BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

قازاقستاندىقتار بەلورۋس ەلىندە 1 اي تىركەۋسىز جۇرە الادى

استانا. 12 قاراشا. baq.kz – بۇگىن ٴماجىلىستىڭ جالپى وتىرىسىندا «قازاقستان رەسپۋبليكاسى مەن بەلارۋس رەسپۋبليكاسى اراسىنداعى قازاقستان رەسپۋبليكاسىنىڭ ازاماتتارىنىڭ بەلارۋس رەسپۋبليكاسىنىڭ اۋماعىندا جانە بەلارۋس رەسپۋبليكاسى ازاماتتارىنىڭ قازاقستان رەسپۋبليكاسىنىڭ اۋماعىندا بولۋ ٴتارتىبى تۋرالى كەلىسىمدى راتيفيكاسيالاۋ تۋرالى» زاڭ جوباسى ماقۇلداندى. اتالعان كەلىسىمگە 2013 جىلدىڭ 4 قازانىندا قول قويىلعان. 

كەلىسىم قازاقستان مەن بەلارۋس ازاماتتارىنىڭ تاراپتار اۋماعىندا وزدەرى كىرگەن كۇننەن باستاپ كۇنتىزبەلىك وتىز كۇن ىشىندە قۇزىرەتتى ورگانداردا مىندەتتى تۇردە تىركەلمەستەن بولۋىنىڭ وڭايلاتىلعان ٴتارتىبىن بەلگىلەۋگە باعىتتالادى.

بۇل رەتتە ازاماتتاردىڭ ۋاقىتشا بولۋ مەرزىمى سول مەملەكەتتىڭ اۋماعىنا كىرگەن كەزدەگى شەكارا قىزمەتى قويعان بەلگىسى بار كوشى-قون كارتاسىمەن راستالىپ، مەملەكەتكە كىرگەن كۇننەن باستاپ ەسەپتەلەدى. ال ازاماتتاردىڭ ەكى مەملەكەت اۋماعىندا بولۋ مەرزىمى وتىز كۇننەن اسىپ كەتكەن جاعدايدا سول ەلدىڭ زاڭناماسىنا سايكەس، قۇزىرەتتى ورگاندارعا تىركەلۋگە مىندەتتى بولادى.

«بەلارۋستەن بولەك، قازاقستاننىڭ رەسەيمەن اراسىندا وسىنداي كەلىسىم جاسالعان بولاتىن. ٴوز كەزەگىندە ينتەگراسيا ۇدەرىسى ەڭبەكشى كوشىپ-قونۋشىلاردىڭ ٴجۇرىپ-تۇرۋلارى ٴۇشىن بارلىق كەدەرگىلەردى جويۋعا ىقپال ەتەدى. ال زاڭدى قابىلداۋ قازاقستان ازاماتتارىنىڭ بەلارۋستە بولۋىن جەڭىلدەتىپ، ساۋدا-ەكونوميكالىق، ينۆەستيسيالىق كليماتتى جاقسارتادى»، - دەدى زاڭ جوباسى بويىنشا بايانداعان ىشكى ىستەر ٴمينيسترى قالمۇحانبەت قاسىموۆ.

ٴماجىلىس ماقۇلداعان زاڭ جوباسى سەناتقا جولدانادى. 


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي