BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

قازاقستاندىق زاۋىت رەسەيدەن اۆتوريزاسيالانعان اۆياجوندەۋ كاسىپورنى كۋالىگىن الدى

«№405-اۆياجوندەۋ زاۋىتى» اق قازاقستاننىڭ اۋماعىندا اۆتوريزاسيالانعان اۆياجوندەۋ كاسىپورنى رەتىندە «رەسەي تىكۇشاقتارى» اكسيونەرلىك قوعامىنان كۋالاندىرۋ راسىمىنەن ٴوتتى.

ماسكەۋ وبلىسىنىڭ كۋبينكا قالاسىنداعى «ارميا-2016» حالىقارالىق اسكەري-تەحنيكالىق فورۋمى بارىسىندا قازاقستاندىق زاۋىتتىڭ باسشىلىعىنا سالتاناتتى تۇردە ٴتيىستى قۇجات تابىس ەتىلدى. كەپىلدەمەلىك جانە ساتۋدان كەيىنگى قىزمەت كورسەتۋ جۇيەسىن دامىتۋ شەڭبەرىندە «رەسەي تىكۇشاقتارى» اق «م.ل. ميل اتىنداعى متز» اق قۇراستىرۋ بيۋروسىمەن بىرلەسە قازاقستاندىق كاسىپورىننىڭ كۇردەلى جوندەۋدى، تەحنيكالىق قىزمەت كورسەتۋدى، مي-8ت، مي-8پ، مي-8پس، مي-17، مي-8متۆ-1، مي-17-1ۆ، مي-8امت، مي-171(ە)، مي-172 ۇلگىسىندەگى تىكۇشاقتارعا تولىمداۋشى بۇيىمداردىڭ جوندەلۋىنىڭ جوعارى ساپادا ورىندالۋىن راستادى. كۋالىك قازاقستاندا اۆياسيالىق تەحنيكانىڭ كورسەتىلگەن ۇلگىسىندە جۇمىستاردىڭ بارلىق تۇرلەرىن جۇرگىزۋگە مۇمكىندىك بەرەدى. وسىلايشا، iv حالىقارالىق «kadex-2016» كورمەسىندە «رەسەي تىكۇشاقتارى»، «قازاقستان ينجينيرينگ» ۇك» اق جانە «№405-اۆياجوندەۋ زاۋىتى» اق اراسىندا قول قويىلعان ٴۇشجاقتى كەلىسىم قازاقستاندا تىكۇشاق تەحنيكاسىنا ساتۋدان كەيىنگى قىزمەت كورسەتۋ اياسىندا العاشقى ناتيجەلەرىن بەردى. «№405-اۆياجوندەۋ زاۋىتى» اق 2012 جىلدان باستاپ بۇكىل رەسپۋبليكا بويىنشا رەسەيلىك ٴوندىرىستىڭ تىكۇشاقتارىنا سەرۆيستىك قىزمەت كورسەتۋ باعدارلاماسىن ىسكە اسىرۋدا. اتالعان باعدارلامانىڭ ماقساتى ۇشۋلار قاۋىپسىزدىگىن ارتتىرۋ، ۇزدىك پايدالانۋدى قامتاماسىز ەتۋ، حالىقارالىق ستاندارتتار دەڭگەيىنە دەيىن تەحنيكالىق قىزمەت كورسەتۋ جانە جوندەۋ بويىنشا سەرۆيستىك قىزمەتتەر ساپاسىن جەتكىزۋ بولىپ تابىلادى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي