BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ەۋرازيالىق قاۋىپسىزدىكتى قامتاماسىز ەتۋدىڭ وزەكتى ماسەلەلەرى تالقىلاندى

استانا. 23 مامىر. baq.kz – كەشە ل.ن.گۋميلەۆ اتىنداعى ەۋرازيا ۇلتتىق ۋنيۆەرسيتەتىندە «ەۋرازيالىق قاۋىپسىزدىكتى قامتاماسىز ەتۋدىڭ وزەكتى ماسەلەلەرى» دەگەن تاقىرىپتا دوڭگەلەك ۇستەل ٴوتتى،-دەپ حابارلايدى baq.kz ٴتىلشىسى ەۇۋ-دىڭ ٴباسپاسوز قىزمەتىنە سىلتەمە جاساپ.  

«دوڭگەلەك ۇستەل باسىنداعى اڭگىمەنى زاڭ عىلىمدارىنىڭ دوكتورى، پروفەسسور ەركىن وڭعاربايەۆ جۇرگىزدى. تاريح فاكۋلتەتى، حالىقارالىق قاتىناستار فاكۋلتەتى، ەكونوميكا فاكۋلتەتىنىڭ جەتەكشى عالىمدارى قاتىسقاندىقتان دوڭگەلەك ۇستەل باسىنداعى اڭگىمە سالماقتى سۇراق-جاۋاپ تۇرىندە ٴوربىدى» دەلىنگەن حابارلامادا.


ەستەرىڭىزدە بولسا، اعىمداعى جىلدىڭ ٴساۋىر ايىندا ەۋرازيا كەڭىستىگىندەگى وزەكتى ماسەلەلەردى تالقىلاۋدى الدارىنا ماقسات ەتىپ قويعان ۇجىمدىق قاۋىپسىزدىك كەلىسىمشارت ۇيىم مۇشەسى – مەملەكەتتىك ۋنيۆەرسيتەتەر ليگاسى قۇرىلعان بولاتىن.
اتالمىش قۇرىلىم سودان بەرى قاۋىپسىزدىككە قاتىستى سان ٴتۇرلى ماسەلەلەرگە ٴمان بەرىپ كەلدى. الايدا، زامان تالابىنا ساي بولۋ ٴۇشىن، ۇيىمنىڭ جۇمىسىن ٴالى دە رەفورمالاۋ قاجەت. بۇل باعىتتا ۋنيۆەرسيتەتتەر ليگاسىنىڭ ٴوز ۇستانىمى بار، ياعني وتكەندى باعالاپ، كەمشىن تۇستى سارالايتىن كەز كەلدى. ەڭ باستىسى، ۇيىمعا مۇشە ۋنيۆەرسيتەتتەردىڭ تىڭ باستامالارى از ەمەس سەكىلدى.
دوڭگەلەك ۇستەل باسىندا ۇجىمدىق قاۋىپسىزدىك كەلىسىمشارت ۇيىمىنىڭ مەملەكەتتىك ۋنيۆەرسيتەتتەر ليگاسى ساراپتاما قاۋىمداستىعىنىڭ ۇيلەستىرۋشىسى، ۋنيۆەرسيتەتتەر ليگاسىنىڭ اتقارۋشى ديرەكتورى يگور نيكولايەۆيچ پانارين ۇجىمدىق قاۋىپسىزدىك كەلسىمشارت ۇيىمىنا مۇشە قازاقستان، تاجىكستان، بەلارۋسسيا، ارمەنيا، رەسەي جانە قىرعىزستان سىندى تمد ەلدەرىنىڭ 28 جوعارى وقۋ ورنى ەنىپ وتىرعانىن جەتكىزدى. – بارلىق ينتەگراسيالىق جوبالارداعى سياقتى بۇل ۇيىمدا دا ل.ن.گۋميلەۆ اتىنداعى ەۋرازيا ۇلتتىق ۋنيۆەرسيتەتىنىڭ ورنى بولەك، - دەدى يگور نيكولايەۆيچ. – بۇل جەردە پرەزيدەنت نۇرسۇلتان نازاربايەۆتىڭ ەڭبەگىن ەرەكشە ايتۋ قاجەت. سەبەبى، قازاقستان پرەزيدەنتى ەكونوميكالىق، ساياسي جانە اسكەري بايلانىستارعا باسا ٴمان بەردى. ۇجىمدىق قاۋىپسىزدىك كەلىسىمشارت ۇيىمىن رەفورمالاۋ تۋرالى يدەيانىڭ اۆتورلارىنىڭ ٴبىرى دە نۇرسۇلتان ٴابىش ۇلى. ول ٴوز سوزىندە: «ەكونوميكالىق قۋاتتى، تۇراقتى جانە بارلىعىنا ٴتيىمدى ەۋرازيالىق وداق قۇرۋ ٴۇشىن ٴبىرقاتار اۋقىمدى مىندەتتەردى شەشۋ كەرەك. ٴبىزدىڭ ورتاق ستراتەگيالىق ماقساتىمىز، مىنە، وسىندا!» دەگەن بولاتىن. ٴبىزدىڭ ۇيىمنىڭ ۇستانعان ماقساتى دا وسىعان سايادى، - دەدى ۋنيۆەرسيتەتتەر ليگاسىنىڭ اتقارۋشى ديرەكتورى يگور پانارين.

 

دوڭگەلەك ۇستەل باسىندا ەۋرازيالىق ينتەگراسيانىڭ گەوەكونوميكالىق، گەوساياسي، ەۆوليۋسيالىق جولى، اقپاراتتىق قاۋىپسىزدىك، ەسىرتكىگە توسقاۋىل، سونداي-اق تمد، ەۋرازەق، ۇقشۇ، كەدەن وداعى تۋرالى دا كەڭىنەن ٴسوز بولدى. اسىرەسە، ەۋرازيالىق بىرلەستىكتەردىڭ الەۋەتىن ورىستەتىپ، بىرتە-بىرتە ولاردىڭ پىشىندەرى مەن مازمۇندارىن جاقىنداستىرۋعا ىقپال ەتۋ ماڭىزدىلىعى ەرەكشە اتاپ ٴوتىلدى.

قىسقاسى، ۇجىمدىق قاۋىپسىزدىك كەلىسىمشارت ۇيىمىنا مۇشە ۋنيۆەرسيتەتتەر ليگاسى بۇگىنگى كۇن مەن بولاشاقتىڭ كۇردەلى سىناقتارىمەن ولشەنەتىن مەگاجوبا. ناتيجەسى قالاي بولماق، وعان ۋاقىت تورەشى.
 


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي