BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ينتەرنەتتەگى كونترافاكتىگە قارسى كۇرەستە تەحنيكالىق قۇرالداردى قولدانۋ قاجەت

استانا. 21 مامىر. baq.kz – ينتەرنەتتەگى كونترافاكتىگە قارسى كۇرەستە زياتكەرلىك مەنشىك وبەكتىسىنە قولجەتىمدىلىكتى باقىلايتىن، اۆتور نەمەسە قۇقىق يەلەنۋشى رۇقسات ەتپەگەن ارەكەتتەردىڭ جۇزەگە اسىرىلۋىن بولدىرمايتىن، ٴتيىستى تەحنيكالىق قۇرالدار مەن قۇرىلعىلاردى قولدانۋ قاجەت. 

بۇل جونىندە «انتيكونترافاكت» حالىقارالىق فورۋمىندا قازاقستان رەسپۋبليكاسى پرەمەر-مينيسترىنىڭ ٴبىرىنشى ورىنباسارى باقىتجان ساعىنتايەۆ مالىمدەدى.

سيفرلىق تەحنولوگيالاردىڭ دامۋى مەن ينتەرنەت جەلىسىنىڭ ۇدايى كەڭەيىپ بارا جاتقانى پايدالانۋشىلار ٴۇشىن جاڭا مۇمكىندىكتەر اشتى. ينتەرنەت جەلىسىندە پيراتتىق اۋديو جانە بەينەونىمدەر دە كەڭىنەن تارالىپ وتىر.

ينتەرنەت جەلىسىندە تۋىندىلاردى زاڭسىز تاراتۋشى پايدالانۋشىلاردىڭ جاۋاپكەرشىلىگىن قاتاڭداتۋ ٴاردايىم ولاردىڭ تاراپىنان قاتتى قارسىلىق تۋعىزادى. ينتەرنەت جەلىسىندەگى پيراتتىق پروبلەماسى – ينتەرنەت جەلىسىندەگى تۋىندىلارعا پايدالانۋشىلاردىڭ اۋقىمدى توبىنىڭ قول جەتىمدىلىگى سالدارىنان وزەكتى بولىپ وتىر. سوندىقتان پيراتتىق پروبلەما كەڭىنەن تالقىلانىپ، ونى شەشۋ جولدارى ايقىنداپ الىنۋى ٴتيىس.
- ينتەرنەتتەگى كونترافاكتىگە قارسى كۇرەستە زياتكەرلىك مەنشىك وبەكتىسىنە قولجەتىمدىلىكتى باقىلايتىن، اۆتور نەمەسە قۇقىق يەلەنۋشى رۇقسات ەتپەگەن ارەكەتتەردىڭ جۇزەگە اسىرىلۋىن بولدىرمايتىن، ٴتيىستى تەحنيكالىق قۇرالدار مەن قۇرىلعىلاردى قولدانۋ قاجەت. سونىمەن بىرگە، كورسەتىلەتىن قۇرالداردى قولدانۋ زاڭنامادا بەكىتىلۋى ٴتيىس، - دەدى ۆيسە-پرەمەر.
قازاقستان زاڭناماسىندا وسىنداي تەحنيكالىق قۇرالداردى قولدانۋ «اۆتورلىق قۇقىق جانە ساباقتاس قۇقىقتار تۋرالى» زاڭدا كوزدەلگەندىگىن ايتقان ول: «2012 جىلى ينتەرنەت جەلىسىندە زياتكەرلىك مەنشىك قۇقىقتارىن بۇزعان ٴۇشىن جاۋاپكەرشىلىكتى بەلگىلەۋگە باعىتتالعان ٴبىرقاتار تۇزەتۋلەر ەنگىزىلدى. ۇكىمەت جانىنان تۇراقتى تۇردە جۇمىس ىستەيتىن زياتكەرلىك مەنشىك ماسەلەلەرى بويىنشا ۆەدومستۆوارالىق كوميسسيا قۇرىلدى. سونىمەن بىرگە، كونترافاكتىلىك جانە پيراتتىق ٴونىمدى تاراتۋعا قارسى اناعۇرلىم ٴتيىمدى ٴىس-قيمىل ٴۇشىن زاڭنامالىق، سول سياقتى تەحنيكالىق سيپاتتا اسا قاتاڭ شارالار قولدانۋ قاجەت» دەپ اتاپ ٴوتتى.

اينۇر راكيشەۆا


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي