BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ەۋرازيالىق ەكونوميكالىق وداق كسرو-نى كوكسەمەيدى – ب. ساعىنتايەۆ

استانا. 19 مامىر. baq.kz – بۇگىن استانا قالاسىندا وتكەن «قازاقستان – 2050» دەموكراتيالىق كۇشتەردىڭ جالپىۇلتتىق كواليسياسىنىڭ وتىرىسىندا بايانداما جاساعان قر پرەمەر-مينيسترىنىڭ ٴبىرىنشى ورىنباسارى، ەۋرازيالىق ەكونوميكالىق كوميسسيا كەڭەسىنىڭ مۇشەسى باقىتجان ساعىنتايەۆ وسىلاي مالىمدەدى، - دەپ حابارلايدى baq.kz ٴتىلشىسى.

- كەلىسىمگە قول قويىلاتىن قۇجات جوباسى دايىن. سوندا دا ٴبىرقاتار ماسەلەلەردى جان-جاقتى تالقىلاپ، پىسىقتاپ، پىسىرە ٴتۇسۋ ٴۇشىن جينالىپ وتىرمىز مۇندا. بىرىنشىدەن، ٴبىز كسرو-نى قايتا قۇرمايمىز. كەيبىرەۋلەردىڭ ايتىپ جۇرگەنىندەي، ول ەندى مۇمكىن ەمەس ەكەنى بەلگىلى. ەكىنشىدەن بۇل وداق – ساياسي ۇيىم ەمەس. كەلىسىم قۇجاتىنىڭ ٴمانى، تەك قانا، ەكونوميكالىق ىنتىماقتاستىق بولىپ تابىلادى. سونىمەن قاتار، ەەو اياسىندا ارنايى كوميسسيا جۇمىس ىستەيتىن بولادى. وسىنىڭ اياسىندا وداققا قاتىستى كەز-كەلگەن ماسەلە شەشىلەدى. تاعى ٴبىر ناقتىلاي تۇسەتىن جايت، وعان مۇشە-مەملەكەتتەردىڭ ەشبىرىنە دە ٴۇشىنشى ٴبىر مەملكەتپەن قانداي دا ٴبىر كەلىسىم، مامىلە جاساۋىنا ەشقانداي دا كەدەرگى نەمەسە تىيىم سالىنبايدى، - دەدى ول.

ونىڭ ايتۋىنا قاراعاندا، ارىپتەستەردىڭ ۇسىنىس ەتكەنىنە قاراماستان قازاقستاندىق تاراپ ەكونوميكالىق سالاعا قاتىستى ەمەس دەنساۋلىق ساقتاۋ، ٴبىلىم بەرۋ، عىلىم، قۇقىق سەكىلدى وزگە سالالارداعى ىنتىماقتاستىق اسپەكتىلەرىن قاراستىرماعان كورىنەدى.

- مۇنىڭ ٴوزى ەەو-تىڭ بەلگىلى ٴبىر باعىتتا عانا بىرلەسە جۇمىس ىستەيتىندىگىن بىلدىرەدى، - دەپ تولىقتىردى باقىتجان ٴابدىر ۇلى.

 

نۇرلىبەك دوسىباي
 


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي