BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ەۋرازيا بەستىگىندە زەينەتاقى جۇيەسى وزگەرۋى مۇمكىن

رەسەي، بەلارۋس، ارمەنيا نەمەسە قىرعىزستاندا جۇمىس ىستەيتىن قازاقستاندىقتاردىڭ شەتەلدەگى ەڭبەك ٴوتىلىمى زەينەتاقى تولەۋدە ەندى ەسكەرۋسىز قالمايدى. بۇل ەۋرازيالىق ەكونوميكالىق وداق ەلدەرىنىڭ ازاماتتارىن زەينەتاقىمەن قامتاماسىز ەتۋ جونىندەگى كەلىسىمدە جازىلعان. قۇجات جىل سوڭىنا دەيىن قابىلدانۋى مۇمكىن.

ەۋرازيالىق ەكونوميكالىق وداق ەلدەرىنىڭ ازاماتتارىن زەينەتاقىمەن قامتاماسىز ەتۋ جونىندەگى كەلىسىمنىڭ تالقىعا سالىنىپ جۇرگەنى قاشان. تولەمنىڭ مولشەرى ٴار مەملەكەتتىڭ زاڭىنا سايكەس بەكىتىلەتىنى بەلگىلى. ٴبىراق شەشىمىن تاپپاعان بىرنەشە ماسەلە بار. مىسالى، زەينەتاقى جۇيەسى، ەڭبەك وتىلىنە قويىلاتىن تالاپ ٴار ەلدە ٴارتۇرلى. ٴناپاقانىڭ كولەمى دە بىردەي ەمەس. ستاتيستيكاعا سۇيەنسەك، ەڭ جوعارى زەينەتاقى رەسەيدە. قازاقستاندا دا زەينەتكەرلەرىن رەنجىتپەۋگە تىرىسادى. ٴۇشىنشى ورىندا بەلارۋس تۇر. ال ارمەنيا مەن قىرعىزستان - كوش سوڭىندا.

پايزا سۋيۋمبايەۆا، ەەك دەپارتامەنتىنىڭ ديرەكتورى:

- زەينەتاقى الۋ ٴۇشىن ازاماتتىڭ جاسى مەن ەڭبەك وتىلىنە قارايدى. رەسەيدە بۇعان 2015 جىلدىڭ قاڭتار ايىنان باستاپ ۇپايلار قوسىلاتىن بولدى. قارتايعان شاعىن الاڭسىز وتكىزەمىن دەگەن ادامعا 30 ۇپاي جيناۋ كەرەك. ٴبىراق قىرعىزستان، قازاقستان مەن ارمەنيادا بالدىق جۇيە جوق.

سەرگەي ەۆدوكيموۆ، ەەك الەۋمەتتىك قورعاۋ ٴبولىمىنىڭ باسشىسى:

- ەگەر ازاماتتار رەسەيدەن باسقا شەتەلدەردە جۇمىس ىستەسە، وندا ونىڭ كوەففيسيەنتىن قالاي سانايمىز؟ ماسەلە وسىندا. رەسەي وزىنەن وزگە مەملەكەتتەردە جۇمىس ىستەپ، جيناعان ەڭبەك وتىلىنە ٴبىر عانا كوەففيسيەنت قوسۋدى ۇسىنىپ وتىر. ونىمەن بەلارۋس كەلىسەدى. ٴبىراق قالعاندارى بۇل كورسەتكىش ەكىدەن از بولماۋىن تالاپ ەتۋدە. ايتپەسە، رەسەيدە ەڭبەك ەتەتىن شەتەلدىكتەردىڭ قۇقىعى بىردەي بولمايدى.

ەندى شەتەلدە جۇمىس ىستەگەن ازاماتتىڭ سول ۋاقىت ارالىعىنداعى زەينەتاقىسىن سول مەملەكەت تولەيتىن بولادى. بۇل – زەينەتاقى كەلىسىمىنىڭ جوباسىندا قاراستىرىلعان نورما.

سەرگەي ەۆدوكيموۆ، ەەك الەۋمەتتىك قورعاۋ ٴبولىمىنىڭ باسشىسى:

- ٴقازىر ٴبىز وسىنداي مۇمكىندىكتى قاراستىرىپ وتىرمىز. ەگەر قازاقستان ازاماتى ماسكەۋدە نەمەسە مينسكىدە ەڭبەك ەتسە، وندا زەينەتاقىنى رەسەي نە بەلارۋس تولەپ وتىرادى.

زەينەتاقى كەلىسىمى جىل سوڭىنا دەيىن قابىلدانۋى مۇمكىن. بۇل قۇجاتتا زەينەتاقىنى تولەۋ ٴتارتىبى، ٴبىر ەلدەن ەكىنشى ەلگە قونىس اۋدارعاندا ازاماتتاردىڭ قۇقىقتارىن ساقتاۋ سەكىلدى ماسەلەلەر دە ەسكەرۋسىز قالمايدى.

حابار 24.kz


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي