BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

قازاقستان رەسەيگە ەت ەكسپورتىن قايتا جانداندىرادى

استانا. 29 جەلتوقسان. baq.kz – بۇعان دەيىن ەلىمىزدە اۋسىل اۋرۋىنىڭ پايدا بولۋىنا بايلانىستا رەسەي قازاقستاننان ەت الۋدى توقتاتقان بولاتىن. 

ال، 19 جەلتوقساندا قر اشم ۆەتەريناريالىق باقىلاۋ جانە قاداعالاۋ كوميتەتى روسسەلحوزنادزوردان قازاقستان رەسپۋبليكاسىنىڭ اۋماعى اۋسىل بويىنشا تازا قولايلى ايماق تۋرالى قورىتىندى الدى. بۇل قازاقستاندىق جانە رەسەيلىك قىزمەتتەردىڭ ٴتيىمدى ٴارى ٴوزارا ارەكەتتەسۋ جۇمىستارىنىڭ جانە حالىقارالىق ەپيزووتيكالىق بيۋرونىڭ (حەب) جاردەمدەسۋىنىڭ ارقاسىندا مۇمكىن بولىپ وتىر. حەب-پەن بەلگىلەنگەن ولشەمدەرگە ساي قازاقستانداعى اۋسىل بويىنشا ەپيزووتيكالىق جاعداي تۇراقتى دەپ حابارلادى قر اشم ٴباسپاسوز قىزمەتى.

بىرنەشە جىل بۇرىن قازاقستاندا كو شەڭبەرىندە مال شارۋاشىلىعى ونىمدەرىنىڭ قوزعالىسى كەزىندە قاۋىپسىزدىكتى قامتاماسىز ەتۋ ماقساتىندا الماتى، جامبىل، قىزىلوردا وڭتۇستىك-قازاقستان جانە شىعىس-قازاقستان وبلىستارىنىڭ اۋماقتارىندا بۋفەرلىك اۋماق قۇرىلعان بولاتىن. وسىلايشا، وسى ايماقتاردان رەسپۋبليكانىڭ باسقا وبلىستارىنا جانە رەسەيگە جانۋارلاردىڭ قوزعالىسى مەن مال شارۋاشىلىعى ٴونىمىن تاسىمالداۋعا وسى ۋاقىتقا دەيىن تىيىم سالىنعان ەدى.

2014 جىلدىڭ تامىزىندا قازاقستاندىق تاراپتىڭ ماقساتتى جۇرگىزىلگەن شارالاردىڭ جانە روسسەلحوزنادزورمەن ٴوزارا ىنتىماقتاستىقتىڭ ناتيجەسىندە شىعىس قازاقستان وبلىسىنداعى شەكتەۋ الىنىپ، رەسەي فەدەراسياسىنا مال ونىمدەرىن شىعارۋ جونىندە رۇقسات بەرىلدى.

قازىرگى تاڭدا قر اۋىل شارۋاشىلىعى مينيسترلىگى روسسەلحوزنادزورمەن قىتاي جانە قىرعىزستانمەن شەكارالاس جامبىل وبلىسىنىڭ 4 اۋىلدىق وكرۋگىمەن الماتى وبلىسىنىڭ 5 اۋىلدىق وكرۋگتەرىن قوسپاعاندا بۇرىن شەكتەۋ قويىلعان ايماقتاردان رەسەي فەدەراسياسى تەرريتورياسىنا ەت ەكسپورتىمەن اۋىل شارۋاشىلىعى جانۋارلارىن تاسىمالداۋىن كەلىستى.

بۇدان باسقا، قازاقستان رەسپۋبليكاسى اۋىل شارۋاشىلىعى مينيسترلىگى اۋسىل بويىنشا تازا ايماق مارتەبەسىن رەسمي تۇردە الۋ ٴۇشىن حالىقارالىق ەپيزووتيالىق بيۋروسىنا ەكى ٴوتىنىم بەردى. حالىقارالىق ساراپشىلاردىڭ ميسسياسىنان جانە وسى ماسەلەگە بايلانىستى قۇجاتتار جيناعى قارالعاننان كەيىن 2015 جىلدىڭ مامىرىندا وتەتىن حەب-تىڭ كەزەكتى اسسامبلەياسىندا قازاقستان رەسپۋبليكاسىنىڭ اۋسىل بويىنشا تازا ايماق مارتەبەسىن الۋ مۇمكىندىگى كۇتىلۋدە. بۇل ەو جانە دسۇ ەلدەرىنە مال ونىمدەرىن ەكسپورتتاۋعا جانە قازاقستاندىق اۋىل شارۋاشىلىعى تاۋار وندىرۋشىلەرىنە حالىقارالىق نارىققا شىعۋعا مۇمكىندىك بەرەدى.

قازاقستان رەسپۋبليكاسى 2014 جىلعى 19 جەلتوقسانداعى جاعداي بويىنشا 11908،33 توننا ەت جانە ەت ونىمدەرىن ەكسپورتتادى. 


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي