BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ەۋرازەق پاا قىزمەتى توقتاعان رەcمي جاريلاندى

استانا. 28 قاراشا. baq.kz - سانكت-پەتەربور قالاسىندا وتكەن ەۋرازيالىق ەكونوميكالىق قاۋىمداستىق پارلامەنتارالىق اسسامبلەياسىنىڭ بيۋرو جينالىسىندا وسى قۇرىلىمنىڭ جۇمىسى توقتاتىلعاندىعى جاريا ەتىلدى. قازاقستان پارلامەنتى ٴماجىلىسىنىڭ ٴتوراعاسى قابيبوللا جاقىپوۆ ۇيىم جۇمىسىن قورىتىندىلادى، - دەپ حابارلايدى پارلامەنت ٴماجىلىسى اپپاراتىنىڭ ٴباسپاسوز قىزمەتى.
 

ٴماجىلىس سپيكەرىنىڭ اتاپ وتكەنىندەي، 2015-جىلدىڭ 1-قاڭتارىنان باستاپ ەۋرازيالىق ەكونوميكالىق قاۋىمداستىق قىزمەتىن توقتاتىپ، ەۋرازيالىق ەكونوميكالىق وداق ٴوز جۇمىسىن باستايدى. قابيبوللا جاقىپوۆ اتالعان قاۋىمداستىقتىڭ ەاەو قالىپتاستىرۋدىڭ نەگىزىن قالاعانىن العا تارتا وتىرىپ، ەاەق پارلامەنتتىك اسسامبلەياسىنىڭ ماڭىزدىلىعىنا توقتالدى.
- ەۋرازەق بۇل جۇمىستا باسقا باسقارۋشى ورگاندارمەن بىرلەسىپ، قاۋىمداستىقتىڭ قۇقىقتىق بازاسىن تابىستى قالىپتاستىرۋدا ايرىقشا ٴرول اتقاردى. وسى رەتتە پارلامەنتتىك اسسامبلەيا قۇقىقتىق بازانى، زاڭنامالىق اكتىلەر مەن ۇسىنىمداردىڭ ۇلگىلىك جوباسىن جاساۋعا بارىنشا كوڭىل ٴبولدى،-دەدى قابيبوللا جاقىپوۆ.
ٴماجىلىس ٴتوراعاسىنىڭ ايتۋىنشا، پارلامەنتارالىق اسسامبلەيا جۇمىس ىستەي باستاعان 13 جىلدان استام ۋاقىت ىشىندە قاۋىمداستىققا مۇشە-مەملەكەتتەر پارلامەنتتەرىنىڭ ۇلتتىق-قۇقىقتىق جۇيەسىندە كەڭىنەن قولدانىلعان 200-دەن استام ەرەجەلەر مەن نورمالار، نورماتيۆتىك قۇقىقتىق اكتىلەر قابىلدانعان.
- ەۋرازەو پەن ەۋرازەق پاا ٴبىزدىڭ ەلدەرىمىز اراسىنداعى ىنتىماقتاستىقتى نىعايتۋدا ماڭىزدى ٴرول اتقاردى،-دەپ اتاپ ٴوتتى ق. جاقىپوۆ .
ەۋرازەق پاا 2000-جىلدان قىزمەت ەتە باستادى. قازاقستان ۇيىمعا سوڭعى ەكى مەرزىم قاتارىنان ٴتوراعالىق ەتتى.

 


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي