BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ينتەگراسيا قازاقستانعا ٴبىرقاتار مۇمكىندىكتەر بەرەدى – ج. ەرتىلەسوۆا

استانا. 20 مامىر. baq.kz – «نۇر وتان» پارتياسىنىڭ مۇرىندىق بولۋىمەن وتكەن دەموكراتيالىق كۇشتەردىڭ جالپىۇلتتىق كواليسياسىنىڭ وتىرىسىندا ٴسوز العان قازاقستان رەسپۋبليكاسىنىڭ سالىق تولەۋشىلەر قاۋىسداستىعى، باسقارۋشى كەڭەسىنىڭ ٴتورايىمى جاننات ەرتىلەسوۆا وسىلاي مالىمدەدى، - دەپ حابارلايدى baq.kz ٴتىلشىسى.

- 1995 جىلدارداعى گەرمانيا مەن اۆستريا ەلدەرىنىڭ اراسىنداعى ٴجىو كولەمى مەن كىرىس-شىعىس ساۋدا اينالىمدارىنىڭ كولەمى ٴتۇرلى كورسەتكىشتەردى قۇراعان. بۇل جەردە العاش اتالعان مەملەكەت ەكونوميكالىق ٴوسۋ بەلسەندىلىگى جاعىنان كەيىنگى ەلدى شاڭىنا دا ىلەستىرمەگەن. ال ەندى 2013 جىلداعى ساراپتامالىق دەرەكتەرگە كوز جۇگىرتسەك، اۆستريانىڭ الەۋەتى كوز ىلەسپەس شاپشاڭدىقپەن قارىشتى دامىپ، الگى گەرمانيانى قۋىپ جەتۋ بىلاي تۇرسىن، ٴتىپتى باسىپ وزادى. ٴجىو بويىنشا دا ەكى ەسەلەنگەن تۇرعىدا الاقانداي اۆستريا كورشى ەلدەرىن ارتتا قالدىردى. بۇل ارينە ينتەگراسيانىڭ ناتيجەسى. ويتكەنى، سوڭعى ٴۇشجىلدىقتىڭ ىشىندە بۇل ەلدىڭ باس قالاسى بيزنەس جۇرگىزۋ ٴۇشىن الەم بويىنشا ەڭ قولايلى مەكەن رەتىندە تانىلىپ كەلەدى. مەنىڭ ويىمشا، مۇنداي مۇمكىندىككە يە بولۋعا قازاقستان دا قابىلەتتى. وعان ٴبىزدىڭ ەلدىڭ الەۋەتى ساي كەلەدى جانە ٴبىرقاتار باسىمدىقتارىمىز بار. ەندىگى بار ماسەلە وزىمىزگە بايلانىستى. ناقتى جوسپارلاردى قالاي جۇزەگە اسىرىپ، تاپسىمالاردى ٴقايتىپ ورىندايمىز؟ قاراپايىم عانا ٴبىر مىسال كەلتىرەيىن. الەمنىڭ 170-تەن اسا مەملەكەتتەرىنىڭ دارەجەسىن انىقتايتىن حالىقارالىق «doing business» رەيتينگىسى بويىنشا، قازاقستان 169 ورىندا. بىزدەن تومەن تۇرعان ٴۇش قانا ەل بار. ولار: وڭتۇستىك سۋدان، تاجىكستان جانە وزبەكستان عانا. ٴبىر قىزىعى جىل وتكەن سايىن بۇل كورسەتكىش كوڭىل كونشىتپەي كەلەدى. ال مۇنى وسى سالانىڭ جاۋاپتى ماماندارى «قازاقستاننىڭ تەڭىزگە شىعار جولى جوق. سول سەبەپتەن دە رەيتينگتىك كورسەتكىشىمىز وسىلاي بولىپ جاتىر» دەگەن جالتارما جاۋاپتى قايتالاۋدان جالىقپاي كەلەدى. ٴبىر قىزىعى اۋعانستاننىڭ ٴوزى بۇل جاعدايدا بىزدەن جوعارى، - دەيدى ول.


نۇرلىبەك دوسىباي

 


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي