BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ەۋرازيالىق ەكونوميكالىق وداق قۇرۋعا قاتىستى باستى قۇجات دايىن

استانا. 22 مامىر. baq.kz – ەۋرازيالىق ەكونوميكالىق وداق قۇرۋعا قاتىستى باستى قۇجات دايىن. ٴقازىر ول قازاقستان، رەسەي جانە بەلارۋس پرەزيدەنتتەرىنىڭ قاراۋىندا. 29 مامىر كۇنى استانادا ٴۇش ەل باسشىلارىنىڭ قاتىسۋىمەن جاڭا وداقتىڭ قۇرىلعاندىعى تۋرالى جاريا ەتىلەدى. 20 جىلداي ازىرلەنگەن باستى قۇجاتقا قانداي وزگەرىستەر ەنگىزىلگەنى تۋرالى ورتالىق كوممۋنيكاسيالار قىزمەتىندە وتكەن بريفينگتە ٴسوز بولدى.  

ۇكىمەت قازاقستاندىق ۇلتتىق پالاتاعا كەلىسسوزدەر پروسەسىنە قاتىسۋعا جانە جالپى شارتتاردىڭ ٴار ٴتۇرلى بولىمدەرى بويىنشا قازاقستاننىڭ پوزيسياسىن جاساۋعا تولىق مۇمكىندىك بەرگەنىن ايتا كەتۋ ٴجون. ۇلتتىق كاسىپكەرلەر پالاتاسى باسقارما ٴتوراعاسىنىڭ ورىنباسارى راحيم وشاقبايەۆتىڭ ايتۋىنشا، مۇنداي مۇمكىندىك تەك ٴبىزدىڭ بيزنەس-قاۋىمداستىقتا عانا بولعان.

راحىم وشاقبايەۆ، قر ۇلتتىق كاسىپكەرلەر پالاتاسى باسقارما ٴتوراعاسىنىڭ ورىنباسارى:
- ۇكىمەتتىڭ ەلباسىنىڭ تاپسىرماسى بويىنشا بيزنەس-قاۋىمداستىعىنا بەرگەن كومەگى وراسان. سەبەبى مۇنداي مۇمكىندىكتەر، نە رەسەي، نە بەلارۋس ەلىنىڭ بيزنەس-قاۋىمداستىعىندا بولمادى.

وسىنىڭ ارقاسىندا ۇلتتىق كاسىپكەرلەر پالاتا بيزنەس قاۋىمداستىقتىڭ ۇسىنىستارىنىڭ باسىم كوپشىلىگىن قورعاپ قالدى. سونىڭ ارقاسىندا:

قۇجات جوباسىندا تاۋەلسىز ونەركاسىپ ساياساتىن وتكىزۋ مۇمكىندىگىنە قول جەتكىزىلدى. كولىك سالاسىندا كابوتاجدىق تاسىمالداۋلارعا قويىلاتىن شەكتەۋلەر الىپ تاستالىندى. قازاقستاندىق كاسىپكەرلەردىڭ باسەكەگە قابىلەتتىلىگىن ارتتىرۋ اياسىندا كولىك قىزمەتتەرىنىڭ ورتاق نارىعى قۇرىلمايتىن بولدى.

راحىم وشاقبايەۆ، قر ۇلتتىق كاسىپكەرلەر پالاتاسى باسقارما ٴتوراعاسىنىڭ ورىنباسارى:
- سونداي-اق، قۇجات جوباسىنان ەرەكشە تاريفتەردى ۇسىنۋدىڭ ٴبىرىڭعاي ەرەجەلەرى الىپ تاستالىندى. جانە تەمىرجول تاسىمالىنا ترانزيتتىك تاريفتەردى سايكەستەندىرۋگە قاتىستى سۇراق ەۋرازيالىق كوميسسيانىڭ كەلىسىمىنەن كەيىن شەشىلەتىن بولادى.

ساراپشىلار ەۋرازيالىق ەكونوميكالىق وداقتىڭ قۇرىلۋى كەدەندىك وداق پەن ٴبىرىڭعاي ەكونوميكالىق كەڭىستىكتىڭ جالعاسى ەكەندىگىن باسا ايتۋدا. ونى ستاتيستيكالىق دەرەكتەردە دالەلدەپ وتىر. ينتەگراسيادان پايدا بار.

وتكەن جىلى قازاقستاننىڭ تاۋار اينالىمى كەدەن وداعى مەملەكەتتەرى اراسىندا 24 ملرد. دوللاردان اسقان. ال 2011 جىلى بۇل كورسەتكىش 23 ملرد. دوللاردى قۇراعان.

قازىرگى تاڭدا باستى قۇجاتتىڭ سوڭعى تۇجىرىمداماسى ٴۇش ەل باسشىلارىنىڭ قاراۋىندا جاتىر. ال، 29 مامىر كۇنى استانادا ٴۇش ەل باسشىلارىنىڭ قاتىسۋىمەن جاڭا وداقتىڭ قۇرىلعاندىعى تۋرالى جاريا ەتىلەدى دەپ جوسپارلانۋدا. 


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي