BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

قاراعاندىلىق كاسىپورىندار كەدەن وداعىنىڭ دامۋىنا ۇلەس قوسىپ كەلەدى

استانا. 20 مامىر. baq.kz – قاراعاندىلىق كاسىپورىندار كەدەن وداعىنىڭ دامۋىنا لايىقتى ۇلەس قوسىپ كەلەدى. وتكەن جىلى ايماقتىڭ رەسەي جانە بەلارۋس كاسىپورىندارىمەن تاۋار اينالىمى ەكى ميلليارد اقش دوللارىن قۇرادى دەپ حابارلايدى استانا تەلەارناسى. ٴۇش ەلدىڭ ىنتىماقتاستىعىنا كەدەن وداعىنىڭ قوسقان ۇلەسى زور. قازاقستاننىڭ ورتالىق ايماقتارىندا 600 كاسىپورىن ٴوز ونىمدەرىن شەتەلگە جونەلتەدى.  

قاراعاندى وبلىسىنان ەكسپورتقا مەتاللۋرگيا ونىمدەرى مەن قۇرىلىس ماتەريالدارى، دارى-دارمەكتەر شىعارىلادى. باي شيكىزاتتىڭ ارقاسىندا وڭىردە كوپتەگەن جاڭا كاسىپورىندار اشىلۋدا. ماسەلەن، تەمىرتاۋداعى بۇل كومپانيا سىرا قايناتاتىن ٴىرى زاۋىتتارعا ارزان قالايىدان جاسالعان شولمەك قاقپاقتارىن ساۋدالايدى. زاۋىت باسشىسىنىڭ ايتۋىنشا، ٴوندىرىس كولەمى 5 جىلدا 3 ەسەگە ٴوسىپ، جىلىنا 900 ميلليون قاقپاق وندىرەتىن بولعان.

يۋريي ديۋپين، زاۋىت ديرەكتورى:

رەسەيدىڭ پوۆولجە، ۋرال، ٴسىبىر، قيىر شىعىس وڭىرلەرىنە ونىمدەرىمىزدى جىبەرەمىز. ٴبىر قۋانتارلىعى، باسەكەگە قابىلەتتىلىگىمىز ۋاقىت ساناپ ارتىپ كەلەدى. ەلىمىزدىڭ كەدەن وداعىنا مۇشە بولۋى دا بىزگە وڭ سەپتىگىن تيگىزۋدە.  


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي