BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

قازاقستان مەن رەسەي اراسىنداعى ەكسپورت كولەمى ارتقان

استانا. 17 قاراشا. baq.kz – پەتروپاۆلداعى قۇبىر زاۋىتى ٴوز ٴونىمىن كورشى ەلگە شىعارىپ، نارىقتاعى اياسىن كەڭەيتتى دەپ حابارلايدى 24kz

ەندى كاسىپورىن ەۋرازيالىق ەكونوميكالىق وداق شەڭبەرىندە ومبى قالاسىندا زاۋىت سالۋدى جوسپارلاپ وتىر. وتاندىق ورتادا ٴوز ورنىن العان پەتروپاۆل قۇبىر زاۋىتىنىڭ رەسەي نارىعىنا شىققانىنا 2 جىلداي بولدى. وسى ۋاقىت ارالىعىندا كاسىپورىن ٴوز ونىمىمەن ومبى، تۇمەن جانە قورعان وبلىستارىن قامتاماسىز ەتىپ، ەندى شاعىن زاۋىت اشۋدى كوزدەپ وتىر. قازاقستان مەن رەسەي قارىم-قاتىناسى ەكى ەلدى جالعاپ تۇرعان ەرتىس وزەنىندەي توقتاعان ەمەس. ماسەلەن، ٴبىر عانا ومبى وبلىسىندا بىرلەسكەن 200-دەي كاسىپورىن تابىستى جۇمىس ىستەپ جاتىر. سونىڭ ارقاسىندا وسى ٴوڭىر مەن قازاقستان اراسىنداعى تاۋار اينالىمى وتكەن جىلى 400 ملن اقش دوللارىنان اسقان. رەسەي – قازاقستاننىڭ نەگىزگى ساۋدا-ەكونوميكالىق ارىپتەسى. اسىرەسە شەكارالاس ايماقتاردىڭ ساۋداسى ٴجۇرىپ تۇر. تاراپتار تەك ساۋدا-ەكونوميكالىق تۇرعىدا عانا ەمەس، دوستىق قارىم-قاتىناستا دا جاقسى. ومبى قالاسىنداعى شوقان ٴۋاليحانوۆ اتىنداعى كوشە تولىق جوندەلىپ، بويىنا ۇلى عالىمنىڭ ەسكەرتكىشى ورناتىلعان. 


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي