BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ەڭبەككەر-ميگرانتتار دا مەديسينالىق جاردەم الۋعا قۇقىلى

 استانا. 8 قاڭتار. baq.kz – بۇگىن ورتالىق كوممۋنيكاسيالار قىزمەتىنىڭ الاڭىندا دەنساۋلىق ساقتاۋ جانە الەۋمەتتىك دامۋ ۆيسە-مينيسترى سۆەتلانا جاقىپوۆا باق وكىلدەرىن ەاەو قاتىسۋشى مەملەكەتتەردە جۇمىس كۇشىنىڭ قوزعالىسىن رەتتەيتىن زاڭنامالىق نورمالارمەن جانە ەڭبەككەر-ميگرانتتارعا بەرىلەتىن كەپىلدىكتەر تۋرالى حاباردار ەتتى.

- ەاەو مۇشە-مەملەكەتتەردىڭ ازاماتتارى ەڭبەك جاعدايىنا بايلانىستى بارلىعىندا تەڭ قۇقىلى. سوندىقتان دا ەڭبەككەر-ميگرانتتار مەن ولاردىڭ وتباسى مۇشەلەرى جەدەل مەديسينالىق كومەك (شۇعىل جانە جەدەل تۇرىندە) جانە وزگە دە مەديسينالىق جاردەم الۋعا قۇقىلى. جۇمىس ىستەيتىن مەملەكەت اۋماعىندا ەڭبەككەر-ميگرانتپەن بىرگە تۇراتىن بالالارى سول ەلدىڭ زاڭناماسىنا سايكەس مەكتەپكە دەيىنگى مەكەمەلەرگە بارۋعا قۇقىلى، - دەدى ۆيسە-مينيستر.

سۆەتلانا قابىكەنقىزىنىڭ ايتۋىنشا، وتكەن جىلدىڭ 1 جەلتوقسانداعى جاعداي بويىنشا، جەرگىلىكتى اتقارۋشى ورگاندار شەشىمىمەن قازاقستان اۋماعىندا 29 462 شەتەل ازاماتى ەڭبەك ەتىپتى. ال شەتەلدەردەن جۇمىس كۇشىن تارتقان جۇمىس بەرۋشىلەر سانى – 2 577 قۇراعان. ونىڭ ىشىندە 11،4 مىڭ ادام قۇرىلىستا بولما (44،4 پايىز)، تاۋ كەن ٴوندىرۋ كاسىپورىندارى – 3،4 مىڭ ادام (13،4%) جانە وڭدەۋ ٴوندىرىسى سالاسىنداعى كورسەتكىش 1،4 مىڭ ادام (5،4%) ەكەن.

 

نۇرلىبەك دوسىباي،
سۋرەتتى تۇسىرگەن – عابيت ماداليەۆ

 


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي