BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ەۋرازيالىق ينتەگراسيالىق پروسەستىڭ ەڭ جوعارعى نۇكتەسى ەەو بولۋى كەرەك

استانا. 19 مامىر. baq.kz – ەۋرازيالىق ينتەگراسيالىق پروسەستىڭ ەڭ جوعارعى نۇكتەسى ەۋرازيالىق ەكونوميكالىق وداق بولۋى كەرەك. ونى قۇرۋ تۋرالى شارتقا قول قويۋ 2014 جىلعى مامىر ايىندا استانا قالاسىندا جوسپارلانعان. بۇل تۋرالى بۇگىن قر پرەزيدەنتى جانىنداعى ورتالىق كوممۋنيكاسيالار قىزمەتىندە وتكەن بريفينگتە «ساۋدا ساياساتىن دامىتۋ ورتالىعى» اق باس ديرەكتورى رۋسلان سۇلتانوۆ ٴمالىم ەتتى. 

«كەدەندىك وداقتىڭ كۇشىنە ەنۋىنەن بەرى 4 جىل ٴوتتى. اتالعان وداقتى قۇرۋدىڭ نەگىزگى ەكونوميكالىق العىشارتتارى رەتىندە مىنالاردى اتاپ ٴوتۋ كەرەك: قازاقستاننىڭ ەكونوميكاسىنا شيكىزات سيپاتى ٴتان، ونى ٴوندىرىس قۇرىلىمى مەن تاۋارلار ەكسپورتى راستايدى»، دەپ باستادى ٴسوزىن رۋسلان سۇلتانوۆ.
ونىڭ ايتۋىنشا، 1993 جىلدان باستاپ رەسپۋبليكا ەكونوميكاسىنا تارتىلعان شەتەل ينۆەستيسيالارىنىڭ كوپ بولىگى ٴوندىرۋشى سەكتورعا سالىنعان. وسىعان بايلانىستى، قازاقستاندى دامىتۋدىڭ وڭتايلى جولى تۇتىنۋ نارىعىن كەڭەيتۋسىز مۇمكىن ەمەس جەدەلدەتىلگەن يندۋسترياليزاسيا بولىپ تابىلادى. سەبەبى، بۇل قازاقستاندىق ەكونوميكانىڭ تارتىمدىلىعىن ارتتىرۋعا مۇمكىندىك بەرەدى.
«ٴبىرىڭعاي نارىق قازاقستانعا ەۋروپا ەلدەرىنىڭ تارتىمدى تۇتىنۋ نارىعىنا شىعۋعا جانە قحر مەن ەو كۇشتى ەكونوميكالارى اراسىن بايلانىستىرىپ تۇراتىن بۋىن بولۋعا مۇمكىندىك بەرەدى... قازىرگى تاڭدا بەلسەندى تالقىلانىپ جاتقان شارت جوباسى كەدەندىك وداق پەن ٴبىرىڭعاي ەكونوميكالىق كەڭىستىك شەڭبەرىندەگى قىزمەت ەتەتىن كەلىسىمدەردىڭ جيناقتالعان ٴنورماتيۆتى-قۇقىقتىق بازاسىمەن قاتار، ەكونوميكا سالاسىنداعى ەڭ ۇزدىك الەمدىك ينتەگراسيالىق تاجىريبەنى ٴسىڭىرىپ العان. ەۋرازيالىق ينتەگراسيانىڭ ايقىن ارتىقشىلىقتارى - ول وداقتاس ەلدەردىڭ ۇلتتىق ەكونوميكالارىنىڭ مودەرنيزاسياسىنا جاعداي جاسايتىن ىشكى ەكونوميكالىق شەكتەۋلەردىڭ الىنۋى، پرەفەرەنسيالدى ساۋدا، شىعارۋ نارىعىن كەڭەيتۋ، ينۆەستيسيالىق تارتىمدىلىقتى ۇلعايتۋ»، دەدى ول.
ەسكە سالا كەتەيىك، الەمنىڭ جاھاندانۋ ۇدەرىسىندە ەۋرازيالىق تۇتاستىقتىڭ قاجەتتىگى، وسى كەڭىستىكتە ينتەگراسيالىق ۇردىستەردىڭ ومىرلىك ماڭىزدىلىعى، باعدارلاماسى تۋرالى يدەيانى مەملەكەت باسشىسى نۇرسۇلتان نازاربايەۆ تۇڭعىش رەت 1994 جىلى ماسكەۋ مەملەكەتتىك ۋنيۆەرسيتەتىندە مالىمدەگەن ەدى. 


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي