BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ينتەگراسيا – ٴتورت ەلدىڭ ورتاق تاقىرىبىنا اينالدى

استانا. 14 مامىر. baq.kz – بۇگىن استاناداعى «ريا-نوۆوستي» اقپارات اگەنتتىگىنىڭ ٴباسپاسوز ورتالىعىندا استانا – ماسكەۋ – مينسك – ەرەۆان اراسىندا مۋلتيمەديالىق كوپiر ارقىلى بەينەكونفەرەنسيا ٴوتتى. ينتەگراسيا ماسەلەسىنە قاتىستى ٴتورت ەلدىڭ ماماندارىن بايلانىستىرعان جيىنعا قازاقستان تاراپىنان ٴماجىلىس دەپۋتاتتارى كامال بۋرحانوۆ، ايگۇل سولوۆەۆا جانە مەيرام بەگەنتايەۆ پەن «قازاقستاننىڭ ازاماتتىق اليانسىنىڭ پرەزيدەنتى» نۇرلان ەرىمبەتوۆ قاتىستى.

كونفەرەنسيا بارىسىندا تاراپتار بۇگىندە ٴۇش ەلدىڭ اراسىندا قىزمەت كورسەتىپ جاتقان كەدەندىك وداقتىڭ جاي-كۇيىن تالقىلاي وتىرىپ، ەۋرازيالىق ەكونوميكالىق وداققا ٴوتۋدىڭ ماسەلەلەرىن باياندادى. اتاپ ايتقاندا، ەۋرازيالىق ەكونوميكالىق وداق قۇرۋدا بەلسەندى ارەكەت ەتىپ جاتقان رەسەي مەن قازاقستاننىڭ قىزمەت قارقىنى جانە بەلارۋس ەلىنىڭ مۇناي سالىعىنا قاتىستى ماسەلەلەرى، ارمەنيانىڭ وداققا مۇشەلىككە قابىلدانۋ نەمەسە قابىلدانباۋ مۇمكىندىكتەرى اڭگىمە وزەگىنە اينالىپ، ينتەگراسيا تاقىرىبىن جان-جاقتى ٴسوز ەتتى.

ايتا كەتەيىك، ەۋرازيالىق كوممۋنيكاسيالىق ورتالىعىنىڭ قولداۋىمەن، «سەۆەر – يۋگ» ساياساتتانۋ ورتالىعىنىڭ ۇيىمداستىرۋىمەن وتكەن تىكەلەي جەلى اياسىندا ٴتورت ەلدىڭ باق وكىلدەرى دە تالقىلاۋعا بەلسەندى قاتىسىپ، جولداعان ساۋالدارىنا ناقتى جاۋاپتار الدى.

 

نۇرلىبەك دوسىباي
 


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي