استانا: 
2207 
0
الماتىدا «جاھاندانۋ داۋىرىندەگى سيفرلىق كۇن ٴتارتىبى» اتتى ەۋرازيالىق ەكونوميكالىق وداق فورۋمى ٴوتىپ جاتىر. القالى جيىن اياسىندا ەلىمىزدىڭ اقپارات جانە كوممۋنيكاسيالار ٴمينيسترى داۋرەن ابايەۆ 24.kz ارناسىنا سۇحبات بەردى، دەپ حابارلايدى baq.kz اقپارات اگەنتتىگى.
جاۋاپتى ۆەدومستۆو باسشىسى فورۋمنىڭ ٴمان-ماڭىزىنا توقتالىپ، وعان پرەمەر-مينيستر باقىتجان ساعىنتايەۆپەن قوسا بىرنەشە مەملەكەتتىڭ ۇكىمەت باسشىلارى قاتىسىپ جاتقانىن اتاپ ٴوتتى.
داۋرەن ابايەۆ اسىرەسە جاھاندىق دەڭگەيدەگى بۇل باسقوسۋدىڭ وسىدان ٴبىر جىل بۇرىن مەملەكەت باسشىسى نۇرسۇلتان نازاربايەۆ پەن رەسەي پرەزيدەنتى ۆلاديمير ٴپۋتيننىڭ ورتاق شەشىمىنە ساي وتكىزىلىپ وتىرعانىن ەسكە سالدى. سوندىقتان ٴدال وسى جيىن ارقىلى ەۋرازيالىق ەكونوميكالىق وداق ەلدەرىن كەشەندى سيفرلاندىرۋ باستاۋ الۋى ٴتيىس.
ٴمينيستردىڭ ايتۋىنشا، ەۋرووداقتا وندىرىسكە تىڭ تەحنولوگيالاردى ەنگىزۋ 400 ملرد دوللارعا تەڭ پايدا اكەلگەن. ەگەر قازاقستان، رەسەي، قىرعىزستان، بەلارۋس، ارمەنيا سەكىلدى ينتەگراسيالىق ۇيىم مۇشەلەرى جاڭاشىلدىقتى جان-جاقتى ەنگىزە بىلسە مول تابىسقا كەنەلۋى مۇمكىن.
«بۇل جەردە ايتايىن دەگەنىم: قازاقستاننىڭ استاناسىن قازىرگى استانا قالاسىنا كوشىرۋ ماسەلەسى، ينۆەستيسيا تارتۋ ماسەلەسى بويىنشا، ەلىمىزگە قانشا ينۆەستيسيا كەلدى، يندۋستريالدى باعدارلامانى ىسكە اسىرۋ، قانشاما جۇمىس ورنى اشىلدى، دەليميتاسيالاۋ ماسەلەسى، مەملەكەتتىك شەكارانى نىق ورناتۋ. وسىنىڭ بارىنە كەزىندە كەيبىر قازاقستاندىقتار ونشا سەنىڭكىرەمەي قاراپ ەدى. ٴقازىر سونىڭ ٴبارىنىڭ ناتيجەسىن كورىپ وتىرمىز. وسى باعدارلاما دا، فورۋم دا تىكەلەي ەلباسىنىڭ تاپسىرماسى بويىنشا ورىندالىپ جاتىر»، - دەپ اتاپ ٴوتتى قر اقپارات جانە كوممۋنيكاسيالار ٴمينيسترى داۋرەن ابايەۆ.
ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!
2383
0