BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

قازاقستاندىقتار جۋىردا ەاەو ەلدەرىندە جۇمىس ىستەي الادى

قر ەڭبەك جانە حالىقتى الەۋمەتتىك قورعاۋ ۆيسە-مينيسترى نۇرجان التايەۆ جاقىن ۋاقىتتا ەۋرازيالىق ەكونوميكالىق وداق ەلدەرىنە ورتاق ٴبىرىڭعاي ەڭبەك بيرجاسى قۇرىلاتىنىن مالىمدەدى. جوبا ىسكە قوسىلسا قازاقستاندىقتار ەلىمىزدە عانا ەمەس، ەۋرازيالىق كەڭىستىكتىڭ ەڭبەك نارىعىندا جۇمىس ىستەي الادى، دەپ حابارلايدى baq.kz ٴتىلشىسى.

«بۇگىندە ەلەكتروندى ەڭبەك بيرجاسى تاجىريبەسى نەگىزىندە ەۋرازيا كەڭىستىگىندە ٴبىرىڭعاي ونلاين الاڭ قۇرۋ كوزدەلىپ وتىر. جاقىن ۋاقىتتا ەاەو ەلدەرىنە ارنالعان ٴبىرىڭعاي جۇمىس ىزدەۋ ونلاين الاڭى قۇرىلادى. رەسەيمەن، قازاقستان، قىرعىزستان، بەلورۋسسيا، ارمەنيا اراسىندا ەۋرازيالىق ەكونوميكالىق شارت بار، مۇندا ەڭبەك كادرلارى وداق ەلدەرى ىشىندە ەركىن كوشە الادى دەپ كورسەتىلگەن»، - دەدى ۆيسە-مينيسترى.

ونىڭ ايتۋىنشا، ەاەو ەلدەرىنە ورتاق ەلەكتروندى ەڭبەك بيرجاسى ىسكە قوسىلسا، ەل ازاماتتارى وداققا مۇشە مەملەكەتتەردەن جۇمىس ىزدەپ تابا الادى.

«سيفرلاندىرۋ زامانىندا ٴبىرىڭعاي ونلاين الاڭىمىز بولادى. سول كەزدە ازاماتتار قازاقستاندا عانا ەمەس، ەۋرازيالىق ەكونوميكالىق وداق ەلدەرىنەن دە جۇمىس ىزدەي الادى. ەاەو-داعى ارىپتەستەرىمىزبەن بىرگە بۇل ماسەلەنى شەشۋگە جاقىن قالدىق. جۋىردا ەۋرازيا كەڭىستىگىندە ٴبىرىڭعاي ەڭبەك بيرجاسى قۇرىلاتىن بولادى»، - دەدى ول.

ەسكە سالا كەتسەك، ەلىمىزدە 2018 جىلدىڭ 1 قاڭتارىنان ىسكە قوسىلعان ەلەكتروندى ەڭبەك بيرجاسى ارقىلى 18 مىڭنان استام قازاقستاندىق جۇمىسقا تۇرعانىن حابارلاعان بولاتىنبىز.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي