BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

كەدەن وداعى ەلدەرى اراسىنداعى تاۋار اينالىمى 24 ملرد اقش دوللارىن قۇرايدى

 استانا. 12 مامىر. baq.kz – قازاقستاننىڭ كەدەن وداعى ەلدەرى اراسىنداعى تاۋار اينالىمى 88%-عا ارتىپ، 24 ملرد دوللاردى قۇرادى. بۇل تۋرالى بۇگىن قر پرەزيدەنتى جانىنداعى ورتالىق كوممۋنيكاسيالار قىزمەتىنىڭ بريفينگىندە حالىقارالىق ەكونوميكالىق ينتەگراسيا دەپارتامەنتىنىڭ ديرەكتورى ەرنار باكەنوۆ مالىمدەدى، دەپ حابارلايدى baq.kz ٴتىلشىسى.

 «كەدەندىك وداق پەن ٴبىرىڭعاي ەكونوميكالىق كەڭىستىككە قاتىسۋداعى قازاقستاننىڭ باستى ماڭىزدى ماقساتتارىنىڭ ٴبىرى ينۆەستيسيالىق قىزىعۋشىلىقتى ارتتىرا وتىرىپ ساتۋ نارىعىن كەڭەيتۋ نەگىزىندە وڭدەۋشى ونركاسىپتى دامىتۋ بولىپ تابىلادى. كەدەندىك وداق پەن ونىڭ ارتىنشا ٴبىرىڭعاي ەكونوميكالىق كەڭىستىك جۇمىس ىستەي باستاعان ۋاقىتتان بەرى قازاقستاننىڭ وزگە دە قاتىسۋشى ەلدەر اراسىنداعى تاۋار اينالىمى 88%-عا ارتىپ، 24 ملرد دوللاردى قۇرادى. سونىمەن قاتار، كەدەندىك وداق ەلدەرىنە ەكسپورت كولەمى 62%-عا كوتەرىلدى»، - دەيدى ە.باكەنوۆ.
سونىمەن قاتار، ول كو ەلدەرىنە وڭدەۋشى ونەركاسىپ تاۋارلارى تۋرالى دا ايتتى.
«2013 جىلى 2009 جىلمەن سالىستىرعاندا وڭدەلگەن تاۋار ەكسپورتى 2 ەسەگە ارتتى. وسىعان بايلانىستى ەلگە كىرگىزىلەتىن وڭدەلگەن ونەركاسىپ تاۋارلارىنىڭ يمپورت كولەمى 44 پايىزدان 55 پايىزعا ارتتى»، - دەيدى ول.
ە.باكەنوۆ جىلدىق تاۋارلار ەكسپورتى كولەمىنىڭ ارتۋ فاكتورلارىنا دا توقتالا كەتتى.
«مىسالعا، كونديتەرلىك ٴونىم ەكسپورتى 3 ەسەگە، ترانسفورماتورلار ەكسپورتى كولەمى 11 ەسەگە، بەلارۋس پەن رەسەيگە جەڭىل مەتاللوناجدى جۇك كولىكتەرىنىڭ ەكسپورتى كولەمى 17 ەسەگە ارتىپ، اككۋمۋلياتور ەكسپورتى كو ەلدەرى ىشىندە 1،7 پايىزا كوبەيىپ، كونديساتورلار 1،3 ەسەگە، سۋسىنار تاسىمالى 13 ەسەگە ارتتى»، - دەيدى ول.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي