BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

گۇلميرا سۇلتان: قازاقستان ەەو-نىڭ دامۋىندا نەگىزگى ٴرولدى ورىنداۋى ٴتيىس

 استانا. 19 مامىر. baq.kz - قازاقستان ەۋرازيالىق ەكونوميكالىق وداعىنىڭ دامۋىندا نەگىزگى ٴرولدى ورىنداۋى ٴتيىس. ٴال-فارابي اتىنداعى قازاق ۇلتتىق ۋنيۆەرسيتەتى جۋرناليستيكا فاكۋلتەتى ٴباسپاسوز جانە ەلەكتروندى باق كافەدراسىنىڭ پروفەسسورى، ساياسي عىلىمدارىنىڭ دوكتورى گۇلميرا سۇلتانبايەۆا وسىلاي دەيدى. ونىڭ ايتۋىنشا وداقتان قازاقستان نە الادى دەپ سۇراعاننان گورى نە بەرە الادى، قالاي دامىتا الادى دەگەن ماسەلەمەن ەنۋ كەرەك.

بەلورۋسسيا، رەسەي جانە قازاقستان ەلدەرىنىڭ ەۋرازيالىق ەكونوميكالىق وداعى 2015 جىلى 1 قاڭتاردا قۇرىلۋى ٴتيىس. 3 مەملەكەت. 170 ميلليوننان استام حالىق. 20 ميلليون شارشى شاقىرىم ايماق. ٴبىرىڭعاي ەكونوميكالىق وداق قۇرۋ مودەلى رەتىندە ەۋرازيالىق وداق ەلدەرىنىڭ تاجىريبەسىن اتاۋعا بولادى. دەگەنمەن سوڭعى 5-6 جىل ىشىندە ەۋرووداق ەلدەرىنىڭ ەكونوميكالىق كۇيزەلىسى ٴجيى اتالۋدا. سوندىقتان ەندى، مىنە، دەپ قۇرىلعالى تۇرعان ەەو ەلدەرى وسىنداي قاتەلىكتەردى ەسكەرۋ كەرەك. بۇل، بىرىنشىدەن، ەكونوميكالىق جاعىنان ەلدەردىڭ باسىن وداققا بىرىكتىرۋمەن قاتار سول ەلدەردىڭ سىرتقى ساياساتىن حالىقارالىق دەڭگەيدە جۇمىلۋعا اكەلەدى. ەكىنشىدەن، ەۋرازيا ەلدەرىنىڭ ىشىندەگى باستى ويىنشىلار – رەسەي، قازاقستان، بەلورۋسسيا ەلدەرىندەگى الەۋمەتتىك جاعدايدىڭ تۇراقتالۋىنا، دامۋىنا سەپتىگىن تيگىزەرى داۋسىز. ۇشىنشىدەن، باستى فاكتور دەۋگە بوادى. وسى اتالعان ەلدەردىڭ رۋحاني-مادەني ٴومىرىنىڭ ينتەگراسيالانۋى ۇدەرىسى دە جىلدامداي تۇسەدى. جاھاندانۋدىڭ جەمىسى – وسى. ەلدەر الدىمەن ٴار تاراپتان وزدەرىنىڭ ەكونوميكاسى دامۋىنا ىعايلى ساياساتتى جۇرگىزۋ ماقساتىندا وداققا بىرىگە وتىرىپ، ارى قاراي ٴبىرىڭعاي ەكونوميكالىق پلاتفورما قۇرا وتىرىپ، ساياسي ساحنادا ىقپالدى كۇشكە اينالۋدى، ودان ارمەن، ۇلتتاردىڭ، حالىقتاردىڭ، ەتنوستاردىڭ مادەني قۇندىلىقتارىنا، رۋحاني دۇنيەسىنە ايتارلىقتاي وزگەرىستەر اكەلەرى ٴسوزسىز. بۇل اتالعان ٴۇشىنشى ۇدەرىس ۇزاقمەرزىمدى قامتيدى. الدىڭعى ەكونوميكالىق بىرىگۋ – بۇل اتالعان ۇدەرىستەردىڭ سىرتقى قاباتى، قاڭقاسى. ال ونىڭ مازمۇنى – وندا مەكەن ەتەر حالىقتاردىڭ تۇرمىسى، تىرشىلىگى، ٴتىلى، ٴدىنى، ادەبيەتى، مادەنيەتى سانالادى. سوندىقتان، اتالمىش وداق، الدىمەن، ەكونوميكالىق تۇرعىدا تابىستى دا ٴۇشتاراپ مۇددەسى تۇرعىسىنان ٴادىل شەشىلىپ، كونسەنسۋسقا جەتسە، كەلەر كەزەكتە ساياسي مىندەت ورىندالادى.


قازاقستان ٴۇشىن ەۋرازيالىق وداقتىڭ باستاماشىسى رەتىندە ۇتارى مەن ۇتىلىسىن جان-جاقتى تارازىلاعان ٴجون. ماسەلەن، جەر قويناۋىنداعى ەنەرگوبايلىعىمەن قازاقستان ەلى ٴوز مۇناي-گازىن، ٴوندىرىس يندۋسترياسىنا قاجەت قورلارىن ەكسپورتتاۋشى ەل عانا ەمەس، سونداي-اق ونى وڭدەۋشى ەل رەتىندە قاتىسقانى بىرنەشە ەسە ۇتىمدىراق بولارى ايدان انىق. بۇل ٴبىزدىڭ ەلدە شەشىمىن تابىلماي جاتقان كۇردەلى رەبۋس. كەلەسى قادام، ٴۇش ەلدىڭ شاعىن جانە ورتا بيزنەسىن دامىتاتىن ۇلكەن ساياسات كەرەك. كەز كەلگەن بيزنەستە كەدەرگى ەكونوميكالىق كۇرمەۋىشتەر بارى راس. تاۋاردى يمپورتتاۋ دا، ەكسپورتتاۋدا دا كەدەن سالىعى مەن تاعىدا باسقا جەڭىلدىكتەر اۋاداي قاجەت. ماسەلەن، الماتىداعى ايت – الاتاۋ اقپاراتتىق تەحنولوگيالار پاركىنىڭ كىبىرىتىكتەپ، وڭتۇستىك شىعىس ازيا الىپتارىنا ىلەسە الماي كەلە جاتقانى - ونداعى يت-يدەيادان يت-يننوۆاسياعا، يت-يننوۆاسيادان يت-بيزنەسكە جول تارتاتىن ەكونوميكالىق شىنجىر ٴالسىز. بۇل پارككە الەمنىڭ يت-الىپتارىن تارتۋدىڭ ٴبىر عانا جولى – سالىقتان ەركىندىك. مالايزيانىڭ 2020 باعدارلاماسى بۇعان دالەل. وپتيكالىق فيزيكادا ادام بالاسىنىڭ كورۋ مۇمكىندىگى سانالاتىن ولشەمدى ساياسي ستراتەگياعا اينالدىرعان ماحاتحير موحاماد بولسا، ٴبىزدىڭ ەلدە بۇل ولشەمدى جۇزەگە اسىرۋدا باتىل تاۋەكەل كەرەك. ەلدىڭ دامۋىن ستراتەگيالىق بولجاۋدى قازاقستان ەلباسى قادىمداپ، تاراتىپ، نەگىزدەپ جاسادى. ونى جۇزەگە اسىراتىن مەحانيزمدى شيراتۋ بىزگە جەتپەي جاتىر. ساياسي ىقپالدى ەليتا، نوۆاتور بيزنەس ورتا، ٴموبيلدى جاستاردىڭ قولداۋىن كۇتەدى.


سول سەكىلدى ٴبىز وداقتان قازاقستان نە الادى دەپ سۇراعاننان گورى نە بەرە الادى، قالاي دامىتا الادى دەگەن ماسەلەمەن ەنۋ كەرەك. سوندا قازاقستان وداقتىڭ دامۋىندا باستى قاتىسۋشى سانالادى.

 

اينۇر راكيشەۆا


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي