BAQ.kz - Қазақстан жаңалықтары USD 378.9 BAQ.kz - Қазақстан жаңалықтары EUR 422.74 BAQ.kz - Қазақстан жаңалықтары RUB 5.87
استانا:

قازاقستان مەن رەسەي اراسىندا ٴبىرىڭعاي ستاندارتتاۋ بازاسى قۇرىلۋى مۇمكىن

بۇگىن قازاقستان رەسپۋبليكاسى مەن رەسەي فەدەراسياسىنىڭ مەملەكەتتىك ستاندارتتاۋ جانە اككرەديتتەۋ مەن مەترولوگيا سالاسىنداعى وكىلەتتى تۇلعالاردىڭ كەزدەسۋى بارىسىندا رەسەيلىك تاراپ قازاقستان مەن ارادا ٴبىرىڭعاي ستاندارتتار بازاسىن قۇرۋعا دايىن ەكەنىن مالىمدەدى، دەپ حابارلايدى baq.kz ٴتىلشىسى.

«قازاقستان مەن رەسەيدىڭ ۇلتتىق اككرەديتتەۋ ورگاندارى اراسىندا كاسىبي جانە نيەتتەس قارىم-قاتىناس بۇرىننان قالىپتاسقان جانە ٴقازىر بۇل بايلانىستى ودان ٴارى دامىتۋدىڭ ماڭىزى زور. وزدەرىڭىز بىلەتىندەي، ٴبىز قازاقستاندىق ارىپتەستەرىمىزبەن بىرگە ilac/iaf سەكىلدى حالىقارالىق ٴىرى اككرەديتتەۋ ۇيىمدارىنىڭ مۇشەسى بولىپ تابىلامىز. سول سەبەپتى، ەكى ەل اراسىندا اتالعان سالادا تالقىلايتىن ماسەلە جەتەرلىك. سونىڭ ىشىندە ەڭ ماڭىزدى ماسەلە – سايكەستىكتى باعالاۋ نارىعىنىڭ شەتتەن كەلگەن قاتىسۋشىلارىنا قارسى ىس-ارەكەتتەر قابىلداۋ. سايكەستىكتى باعالاۋ سالاسىندا سىناق حاتتاماسى مەن سەرتيفيكاتتاردى ۇسىنۋشىلارعا قاتىستى سۇراقتار تۋىنداپ جاتادى. سوندىقتان، ٴونىم ەاەو اياسىندا اينالىمدا جۇرەتىن ٴونىم پايدا بولعاندىقتان، مۇنداي شەتتەن كەلگەن، جوسىقسىز قاتىسۋشىلار حالىقارالىق دەڭگەيگە شىعىپ جاتادى. وسى ورايدا، بىزگە بىرلەسكەن اقپاراتتىق اينالىم تۋرالى كەلىسىمگە كەلىپ، ناقتى شەشىمدەر قابىلداۋ كەرەك»، - دەدى رف فەدەرالدىق اككرەديتتەۋ قىزمەتىنىڭ باسشىسى الەكسەي حەرسونسەۆ.

سونىمەن قاتار، رەسەيلىك قوناقتار قازاقستانمەن اراداعى مەملەكەتتىك ستاندارتتاردى ۇيلەستىرۋ نارىقتاعى ٴبىرقاتار ماسەلەلەردى شەشۋگە ىقپال ەتەتىنىنە سەنىم ٴبىلدىردى.

«ٴبىز مەترولوگيانى ستاندارتتاۋ جونىندەگى مەملەكەتارالىق كەڭەستە ەلدەر اراسىنداعى ستاندارتتاردى سايكەستەندىرۋ، ەتالونداردى ۇيلەستىرۋدى تالقىلاپ، وسى ارقىلى ٴبىرىڭعاي نارىقتا ٴوزارا ساۋدا جۇرگىزەتىن كاسىپورىندارعا كومەكتەسەمىز. بۇل ٴبىزدىڭ ەلدەر اراسىنداعى ساۋدا اينالىمىن ۇلعايتۋعا ىقپال ەتەدى. ٴقازىر ەاەو اياسىندا رەسەيلىك جانە قازاقستاندىق كومپانيالاردىڭ ٴوزارا قارىم-قاتىناسى ٴۇشىن قولايلى جاعداي جاسايتىن رەتتەۋ بار. وسى ورايدا، ٴبىز ستاندارتتاردى ازىرلەۋ جانە قولدانۋ، مەترولوگيالىق بازانى دامىتۋ كەلەشەگىن تالقىلايمىز. بۇگىن ٴبىز ٴبىرىڭعاي ستاندارتتار بازاسىن قۇرۋعا دايىنبىز. ازىرشە ٴبىرقاتار شەشىلمەگەن ماسەلەلەر بار، ٴبىراق، ولاردى شەشۋ بويىنشا جول كارتاسىن ازىرلەيمىز دەپ سەنەمىن»، - دەدى رف فەدەرالدىق رەتتەۋ جانە مەترولوگيا اگەنتىگىنىڭ باسشىسى الەكسەي ابراموۆ.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي