BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ٴىرى كاسىپورىن الەۋەتىن تولىق يگەرۋ ٴۇشىن نارىقتىق الاڭ كەرەك

استانا. 16 مامىر. baq.kz – الىپ كاسىپورىنداردىڭ الەۋەتىن تولىق پايدالانۋ ٴۇشىن جانە ولاردىڭ كۇش-قۋاتىن سارقا پايدالانۋ ٴۇشىن بىزگە راسىندا دا الىپ نارىق قاجەت. ال قازىرگىدەي 17-18 ميللوندىق تۇتىنۋشىسى بار نارىقپەن ۇلكەن كاسىپورىندارىمىزدىڭ جۇمىس ىستەۋ قارقىنىن ۇدەتۋ بىزدەر ٴۇشىن قىمباتقا ٴتۇسۋى مۇمكىن، - دەيدى تاريح عىلىمدارىنىڭ كانديداتى جۇمامۇرات ٴشامشى.

- تاريحقا كوز جۇگىرتسەك، الەمدە بىزگە دەيىن دە بىرنەشە مەملەكەتتەردىڭ ٴوزارا وداقتاسىپ، نارىقتىق-ەكونوميكالىق ساۋدا اينالىمىن جاساعان. مۇنداي وداقتاسۋلار ٴقازىر دە الەمدىك نارىقتا ٴومىر ٴسۇرىپ كەلەدى. ال تاۋەلسىزدىگىن جاريالاعانىنا شيرەك عاسىر تولماعان قازاقستاننىڭ گەوگرافيالىق تۇرعىدان دا، دەموگرافيالىق تۇرعىدان دا ٴتىپتى، ەكونوميكالىق تۇرعىدان دا كورشى ەلدەرمەن وداقتاسقانى ٴجون دەپ سانايمىن. بۇل مەملەكەت باسشىسىنىڭ كوپ جىلداردان بەرگى ساياسي قىزمەتىندەگى سارابدال شەشىمدەرىنىڭ ٴبىرى دەپ ويلايمىن. ويتكەنى، مۇنداي ويدى ول كىسى كۇنى كەشە عانا ماسكەۋدە وقىعان لەكسياسىندا ايتقان جوق. وسىدان جيىرما جىل بۇرىنعى دارىسىندە دە وسىنداي وي ايتىلعان. ال ونىڭ شەشىم تابۋى ٴتۇرلى سىلتاۋ-سەبەپتەرمەن وسى كۇنگە دەيىن سوزىلىپ كەلگەنى اقپارات قۇرالدارىندا ايتىلىپ كەلەدى. بۇگىنگىدەي زاماناۋي تەحنولوگيالار دامىعان كەزەڭدە جەكە-دارا شاۋىپ، وڭاشالانعان ەل رەتىندە وزگە مەملەكەتتەردەن كوش ىلگەرى وزۋىمىز دا ەكىۇشتى ماسەلە. سوندىقتان دا تاۋەلسىزدىگىمىزدىڭ تۇعىرىن ساقتاي وتىرىپ، ىشكى-سىرتقى ساياساتىمىزدى تەڭ ۇستاپ، كورشى ەلدەرمەن ەكونوميكالىق وداق قۇرعانىمىز دۇرىس تاڭداۋ، وڭ شەشىم. سەبەبى، انىعىندا دا شيكىزات قورىنا باي ەلىمىزدە سوڭعى جىلدارى ىسكە قوسىلىپ جاتقان الىپ ٴوندىرىس ورىندارىنىڭ ونىمدەرى كەدەرگىسىز ساۋدالانۋى ٴۇشىن بىزگە الىپ نارىقتىق ساۋدا اينالىمىن قامتيتىن ۇلكەن الاڭدار قاجەت. مۇنىڭ ٴبىر قىرى - وسى ەكونوميكالىق وداقتاسۋدىڭ استارىندا جاتقانى جاسىرىن ەمەس، - دەيدى ول.

 

نۇرلىبەك دوسىباي
 


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي