BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ەۋرازيالىق ەكونوميكالىق وداق تۋرالى شارت كۇشىنە ەندى

استانا. 1 قاڭتار. baq.kz - بۇگىن، 2015 جىلدىڭ 1 قاڭتارىنان باستاپ، الەمدە جاڭا ەكونوميكالىق ينتەگراسيالىق بىرلەستىك ٴوز جۇمىسىنا كىرىستى. قازاقستان، رەسەي، بەلارۋس مەملەكەتتەرىنىڭ اۋماعىندا قۇرىلىپ، جاقىندا عانا وعان ارمەنيا ەلى قوسىلعان ەۋرازيالىق ەكونوميكالىق وداقتى قازاقستان تاريحىنىڭ جاڭا پاراعى دەسە دە بولادى.  

 2014 جىلدىڭ 29 مامىرىندا ەۋرازيالىق ەكونوميكالىق وداق تۋرالى شارتقا ٴۇش مەملەكەت باسشىلارى استانادا قول قويدى. كەيىننەن ەۋرازيالىق وداق كەڭىستىگى ارمەنيا رەسپۋبليكاسىمەن تولىعىپ، «ۇشتىك» وداق بولىپ قۇرىلعان ۇيىم، «تورتتىك» بىرلەستىك رەتىندە جۇمىسقا كىرىسىپ وتىر.

ايتا كەتەرلىگى، تەك سوڭعى بەس جىلدا قازاقستاننىڭ كەدەن وداعىنا قاتىسۋشى ەلدەرمەن اراداعى تاۋار اينالىمى 88 پايىزعا ٴوسىپ، 24 ملرد. دوللارلىق مولشەرگە جەتكەن. رەسەي مەن بەلارۋس ەلىنە قازاقستاندىق ەكسپورت 63 پايىزعا ۇلعايىپ، 6 ملرد. دوللار قۇرادى.
ەۋرازيالىق ەكونوميكالىق وداق - بۇل جەر شارىنىڭ ەڭ ٴىرى تۇتىنۋشىلىق نارىقتارىنىڭ ٴبىرى. بۇل - ەنەرگيا رەسۋرستارىنىڭ ٴىرى ەكسپورتتاۋشىسى بولىپ سانالاتىن ينتەگراسيالىق بىرلەستىك. پرەزيدەنت نۇرسۇلتان نازاربايەۆتىڭ سوزىمەن ايتساق، بۇگىن ٴححى عاسىردىڭ جاڭا گەوەكونوميكالىق اقيقاتى دۇنيەگە قادام جاساپ وتىر.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي