BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

قابيبوللا جاقىپوۆ ۆەتنام ەلشىسىن قابىلدادى

استانا. 11 جەلتوقسان. baq.kz – ٴماجىلىس ٴتوراعاسى قابيبوللا جاقىپوۆ ۆەتنام سوسياليستىك رەسپۋبليكاسىنىڭ قازاقستانداعى توتەنشە جانە وكىلەتتى ەلشىسى نگۋەن ۆان حوانى قابىلدادى. 

قابيبوللا جاقىپوۆ ۆەتنام قازاقستاننىڭ وڭتۇستىك-شىعىس ازياداعى ماڭىزدى سەرىكتەسى بولىپ تابىلاتىنىنا جانە ەكىجاقتى قارىم-قاتىناستى وركەندەتۋگە زور مۇمكىندىكتىڭ بار ەكەندىگىنە توقتالدى. ولار كەدەن وداعى مەن ۆەتنام اراسىندا ەركىن ساۋدا ايماعىن قالىپتاستىرۋدىڭ ماڭىزىن دا اتاپ ٴوتتى. تاراپتاردىڭ كوزقاراسى بويىنشا ول ەكى ەل اراسىندا تاۋار اينالىسىن ۇلعايتۋعا جول اشاتىن بولادى.

ٴوز كەزەگىندە ۆەتنام ەلشىسى قازاقستان «نۇرلى جول» جاڭا ەكونوميكالىق ساياساتىنىڭ ارقاسىندا بۇگىنگى زاماننىڭ بارلىق قاۋىپتەرىنە قارسى تۇرا الاتىنا سەنىمدىلىگىن ٴبىلدىردى جانە الداعى ۋاقىتتا ەلىمىزگە تابىس تىلەدى.

ٴماجىلىس ٴتوراعاسى ديپلوماتقا پرەزيدەنتتىڭ «قازاقستان-2050» ستراتەگياسىن زاڭنامالىق قامتاماسىز ەتۋ ٴۇشىن جاسالىپ جاتقان ىستەردەن حاباردار ەتتى.

ٴوز كەزەگىندە ديپلومات پارلامەنتشىلەردىڭ قازاقستان مەن ۆەتنام اراسىنداعى ەكونوميكالىق قاتىناستاردى دامىتۋدىڭ قۇقىقتىق نەگىزىن جاساۋ جولىنداعى ەڭبەكتەرىن جوعارى باعالادى.

كەزدەسۋ قورىتىندىسىندا نگۋەن ۆان حوا ٴماجىلىس ٴتوراعاسىنا ۆەتنام سوسياليستىك رەسپۋبليكاسى ۇلتتىق جينالىسىنىڭ ٴتوراعاسى نگۋەن شين حۋنگانىڭ ەلىنە رەسمي ساپارمەن شاقىرۋىن تابىستادى. 


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي