BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ەۋرازيالىق ەكونوميكالىق وداقتا دارىلىك قۇرالداردىڭ ورتاق نارىعى قالىپتاسادى

استانا. 5 ماۋسىم. baq.kz - ەۋرازيالىق ەكونوميكالىق وداق تۋرالى كەلىسىم-شارتقا سايكەس 2016 جىلعى 1 قاڭتاردان باستاپ ٴتيىستى فارماسەۆتيكالىق تاجىريبە ستاندارتتارىنا ساي كەلەتىن دارىلىك قۇرالداردىڭ ورتاق نارىعى قالىپتاسادى دەپ حابارلايدى قر دسم ٴباسپاسوز قىزمەتى

ٴبىرىڭعاي ەكونوميكالىق كەڭىستىك تۋرالى كەلىسىم-شارتتى ىسكە اسىرۋ بارىسىندا دارىلىك قۇرالدار مەن مەديسينالىق بۇيىمدار اينالىمىنىڭ ورتاق قاعيدالارى مەن ەرەجەلەرىن انىقتايتىن كەلىسىمدەر ازىرلەنەدى. كەلىسىمدى وداققا مۇشە ەلدەر 2015 جىلدىڭ 1 قاڭتارىنا دەيىن بەكىتۋى ٴتيىس. قازىرگى ۋاقىتتا كەلىسىم-شارت جوبالارى ازىرلەنىپ، تاراپتاردىڭ جۇمىس توپتارىندا كەلىسىلىپ جاتىر.
دارىلىك قۇرالدار اينالىمىنىڭ ورتاق قاعيدالارى مەن ەرەجەلەرى تۋرالى كەلىسىم-شارت تاراپتار اۋماعىندا وندىرىلگەن، gحp فارماسەۆتيكالىق ستاندارتتارىنا ساي كەلەتىن دارىلىك قۇرالدارعا عانا تارالادى.
gحp - فارماسەۆتيكالىق ٴونىم ساپاسىنىڭ الەمدە تانىلعان ستاندارتتارى.
بۇل شارا اتالعان ستاندارتتارعا ساي وندىرىلگەن دارىلىك قۇرالداردىڭ ورتاق نارىقتا ەركىن اينالىمىنا قاجەتتى زەرتحانالىق سىناقتار مەن قۇجاتتامالاردى ٴوزارا مويىنداۋعا جاعداي جاسايدى.
وسىلايشا، ستاندارتارعا ساي دارىلىك قۇرالدار ەاەو ەلدەرى نارىعىندا قوسىمشا قۇجاتتارسىز جانە سىناقتارسىز ەركىن اينالىمدا بولادى.
قازاقستاننىڭ بولاشاقتا دۇنيەجۇزىلىك دەنساۋلىق ساقتاۋ ۇيىمىنا مۇشە بولاتىنى، تيىسىنشە باسەكەلەستىكتىڭ كۇشەيەتىنى ەسكەرىلە وتىرىپ، فارماسەۆتيكالىق زاۋىتتاردى اتالعان ستاندارتارعا بىرتىندەپ كوشىرۋ جونىندە شەشىم قابىلداندى. قازاقستاننىڭ ٴىرى وندىرۋشىلەرى ٴقازىردىڭ وزىندە gmp - ٴتيىستى وندىرىستىك تاجىريبە ستاندارتىنا يە بولعان نەمەسە ونى الۋ شارالارىن جۇرگىزۋدە.
ەۋرازيالىق ەكونوميكالىق وداق شەڭبەرىندە وتاندىق دارىلىك قۇرالداردى وندىرۋشىلەر ٴۇشىن 170 ملن. تۇرىعى بار ورتاق نارىققا جول اشىلادى. دارىلىك قۇرالداردىڭ ورتاق نارىعىنىڭ بولۋى باسەكەلەستىكتىڭ ارتۋىنا بايلانىستى دارىلەر مەن مەديسينالىق بۇيىمدارعا باعانىڭ تومەندەۋىنە جاعداي جاسايدى. جوعارى تالاپتار، ٴوندىرىستىڭ جاڭارتىلۋى، تەحنولوگيالار، وندىرىستىك قۋاتتىڭ جانە دارىلىك قۇرالدار مەن مەديسينالىق بۇيىمدارعا تاڭداۋدىڭ ارتۋى ناتيجەسىندە دارىلەردىڭ دە ساپاسى ارتا تۇسپەك.
 


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي