BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

قازاقستاننىڭ 8 مىڭنان استام كاسىپورنى ەاەو ەلدەرىمەن تۇراقتى جۇمىس ىستەۋدە

استانادا ەۋرازيالىق ەكونوميكالىق وداق ەلدەرى مەن ەۋرازيالىق ەكونوميكالىق كوميسسيا ۇيىمداستىرعان جىل سايىنعى «ەۋرازيالىق اپتا» حالىقارالىق كورمە فورۋمى باستالدى. فورۋمدى قر پرەمەر-مينيسترى باقىتجان ساعىنتايەۆ اشتى، دەپ حابارلايدى baq.kz اقپارات اگەنتتىگى strategy2050.kz-كە سىلتەمە جاساپ.

قر پرەمەر-مينيسترى ەۋرازيالىق اپتا قاتىسۋشىلارىن قارسى الىپ، ەاەو-عا مۇشە ەلدەردىڭ ەكسپورتتىق جانە ينۆەستيسيالىق الەۋەتىن جىل سايىنعى وسىمىنە قاراماستان ودان-ارى ارتتىرۋدى جالعاستىرۋ كەرەكتىگىن اتاپ ٴوتتى.

«ەۋرازيالىق اپتانىڭ ەكسپو-2017 كورمەسى اياسىندا ٴوتىپ جاتقانى قۋانتادى، ونىڭ جەتىستىكتەرى ٴبىزدىڭ ەلدەرىمىزدىڭ ەكونوميكالارىنىڭ تابيعاتتى قورعاۋ، رەسۋرستاردى ۇنەمدەيتىن جانە يننوۆاسيالىق تيپكە اۋىسۋىنا كومەكتەسەتىن بولادى. ٴبىزدىڭ شارانىڭ ىسكەرلىك باعدارلاماسى وقيعاعا تولى بولادى. ال، كورمەنىڭ باعدارلاماسىنا كەلەتىن بولساق، وعان وداققا مۇشە ەلدەردىڭ قىزىعۋشىلىعى وتە زور. كورمە باستالعانعا دەيىن بىزگە ونى الدىن الا كورسەتىپ، تانىستىرعان بولاتىن»، - دەدى ۇكىمەت باسشىسى.

ب.ساعىنتايەۆتىڭ ايتۋىنشا، شارانىڭ اۋقىمدىلىعى مەملەكەتتەر مەن بيزنەس-قاۋىمداستىقتار اراسىنداعى بايلانىستى نىعايتىپ قانا قويمايدى، سونىمەن قاتار، ينۆەستيسيالىق پروسەستى كۇشەيتە تۇسەدى.

«قازاقستان مۇندا ەكسپورتقا بەيىمدەلگەن ٴتۇرلى سالاداعى 80-گە جۋىق كومپانيانى ۇسىنىپ وتىر. بۇل ٴبىزدىڭ مەملەكەتتەرگە جاڭا بايلانىستاردى ورناتۋعا كومەكتەسەدى. بۇگىندە قازاقستاندا ەاەو ەلدەرىمەن بىرلەسكەن 8 مىڭنان استام كومپانيا جۇمىس ىستەۋدە. مەنىڭ ويىمشا بۇل مەملەكەتتىڭ ينتەگراسيالانۋىنا كورسەتىلگەن كومەكتىڭ جاقسى كورسەتكىشى. ٴبىز اتالمىش ٴتىزىمنىڭ ودان ارى كەڭەيۋىنە قۋانىشتى بولامىز»، - دەپ ٴبولىستى پرەمەر-مينيستر.

سونىمەن قاتار، ول اتاپ وتكەندەي، فورۋم الاڭىندا ٴبىرقاتار قۇجاتتارعا قول قويۋ جوسپارلانىپ وتىر. بۇل قۇجاتتار ەاەو اياسىندا حالىقارالىق ىنتىماقتاستىقتى دامىتۋعا ىقپال ەتەدى. وسى ورايدا اگروونەركاسىپتىك كەشەندەگى قاتىناستار، ونىڭ ىشىندە ەكسپورتتى ارتتىرۋعا باعىتتالعان شارالار ەسكەرىلەدى

«جىل باسىنان بەرى نەگىزگى كورسەتكىشتەردىڭ وڭ ديناميكاسى بايقالادى. سونىمەن، ەاەو-نىڭ ٴجىو 2017 جىلدىڭ ٴبىرىنشى توقسانىندا 0،8% قۇرادى. ال، ٴوندىرىستىڭ وداندا جىلدام ٴوسىپ كەلە جاتقانى قۋانتادى - 2،7%. ەاەو-نىڭ سىرتقى ساۋدا اينالىمى ٴبىرىنشى جارتى جىلدىقتا 28%-عا ارتتى. جالپى، جاسالعان قولايلى جاعدايدىڭ ارقاسىندا ەاەو ەلدەرىنىڭ ٴۇشىنشى مەملەكەتپەن ساۋداسى ارتتى»، - دەدى باقىتجان ساعىنتايەۆ.

قر پرەمەر-مينيسترى حابارلاعانداي، بۇگىندە يزرايل، سەربيا جانە يران ەلدەرىمەن ەركىن ساۋدا تۋرالى كەلىسىم بويىنشا كەلىسسوزدەر جۇرگىزىلۋدە.

ب.ساعىنتايەۆ تولىقتىرىپ كەتكەندەي، ەاەو ەلدەرىنىڭ ەكونوميكالىق كورسەتكىشتەرىنىڭ ٴوسىمىن ارتتىرۋعا باعىتتالعان باستى شارالار كەدەرگىلەر مەن شەكتەۋلەردى الىپ تاستاۋ.

اتاپ وتەر بولساق، ٴۇش كۇنگە سوزىلاتىن فورۋمدا 17 مەملەكەتتىن 250-دەن استام سپيكەر بايانداما جاسايدى. سونىمەن قاتار ەاەو مۇشە مەملەكەتتەردەن 250-دەن استام كومپانيا كورمەگە قاتىسادى. بۇگىندە الەمنىڭ 35 مەملەكەتىنەن قاتىسۋشىلار تىركەلدى. ەكونوميكانىڭ 13 سالاسى بويىنشا پىكىرتالاستىق ٴىس-شارالار جوسپارلانعان


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي