BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ينتەگراسيا - ينۆەستورعا دا، ەلگە دە ٴتيىمدى

استانا. 19 مامىر. baq.kz – ەلباسىنىڭ ٴوزى قازاقستاندا شيكىزات ونىمدەرىن وڭدەيتىن ٴوندىرىس ورىندارىن سالۋدى جانە ولاردىڭ قاتارىن كوبەيتۋدى كوپ ايتادى. مەملەكەت باسشىسى ەكونوميكامىزدى ورگە سۇيرەتىن مۇنداي جوبالارعا زور ىقىلاسپەن قارايدى. ماسەلەنىڭ تەرەڭىنە ۇڭىلسەك، ينتەگراسيا - ينۆەستورعا دا ەلگە دە زور پايدا اكەلەدى، - دەپ اتاپ ٴوتتى قر پرەمەر-مينيسترىنىڭ ٴبىرىنشى ورىنباسارى، ەۋرازيالىق ەكونوميكالىق كوميسسيا كەڭەسىنىڭ مۇشەسى باقىتجان ساعىنتايەۆ استانادا وتكەن «قازاقستان – 2050» دەموكراتيالىق كۇشتەردىڭ جالپىۇلتتىق كواليسياسىنىڭ وتىرىسىندا. بۇل جونىندە baq.kz ٴتىلشىسى حابارلايدى.

- بارىمىزگە بەلگىلىسى، جەر قويناۋىنا تولى شيكىزاتىمىزدى قازىپ الىپ ساتا بەرمەي، ونى وڭدەپ ساۋداعا شىعاراتىن كاسىپورىنداردىڭ قاتارىن كوبەيتۋىمىز كەرەك ەكەنى. سوندىقتان دا، بۇگىنگى تاڭدا ٴبىزدىڭ مەملەكەت ەكونوميكالىق تۇرعىدان وداقتاسىپ جاتقان وزگە ەكى ەلگە قاراعاندا، شەتتەن كەلەتىن ينۆەستورلارعا وتە جاقسى جاعداي مەن قولايلى اۋرا قالىپتاستىرىپ وتىر. اتاپ ايتقاندا، سالىقتىق جەڭىلدىكتەر مەن وزگە دە زاڭنامالىق تۇرعىدان جانە ينفراقۇرىلىم جاعىنان جاڭادان كاسىپورىن سالامىن، جۇمىس ورنىن اشامىن دەۋشىلەرگە ٴتۇرلى جەڭىلدىكتەر جاساپ، قولتىعىنان دەمەۋدە. ەكونوميكالىق وداقتاسۋ مول قاراجاتپەن قازاقستانعا كەلەتىن شەتەلدىك ينۆەستورلارىمىزعا دا وڭ اسەرىن تيگىزبەك. شيكىزاتتى ىرگەدەن قازىپ، ونى وڭدەپ ٴتۇرلى تاۋار شىعارعان كاسىپورىننىڭ ٴوز ٴونىمىن ساۋدالاۋى ٴۇشىن الىپ نارىق قاجەت. بۇل ەندى ەلىمىزگە ينۆەستيسيا قۇيىپ جاتقان ينۆەستورعا دا، تۇتىنۋشى رەتىندە ٴاربىر ازاماتقا دا ٴتيىمدى بولاتىنى ٴسوزسىز، - دەدى ول.


نۇرلىبەك دوسىباي

 


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي