BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ەۋرازيالىق ەكونوميكالىق وداق جوباسى دايىن

 استانا. 16 مامىر. baq.kz – ەەاو-نىڭ جوباسى دايىن. بۇل تۋرالى ماسكەۋدە قر پرەمەر-مينيسترىنىڭ ٴبىرىنشى ورىنباسارى باقىتجان ساعىنتايەۆ ەۋرازيالىق ەكونوميكالىق كوميسسيا (ەەك) كەڭەسىنىڭ وتىرىسىندا مالىمدەدى.

 باقىتجان ساعىنتايەۆ ەاەو تۋرالى كەلىسىم جوباسى ازىرلەنگەنىن جەتكىزدى. كەلەسى قادام ىشكى مەملەكەتتىك پروسەدۋرالاردى جۇرگىزۋ بولادى. سونداي-اق، كەلىسىم جوباسى وسى جىلعى 29 مامىردا استانادا وتەتىن جوعارعى ەۋرازيالىق ەكونوميكالىق كەڭەس وتىرىسى بارىسىندا مەملەكەت باسشىلارىنىڭ قول قويۋىنا دايىنداۋ ٴۇشىن مەملەكەتتىك تىلگە اۋدارىلاتىنىن دا اتاپ ٴوتتى.
قازاقستان ۆيسە-پرەمەرى ەاەو تۋرالى كەلىسىم جوباسى قازاقستان، رەسەي، بەلورۋس مەملەكەتتەرى ەكونوميكاسىن، ونىڭ ىشىندە كولىك، ەنەرگەتيكا، اگروونەركاسىپ سالالارىن، ورتاق نارىقتا ادال باسەكەلەستىكتى دامىتۋ ٴۇشىن ٴوزارا ٴتيىمدى، تەڭ قۇقىقتى ەكونوميكانى ورىستەتۋگە قوسىمشا سەرپىن بەرەتىنىن ايتتى.
«تۇتاستاي العاندا، كەلىسىم جوباسىن دايىنداۋ شەڭبەرىندە كەلىسىمدەرگە قول جەتكىزۋ جونىندە العا ۇلكەن قادام جاساعانىمىزدى اتاپ وتەمىن» ، - دەدى ول.
ٴبىزدىڭ بىرلەسكەن جۇمىسىمىز ەلدەرىمىز اراسىنداعى ينتەگراسيانىڭ جوعارعى دەڭگەيدە ەكەنىنىڭ كورىنىسى، تەڭ قۇقىقتى ارىپتەستىك قاتىناس الەۋەتىن ٴتيىمدى پايدالانۋعا پەيىل ەكەنىمىزدى اتاپ وتۋگە ٴتيىسپىن،-دەپ ٴسوزىن قورتىندىلادى ب.ساعىنتايەۆ.
ايتا وتەيىك، بەلورۋسيا پرەزيدەنتى الەكساندر لۋكاشەنكو 7-8 مامىرداعى ماسكەۋدەگى كەزدەسۋلەردىڭ ٴتيىمدى بولعانىن ايتىپ، 2 ملرد اقش دوللارى كولەمىندە نەسي العانىن جەتكىزگەن بولاتىن. بەلارۋس باسشىسىنىڭ سوزىنە قاراعاندا، ماسكەۋ ۇلكەن كولەمدەگى ينتەگراسيالىق بايلانىستاردى (10 جىلدان كەيىن) ۇسىنىپ وتىر.
«بۇل جاقسى ارينە، ٴبىراق ٴبىزدىڭ سەرىكتەستەرىمىز بارلىق ۇستانىمدار بويىنشا جەڭىلدىك جاساۋعا بارعالى وتىرعان جوق، ٴبىز مۇنى تۇسىنەمىز»، - دەدى ول.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي