BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

كەلىسىمدەر جۇرگىزەتىن ارنايى ساراپشىلار توبى قۇرىلدى

استانا. 23 جەلتوقسان. baq.kz - ۇجىمدىق قاۋىپسىزدىك جونىندەگى شارت ۇيىمىنىڭ سەسسياسى جوعارى ەۋرازيالىق ەكونوميكالىق كەڭەستىڭ وتىرىسىنا ۇلاستى. جيىندا ەۋرازيالىق ەكونوميكالىق وداق جۇمىسى قارساڭىندا وتكەندى قورىتىندىلاپ، كەلەسى جىلدىڭ جۇمىس جوسپارى سارالاندى.

 

ەكونوميكالىق وداق 2015 جىلدىڭ 1 قاڭتارىنان باستاپ جۇمىس ىستەي باستايدى. وعان بەلارۋس مەملەكەتى ٴتوراعالىق ەتپەك. ال 2016 جىلى ٴتوراعالىق تىزگىن قازاقستانعا بەرىلەدى. بۇل بيىلدىققا بەسىنشى كەزدەسۋ. وسىلايشا، ماسكەۋ ٴسامميتى ەۋرازيالىق ەكونوميكالىق وداق قۇرۋ ۇدەرىسىندە قورىتىندى وتىرىسقا اينالدى. وسى كۇنگە شەيىن ۇلكەن جۇمىس ىستەلىپ، ونداعان ماڭىزدى قۇجاتتار قابىلداندى. وتىرىسقا وداققا كىرگەلى وتىرعان ارمەنيا مەن قىرعىزستان دا شاقىرىلدى. ارمەنيا 2 قاڭتاردان باستاپ، بۇل بىرلەستىكتىڭ تولىققاندى مۇشەسى اتانباق. ٴساتىن سالسا، كەلەسى جىلدىڭ مامىر ايىندا قىرعىز ەلى دە وسى ەكونوميكالىق وداققا كىرەدى. بۇگىن قىرعىزستاندى ەۋرازيالىق ەكونوميكالىق وداق جونىندەگى كەلىسىمگە قوسۋ جونىندە شارتقا قول قويىلدى. جيىندا ەەو-نىڭ وزگە دە شەتەلدىك ارىپتەستەرمەن ىقپالداستىعى ٴسوز بولدى. ٴقازىر ۆەتناممەن ەركىن ساۋدا ايماعىن قۇرۋ جونىندە كەلىسسوزدەر ٴساتتى جۇرگىزىلۋدە. يزرايل، ٴۇندىستان جانە مىسىرمەن دە ٴدال وسىنداي كەلىسىمدەر جاساۋ ٴۇشىن ساراپشىلار توبى قۇرىلدى.

 


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي