BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

قازاقستان مەن رەسەيدىڭ موڭعولياداعى ەلشىلىكتەرى ەاەو شارتىنا ارنالعان بىرلەسكەن بريفينگ وتكىزدى

استانا. 4 ماۋسىم. baq.kz – ۇلان-باتىر قالاسىندا قازاقستان رەسپۋبليكاسىنىڭ موڭعولياداعى ەلشىسى قالىبە قوبلاندين جانە رەسەي فەدەراسياسىنىڭ موڭعولياداعى ەلشىسى يسكاندەر ازيزوۆ ٴۇ.ج. 29 مامىردا استانادا وتكەن ەۋرازيالىق ەكونوميكالىق وداق شارتىنا قول قويۋ راسىمىنە ارنالعان بىرلەسكەن بريفينگ وتكىزدى.

 ەلشى ق.قوبلاندين ٴوز سوزىندە ەۋرازيالىق ەكونوميكالىق وداق قۇرۋ يدەياسىن تۇڭعىش رەت ەلباسى ن.نازاربايەۆتىڭ وسىدان 20 جىل بۇرىن ماسكەۋ مەملەكەتتىك ۋنيۆەرسيتەتىندە ايتقانىن ەرەكشە اتاپ كورسەتتى. قازاقستان ەۋرازيالىق ەكونوميكالىق وداقتىڭ وسى وداققا مۇشە مەملەكەتتەردىڭ تۇراقتى جانە ورنىقتى دامۋىنا، حالىقتىڭ ٴال-اۋقاتىن، ٴومىر ساپاسىن جاقسارتۋعا ۇلكەن ەكونوميكالىق مۇمكىنشىلىكتەر اكەلەدى دەپ سانايدى، دەپ سىرتقى ىستەر مينيسترلىگىندە حابارلادى.
وداققا مۇشە ەلدەر اراسىندا كەدەندىك، ميگراسيالىق كەدەرگىلەر بولمايدى، مەملەكەتتەر زاڭدارىنىڭ بىركەلكى بولۋىنا بايلانىستى كاسىپكەرلەردىڭ ەركىن جۇمىس ىستەۋىنە، تاۋارلاردىڭ كەدەننەن الىمسىز وتۋىنە، ٴۇش مەملەكەت ازاماتتارىنىڭ ەۋرازيالىق ەكونوميكالىق وداقتىڭ كەز كەلگەن جەردە جۇمىس ىستەۋىنە نەمەسە وقۋىنا مۇمكىنشىلىك تۋادى.
قازاقستان ەلشىسى ينتەگراسيانىڭ ماڭىزدى ٴرولىن اڭگىمەلەي كەلە، بۇل ٴۇردىستىڭ قازاقستان ەكونوميكاسىنىڭ دامۋىنا اسەر ەتىپ، ەلدىڭ بولاشاقتا الەۋمەتتىك-ەكونوميكالىق جاڭعىرتىلۋىنا ۇلكەن مۇمكىنشىلىك جاسايتىنىنا سەنىم ٴبىلدىردى. اتاپ ايتقاندا، 2013 جىلى قازاقستاننىڭ رەسەي مەن بەلارۋسيامەن تاۋار اينالىمىنىڭ 24 ملرد. اقش دوللارعا جەتكەنىن، 2009 جىلدان باستاپ ىسكە قوسىلعان كەدەندىك وداق ىشىندەگى ارىپتەستەرىمەن تاۋار اينالىمىنىڭ 88% اسقانىن اتاپ ٴوتتى.
سونىمەن قاتار، ەۋرازيالىق ەكونوميكالىق وداقتاعى مەملەكەتتەردە 40 تريلليون اقش دوللارىن قۇرايتىن دۇنيە جۇزىندەگى بارلىق زەرتتەلگەن قازبا بايلىقتىڭ تورتتەن ٴبىر ۇلەسى بار ەكەندىگى، الەمدەگى ەڭ ۇلكەن ەنەرگو رەسۋرستار مەن ازىق-تۇلىكتىك استىق ەكسپورتتاۋشى، ٴۇش مەملەكەت ەكونوميكاسىنىڭ جيىنتىعى 2،2 تريلليون اقش دوللارىن، جالپى شىعاراتىن وندىرىستىك ونىمدەرىنىڭ 1،5 تريلليون اقش دوللارىن قۇرايتىنى ايتىلدى.
ق.ٴقوبلانديننىڭ مالىمدەۋىنشە، بۇگىنگى تاڭدا ينتەگراسيالىق ۇيىمعا الەمدەگى ٴبىرقاتار ٴىرى مەملەكەتتەر - قىتاي، ٴۇندى، ۆەتنام، تۇركيا، يزرايل، جاڭا زەلانديا جانە ت.ب. قىزىعۋشىلىق بىلدىرۋدە. جاقىن ارادا ەۋرازيالىق ەكونوميكالىق وداققا ارمەنيا مەن قىرعىزستان مۇشە بولۋدى كوزدەپ وتىر.
ەلشى ي.ازيزوۆ ەۋرازيالىق ەكونوميكالىق وداققا مۇشە مەملەكەتتەر اراسىندا تاۋارلار مەن قىزمەت كورسەتۋ، كاپيتال مەن جۇمىس كۇشتەرىنىڭ ەركىن قوزعالاتىنىنا، ەكونوميكا سالاسىنىڭ نەگىزگى ٴارى شەشۋشى باعىتتارىندا، اتاپ ايتقاندا، ەنەرگەتيكا، ٴوندىرىس، اۋىل-شارۋاشىلىق پەن كولىككە قاتىستى ساياساتتى بىرلەسە، كەلىسىپ جۇرگىزەتىندەرىن ايتىپ ٴوتتى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي