BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ق.وسكەنبايەۆ تەرەزە سۇلبالارىن وندىرەتىن زاۋىتتىڭ جۇمىسىن جوعارى باعالادى

استانا. 29 ٴساۋىر. baq.kz – بۇگىن قر وڭىرلىك دامۋ ۆيسە-مينيسترى قايىربەك وسكەنبەۆ «ەەو قازاقستاندىق بيزنەس ٴۇشىن جاڭا مۇمكىندىكتەر» اتتى اقپاراتتىق اپتالىق اياسىندا استانا ماڭىندا ورنالاسقان تەرەزە سۇلبالارىنىڭ وندىرىسىمەن اينالىساتىن «funke kunststoffe(فۋنكە كۋنستشتوففە)» ٴجشس-ىن ارالاپ قايتتى.

«قازاقستاندا تەرەزە مەن ەسىك سۇلبالارىن وندىرەتىن كاسىپورىندار جەتەرلىك. الايدا، بۇل زاۋىتتىڭ باستا ەرەكشەلىگى - ول جان-جاقتى. ەگەر، ٴبىر كومپانيا ٴبىر ٴتۇرلى ٴونىمدى شىعاراتىن بولسا، مىناۋ كاسىپورىن ٴسىزدىڭ تاپسىرىسىڭىزعا قاراي ونى تۇر-تۇرىمەن شىعارا الادى. ساپاسى دا وتە جوعارى. ٴبىر وكىنىشتىسى، كومپانيا شيكىزاتتى ەۋروپادان الدىرادى. نەگىزى ول مۇنايدىڭ ٴبىر بولىگى، دەمەك وزىمىزدە وندىرە الامىز. اتتەگەنى سول، ٴوندىرىستىڭ بۇل ٴتۇرى بىزدە ٴالى دامىماعان. بۇيىرتسا، بولاشاقتا اتىراۋدا ارنايى كاسىپورىن اشىپ، بۇل ولقىلىقتىڭ دا ورنىن تولتىراتىن بولامىز. سوندا ٴونىمدى تولىعىمەن قازاقستاندا جاسالدى دەپ ايتۋعا بولادى»، - دەدى ۆيسە-مينيستر.
كومپانيا باس ديرەكتورى پەتەر پاۋل كوحتىڭ ايتۋىنشا، «funke kunststoffe» كومپانياسىنىڭ ىرگەتاسى 1970 جىلى قالانعان. ول تەرەزە جانە ەسىك سۇلبالارىنان باسقا پلاستيكالىق جانە كوپ قاباتتى قۇبىرلاردىڭ، وندىرىسىمەن اينالىسادى. بۇگىندە كاسىپورىنندا ٴوندىرىستىڭ 4 سەحى جۇمىس ىستەيدى: شيكىزات سەحى، وندىرىستىك سەح، زەرتحانالىق جانە قۇرال-سايماندار سەحى. ول زاماناۋي تەحنيكامەن تولىعىمەن جابدىقتالعان. ونىڭ ۇستىنە، ٴوندىرىس جارتىلاي اۆتوماتتاندىرىلىپتى. كومپانيا ٴوز ٴونىمىنىڭ 40%-ىن قازاقستاندا، قالعان 60%-ىن تمد ەلدەرىنە، كەدەندىك وداققا مۇشە ەلدەرگە جانە ازيا مەن شىعىس ەۋروپا ەلدەرىندە ساۋداعا شىعارادى. بۇگىندە ٴوندىرىس وشاعىندا 70 ەلوردالىق ازامات جۇمىس ىستەپ جاتىر. ولاردىڭ ٴ25-ى وتكەن جىلى گەرمانيادا ارنايى وقىتىلىپ، بىلىكتىلىگىن ارتتىرعان.

«2013 جىلى سەرىكتەستىك تۇتىنۋشىلارىنىڭ باسىم بولىگى ورتالىق ازياعا جاقىن ورنالاسقاندىقتان، زاۋىت تەرەزە جانە ەسىك سۇلبالارىن وندىرەتىن جەلىسىن گەرمانيادان قازاقستاننىڭ استاناسىنا تولىعىمەن كوشىردى. بۇل قادام ٴبىزدىڭ ارامىزداعى اراقاشىقتىقتى ازايتىپ، تاۋاردىڭ باسەكەگە قابىلەتتىلىگىن ودان ٴارى ارتتىرا ٴتۇستى. جوباعا 11 ملن. ەۋرو ينۆەستيسيالاندى. اعىمداعى جىلى قوسىمشا 3 ملن ەۋرونى ينۆەستيسيالايتىن بولامىز. قارجىنىڭ 70%-ى ٴوزىمىزدىڭ كاپيتالىمىز. ال، قالعان 30%-ى «بيزنەستىڭ جول كارتاسى - 2020» باعدارلاماسى شەڭبەرىندە قازاقستاندىق «حالىق بانكى» دامۋ قورىمەن بىرلەسىپ قارجىلاندىردى. مەملەكەتتىك باعدارلاما ىلكىمدى ٴىستى ىركىلتپەي ىسكە اسىرۋدا ۇلكەن دەمەۋ بولدى. قارجى ينستيتۋتىنىڭ ماماندارى دا وزدەرىنىڭ كاسىبي بىلىكتىلىكتەرىن كورسەتتى»، - دەپ «funke kunststoffe(فۋنكە كۋنستشتوففە)» جشس باس ديرەكتورى پەتەر پاۋل كوح اعىنان جارىلدى.

ايتا كەتەرلىك جايت، اتالمىش زاۋىت قازاقستان نارىعى قاجەتتىلىگىنىڭ 10%-عا قامتاماسىز ەتىپ وتىر.
«زاۋىتتى قازاقستانعا كوشىرمەس بۇرىن بىزدە ەكى تاڭداۋ بولدى. ول رەسەي نەمەسە قازاقستان نارىعى. ويلانىپ كەلە ٴبىز قازاقستانعا توقتالدىق. سەبەبى، ەلدىڭ ينۆەستيسيالىق كليماتى وتە قولايلى. ونىڭ ۇستىنە مەملەكەتتىك قولداۋ دا جاقسى سەزىلىپ تۇردى»، - دەدى كومپانيانىڭ باس ديرەكتورى.

 

ٴمولدىر بەكبەرگەنوۆا


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي