BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ەندى تاۋارلار قازاقستاننان سىبىرگە وزەن پورتى ارقىلى تاسىمالدانادى

پاۆلودار. 19 مامىر. baq.kz - پاۆلوداردا جاڭا حالىقارالىق لوگيستيكالىق ورتالىق پايدا بولادى. 

ەندى تاۋار قازاقستاننان سىبىرگە وزەن پورتى ارقىلى تاسىمالدانادى. بۇل جاڭالىق جايىندا كاسىپكەرلەردىڭ العاشقى باسقوسۋىندا ايتىلدى. جيىندا كوكەيكەستى ماسەلەرگە دە تالداۋ جاسالدى. ٴقازىر ەلەكتر ەنەرگياسىن ساتۋعا قاتىستى كۇردەلى جاعداي قالىپتاسقان. وسىنىڭ سالدارىنان ايماقتا جالپى قۋاتتىلىعى 1،5 مىڭ مۆت بولاتىن 3 ەنەرگوبلوك توقتاپ تۇر.
پاۆلوداردىڭ وزەن پورتىندا پايدا بولاتىن كولىكتىك لوگيستيكالىق ورتالىق قازاقستان مەن رەسەي اراسىندا تاۋار الماسۋ كولەمىن ايتارلىقتاي ۇلعايتادى. ٴقازىر پاركتە 29 جۇك كەمەسى بار. تاپسىرىستىڭ جوقتىعىنان ساپارعا وتە سيرەك شىعادى. ٴبىراق جۇكتى سۋ كولىگى ارقىلى تاسىمالداۋ، تەمىرجول مەن اۆتوكولىككە قاراعاندا اناعۇرلىم ارزان.
ريزابەك حوماروۆ، پاۆلودار وزەن پورتىنىڭ جەكتەكشىسى:
- ٴبىر قۇرام شامامەن 3 مىڭ توننا جۇك تاسىمالدايدى، ٴسويتىپ 200 اۆتوكولىكتى الماستىرادى. بۇگىنگى كۇنى بۇل – ەكولوگيالىق تازا كولىك ٴتۇرى.
جيىندا ەكسپورتتىق الەۋەت تۋرالى دا ايتىلدى. كەدەندىك وداق پاۆلوداردىڭ كوپتەگەن كاسىپورىندارى ٴۇشىن جاڭا مۇمكىندىكتەرگە جول اشتى. ساراپشىلار ينتەگراسيالىق ۇدەرىستەردىڭ قارقىن العانىن جانە الداعى ۋاقىتتا توقتاۋسىز جۇرگىزىلەتىنىن اتاپ ٴوتتى.
يليا تەرەنچەنكو، وبلىستىق كاسىپكەرلەر پالاتاسىنىڭ وكىلى:
- «كەممي»، «رۋبيكوم» - پاۆلودار وبلىسى ونىمدەرىنىڭ برەندى. جۋىردا ونىڭ قۇرامى «زەلەنوگراد» دەگەن قاراقۇمىقتان، كوكونىستەن جاسالعان جاڭا ٴونىم تۇرىمەن تولىعا ٴتۇستى. بۇل ازىق-تۇلىكتەر ٴقازىردىڭ وزىندە بەلارۋسس، گەرمانياعا جونەلتىلۋدە.
جيىندا كاسىپكەرلەر تاراپىنان كوتەرىلگەن ماسەلە كوپ بولدى. ماسەلەن، ەسەپتىك-كاسسالىق قۇرىلعىلار، pos تەرمينالدارى. بيزنەس وكىلدەرى ولاردى جاپپاي ەنگىزۋدى كەيىنگە قالدىرۋدى سۇرادى. سوڭعى كەزدە جەرگىلىكتى ەنەرگەتيكتەر دە قيىندىققا تاپ بولعان. ەكىباستۇزدىڭ ستانساسىندا جالپى قۋاتتىلىعى 1،5 مۆت بولاتىن،3 بىردەي ەنەرگوبلوك جۇمىسى توقتاپ تۇر. بۇعان قازاقستاندا يكەمدى قۋاتتىلىق نارىعىنىڭ ەنگىزىلمەگەنى سەبەپ بولىپ وتىر. ەنەرگەتيكتەر ارتىعىن رەسەيگە ساتا المايدى. ويتكەنى بىزدەگى باعادان ارزان ساتۋ زاڭعا قايشى كەلەدى.
دۇيسەنباي تۇرعانوۆ، وبلىس اكىمىنىڭ ورىنباسارى:
- ونىڭ ۇستىنە بيىلعى جىلى گرەس-1 رەكونسترۋكسيادان شىققانان كەيىن تاعى دا ٴبىر 500 مۆت بولاتىن بلوك ىسكە قوسىلادى. سونىمەن، ەسەپتەگەن كەزدە 2 مىڭ مۆت ەنەرگيانى ەكسپورتتاۋعا مۇمكىنشىلىگىمىز بار ەكەنى انىقتالدى.
ەنەرگەتيكاعا قاتىستى جاعداي تۋرالى استاناعا حابارلاندى. ەندى ورتالىقتان شەشىم كۇتەدى. جالپى العاندا كاسىپكەرلىك بۇل وڭىردە بارىنشا دامىپ كەلەدى. جاڭادان قۇرىلعان شاعىن جانە ورتا بيزنەس سۋبەكتىلەرىنىڭ قاتارى كوبەيگەن. پاۆلودار وبلىسى «ۇدەمەلى يندۋستريالدىيننوۆاسيالىق دامۋ» مەن «بيزنەستىڭ جول كارتاسى-2020» باعدارلاماسى بويىنشا رەسپۋبليكا كولەمىندە كوش باسىندا تۇرعاندىعىن ايتا كەتۋ كەرەك.
اۆتورلارى: ق.قاسيەتوۆا، م. يگىلىكوۆ، ا.ومەلنيسكيي 


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي