ٴراسىمى جوعارى ەۋرازيالىق ەكونوميكالىق كەڭەس وتىرىسىنىڭ اياسىندا قىرعىزستان پرەزيدەنتى المازبەك اتامبايەۆتىڭ قاتىسۋىمەن وتەدى دەپ كۇتىلۋدە.

ەسكە سالا كەتەيىك، 29 مامىر كۇنى استانادا وتكەن جوعارى ەۋرازيالىق ەكونوميكالىق كەڭەستىڭ وتىرىسىندا قىرعىزستاننىڭ كەدەندىك وداققا قوسىلۋ نيەتى قولداۋعا يە بولعان بولاتىن. قازىرگى كەزدە قىرعىزستاننىڭ كەدەندىك وداق پەن ٴبىرىڭعاي ەكونوميكالىق كەڭىستىككە قوسىلۋى ٴۇشىن قاجەتتى زاڭ جوبالارى پارلامەنتتىڭ قاراۋىندا جاتىر. ۇكىمەت قىرعىزستان ينتەگراسيالىق بىرلەستىككە قوسىلۋعا قاجەتتى بارلىق قۇجاتتاردى قابىلداۋعا ۇلگەرەدى دەپ ەسەپتەيدى.

بۇدان بۇرىن قىرعىزستاننىڭ كەدەندىك وداققا كىرۋى 2014 جىلدىڭ ناۋرىزىندا جۇزەگە اسۋى مۇمكىن ەكەندىگى حابارلانعان بولاتىن. ٴتىپتى قىرعىزستاننىڭ كەدەندىك وداققا كىرۋىنىڭ جول كارتاسىن جۇزەگە اسىرۋ ٴۇشىن قازاقستان 100 ميلليون دوللار بولۋگە كەلىسىم بەرگەن. بۇل قاراجات رەسپۋبليكانىڭ اۋىل شارۋاشىلىعىن جانە مال دارىگەرلىگى سالاسىن دامىتۋعا جۇمسالادى. بولىنگەن قاراجاتقا قىرعىزستان اۋىلشارۋاشىلىعى ٴونىمىنىڭ ساپاسىن تەكسەرەتىن زەرتحانا سالۋى ٴتيىس، سونداي-اق ولار اۋىلشارۋاشىلىعى ونىمدەرىن كەدەندىك وداق ەلدەرىنە ەكسپورتقا شىعارۋ ٴۇشىن ٴونىمدى سەرتيفيكاتتاۋ بازاسىن جەتىلدىرۋى كەرەك. 


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي