BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ەۋرازيالىق كەڭىستىك ەلدەرى بولاشاق ەكونوميكانىڭ ساۋلەتىن ازىرلەۋدە

استانا. 21 قاراشا. baq.kz – بۇگىن استاناداعى «rixos president astana» قوناق ٴۇي كەشەنىندە ٴوتىپ جاتقان «ەلەكتروندى ساتىپ الۋ ساۋداسىنىڭ ادىلدىگى مەن مولدىرلىگىن قامتاماسىز ەتۋ: ەۋرازيالىق ينتەگراسيا تاجىريبەسى مەن دامۋى» تاقىرىبىندا حالىقارالىق كونفەرەنسيا بارىسىندا بەلارۋس رەسپۋبليكاسىنىڭ قازاقستانداعى ەلشىسى اناتوليي نيچكاسوۆ ەۋرازيالىق كەڭىستىك ەلدەرى بولاشاق ەكونوميكانىڭ ساۋلەتىن ازىرلەۋدە دەپ مالىمدەدى.  

- بارىمىزگە بەلگىلىسى ەۋرازيالىق ەكونوميكالىق وداق قۇرامىنا كىرگەن 3 ەل بار. كەلەشەكتە مۇشە-مەملەكەتتەردىڭ قاتار كوبەيەتىنى ٴسوزسىز. سونىمەن قاتار، ٴبىزدىڭ قۇرامدا جانە ىرگەمىزدە ەۋرازيالىق كەڭىستىك پەن ورتا ازيالىق ەلدەردەگى زاماناۋي ەكونوميكانىڭ كەلبەتىن انىقتايتىن ٴىرى كورشى ەلدەر دە بار. ولار – رەسەي، قىتاي، وڭتۇستىك-شىعىس ازيا ەلدەرى. مىنە، بۇل ەلدەردىڭ بارلىعى دا قازاقستانمەن ٴوزارا قارىم-قاتىناسى اياسىندا بولاشاق ەكونوميكانىڭ ساۋلەتىن ازىرلەۋدە. بۇگىندە كو پەن ەەو ەلدەرى اراسىندا جانە قازاقستاندا اككرەديتتەلگەن ديپلوماتيالىق ميسسيالاردىڭ مىندەتى ايقىندالا باستادى. وسى رەتتە ساتتىلىك ينتەگراسياسى ۇدەرىسىندە ساتتىلىك ٴبىزدىڭ تاراپقا سەرىك بولادى دەپ سەنەمىن، - دەدى اناتوليي يۆانوۆيچ.

- ال ەندى بۇگىنگى باسقوسۋدا تالقىلانىپ جاتقان تاقىرىپ تۋرالى ايتار بولساق، ٴبىزدىڭ ەل كو مۇشە-مەملەكەتتەرمەن مۇددەلەس. بەلارۋس كاسىپكەرلەرىنىڭ رەسەي مەن قازاقستان نارىعىنداعى مەملەكەتتىك ساتىپ الۋ ىسىنە قاتىسۋى زور مۇمكىندىك دەپ باعالايمىن. سوندىقتان دا تاراپتاردىڭ مەملەكەتتىك ورگاندارى اراسىندا وسى كۇندەرى قىزۋ تالقىلاۋلار جۇرگىزىلىپ، تەرەڭ ارىپتەستىك ورناپ جاتقانى راس. ەندىگى جەردە ٴبىز بايلانىس جەلىلەرىن جۇيەلەۋدى بىرىزدەندىرۋىمىز كەرەك. مۇنداي قادام تاراپتار اراسىنداعى بايلانىسۋ مۇمكىندىگىن ارتتىرۋمەن قاتار، ٴداستۇرلى سىبايلاستىقتىڭ تامىرىنا بالتا شابادى دەپ ويلايمىن. سونىمەن قاتار تاۋارلار مەن قىزمەتتەردى جەدەل جەتكىزۋدىڭ دە بىردەن ٴبىر تەتىگى وسى بايلانىس جەلىلەرىندە جاتىر، - دەيدى بەلارۋس رەسپۋبليكاسىنىڭ ٴبىزدىڭ ەلدەگى توتەنشە جانە وكىلەتتى ەلشىسى.

ايتا كەتەيىك، «ەلەكتروندى ساتىپ الۋ ساۋداسىنىڭ ادىلدىگى مەن مولدىرلىگىن قامتاماسىز ەتۋ: ەۋرازيالىق ينتەگراسيا تاجىريبەسى مەن دامۋى» تاقىرىبىندا حالىقارالىق كونفەرەنسيا ەۋرازيا ەكونوميكالىق كوميسسياسى ۇيىمىنىڭ مۇرىندىق بولىپ، قارجى مينيسترلىگى مەن ەلەكتروندى ساۋدا الاڭى قاۋىمداستىعىنىڭ قولداۋىمەن وتۋدە. شاراعا كەدەندىك وداق پەن ەۋرازيالىق ەكونوميكالىق كەڭىستىك، ەۋرازيالىق ەكونوميكالىق وداق، ەۋرازيالىق ەكونوميكالىق كوميسسيا، سەفاكت وون (بۇۇ ەەك كوميتەتى جانىنداعى ۇكىمەتارالىق كومەكشى ورگان)، ەبرر (قايتاقۇرىلىمداۋ مەن دامۋدىڭ ەۋروپالىق بانكى)، (ازيالىق دامۋ بانكى مەن كورەيا مەن ۆەتنام ەلدەرىنىڭ مەملەكەتتىك ساتىپ الۋ اگەنتتىكتەرىنىڭ وكىلدەرى مەن قارجى ٴمينيسترى باقىت سۇلتانوۆ تا قاتىسقان بولاتىن.

 

نۇرلىبەك دوسىباي
 


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي