BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

قازاقستاننىڭ قوعامدىق ۇيىمدارى ەەو قۇرۋ كەلىسىمىنە قول قويۋدى قولداپ وتىر

استانا. 19 مامىر. baq.kz – «گەنەرالدار كەڭەسى» رەسپۋبليكالىق قوعامدىق ۇيىمى مەن «بەس قارۋ» قاۋىمداستىعى ەۋرازيالىق ەكونوميكالىق وداعىن قۇرۋ تۋرالى كەلىسىمگە قول قويۋدى قولداپ وتىر دەپ حابارلايدى قازاقپارات. 

«ٴبىز قازاقستاندىقتار ەكونوميكالىق وداقتىڭ بارلىق ارتىقشىلىقتارىن سەزىنەدى دەگەن سەنىمدەمىز»، - دەپ اتاپ ٴوتتى «گەنەرالدار كەڭەسى» رقۇ پرەزيديۋمىنىڭ ٴتوراعاسى، ادىلەت گەنەرال-مايورى، پروفەسسور رۇستەم قايداروۆ.

ونىڭ سوزىنە قاراعاندا، قازاقستان، رەسەي جانە بەلارۋس پرەزيدەنتتەرىنىڭ ەەو قۇرۋ تۋرالى كەلىسىمشارتقا قول قويۋى رەسپۋبليكالاردىڭ اراسىنداعى ينتەگراسيانى تەرەڭدەتۋگە ارنالعان بارلىق قاجەتتى شارالارعا جول اشىپ، دوستىق ارىپتەستىك قارىم-قاتىناستاردى ودان ٴارى دامىتادى.

«ٴبىزدىڭ كەڭەستىڭ قىزمەتى پوستكەڭەستىك كەڭىستىكتىڭ نازارىن اۋداردى، ٴبىزدىڭ جوبالارىمىز كوپ. الداعى مىندەتىمىز گۇلدەنگەن مەملەكەت قۇرىپ، پاتريوتتىق تاربيەنى دامىتۋعا جاردەمدەسۋ بولىپ تابىلادى. قر پرەزيدەنتى ن.نازاربايەۆ ايتقانداي، بارلىق قاۋىپ-قاتەرگە قارسى ٴبىرتۇتاس كۇرەس مايدانىن قۇرۋ ٴۇشىن مەملەكەتتىك جانە قوعامدىق قۇرىلىمدار بىرگە جۇمىس ىستەۋى كەرەك. «اركىم ٴوزى ٴۇشىن» ۇرانى قازىرگى جاعدايدا وتپەيدى»، - دەپ مالىمدەدى ر.قايداروۆ.

سوعان بايلانىستى، ٴوزارا ٴىس-قيمىلدى قۇر سوزبەن ەمەس، وتانعا دەگەن سۇيىسپەنشىلىكتى ىسپەن دالەلدەيتىن قوعامدىق ۇيىمدارمەن ورناتۋ كەرەك. «سول سەبەپتى ٴبىز «بەس قارۋ» قاۋىمداستىعىمەن ىنتىماقتاستىق جونىندەگى كەلىسىمگە كەلدىك، ولارمەن بىرلەسىپ باتىرلىق ينستيتۋتىن قالىپتاستىرماقپىز»، - دەپ حابارلادى گەنەرال-مايور.

«بەس قارۋدىڭ» قىزمەتى تەك سپورتتىق شارالارمەن شەكتەلمەيدى. مۇندا رۋحى مىقتى، جوعارى ٴبىلىمدى قوعامنىڭ قۋاتتى نەگىزىن قۇرۋ بويىنشا كوپسالالى الەۋمەتتىك باعدارلاما جاسالعان.

«اتى-شۋلى ۇرانداردىڭ كەزى جوعالدى دەپ سانايمىن. سول سەبەپتى ەەو قۇرۋ تۋرالى كەلىسىمگە قول قويۋ ينتەگراسيا مەن قاۋىپسىزدىكتى عانا ەمەس، سونىمەن بىرگە ەل ەكونوميكاسىن كۇشەيتۋدە وڭ قادام بولىپ تابىلادى. ال كۇشتى مەملەكەتتە ادام ٴومىرىنىڭ بارلىق سالالارى داميدى»، - دەپ اتاپ ٴوتتى قاۋىمداستىق باسشىسى، بەلگىلى ىسكەر جانە قوعام قايراتكەرى داۋرەن مۇسا. 


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي