BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ەلباسى جوعارى ەۋرازيالىق ەكونوميكالىق كەڭەستىڭ وتىرىسىنا قاتىستى

استانا. 24 جەلتوقسان. baq.kz – ەلباسى جوعارى ەۋرازيالىق ەكونوميكالىق كەڭەستىڭ وتىرىسىنا جانە ونىڭ قورىتىندىسىنا ارنالعان بىرلەسكەن ٴباسپاسوز ٴماسليحاتىنا قاتىستى دەپ حابارلايدى اقوردانىڭ ٴباسپاسوز قىزمەتى.

وتىرىسقا قازاقستان پرەزيدەنتى نۇرسۇلتان نازاربايەۆ، رەسەي پرەزيدەنتى ۆلاديمير پۋتين، بەلارۋس پرەزيدەنتى الەكساندر لۋكاشەنكو، ارمەنيا پرەزيدەنتى سەرج سارگسيان جانە قىرعىزستان پرەزيدەنتى المازبەك اتامبايەۆ قاتىستى.

مەملەكەت باسشىلارى ەۋرازيالىق ەكونوميكالىق وداقتى 2015 جىلدان باستاپ ىسكە قوسۋ جانە ونىڭ شەتەلدىك سەرىكتەستەرمەن ٴوزارا ىقپالداستىعى ماسەلەلەرىن قاراستىردى.

وتىرىس بارىسىندا مەملەكەت باسشىلارى ەاەو ورگاندارىنىڭ قىزمەتىن رەگلامەنتتەۋگە، وداق سوتى مەن كوميسسياسىن قۇرۋعا جانە ونىڭ جۇمىسىنا، سونداي-اق ت.مانسۇروۆتى ەۋرازيالىق ەكونوميكالىق كوميسسيانىڭ ەنەرگەتيكا جانە ينفراقۇرىلىم جونىندەگى aلقاسىنىڭ مۇشەسى (مينيستر) ەتىپ تاعايىنداۋعا بايلانىستى ٴبىرقاتار شەشىمدەرگە قول قويدى.

سونىمەن قاتار، پرەزيدەنتتەر 2014 جىلعى 29 مامىرداعى ەۋرازيالىق ەكونوميكالىق وداق تۋرالى شارتقا قىرعىزستان رەسپۋبليكاسىنىڭ قوسىلۋى تۋرالى شارتقا قول قويدى.

قازاقستان پرەزيدەنتى وتىرىس قورىتىندىسى ارنالعان ٴباسپاسوز ٴماسليحاتىنداعى سوزىندە 2015 جىل تاريحقا ەۋرازيالىق ىقپالداستىقتىڭ جاڭا كەزەڭى رەتىندە كىرەتىنىنە توقتالدى.

– كەلەسى جىلدىڭ 1 قاڭتارىنان باستاپ ەۋرازيالىق ەكونوميكالىق وداق تۋرالى شارت كۇشىنە ەنەدى. ەۋرازيانىڭ ۇلانعايىر كەڭىستىگىندە تۇڭعىش رەت ەرىكتى، تەڭقۇقىلى جانە ٴوزارا ٴتيىمدى نەگىزدە قۋاتتى تابيعي جانە رەسۋرستىق الەۋەتى، جاھاندىق جانە وڭىرلىك اۋقىمدا ستراتەگيالىق ماڭىزدى كولىك، ەنەرگەتيكا جانە تەحنولوگيالىق جۇيەسى بار ەكونوميكالىق بىرلەستىك قۇرىلادى، – دەدى مەملەكەت باسشىسى.

نۇرسۇلتان نازاربايەۆ ەلدەرىمىز ٴححى عاسىرتىڭ سىن-قاتەرلەرىنە جاۋاپ بەرە وتىرىپ، ەكونوميكالىق الەۋەتتى بىرىكتىرگەنىن اتاپ كورسەتتى.

– ەۋرازيالىق ەكونوميكالىق وداق ەڭ الدىمەن قاراپايىم ادامدار مەن ولاردىڭ مۇددەلەرى ٴۇشىن قۇرىلدى. بالتىقتان تىنىق مۇحيتىنا دەيىنگى، اركتيكادان تيان-شانعا دەيىنگى وراسان كەڭىستىكتە وداققا مۇشە مەملەكەتتەردىڭ 180 ميلليونعا جۋىق ازاماتتارى بيزنەس جۇرگىزۋگە، ەركىن ساۋدا مەن جۇمىسپەن قامتىلۋعا، كوممۋنيكاسيالاردى پايدالانۋعا، ٴوڭىرارالىق ىنتىماقتاستىق پەن ٴوزارا گۋمانيتارلىق ىقپالداستىقتى كەڭەيتۋگە تەڭ مۇمكىندىكتەر الادى. بەرىك ەكونوميكالىق ىرگەتاس قۇرۋ ارقىلى ٴبىز ەلدەرىمىز بەن حالىقتارىمىزدىڭ اراسىنداعى دوستىقتى، تاتۋ كورشىلىك پەن سەنىمدى نىعايتامىز، – دەدى قازاقستان پرەزيدەنتى.

مەملەكەت باسشىسى قاتىسۋشى ەلدەر بۇگىندە تاتۋلىقتىڭ، كەلىسىمنىڭ، ٴوزارا پايدا مەن قولداۋدىڭ ۇزاقمەرزىمدى باعىتىن تاڭداعانىنا نازار اۋداردى.

– ەكونوميكالىق تۇرعىدان ىقپالداسا وتىرىپ، ٴبىز ساياسي ەگەمەندىكتىڭ، مادەني تاۋەلسىزدىكتىڭ جانە حالىقتارىمىزدىڭ تىلدىك بىرەگەيلىگىنىڭ مىزعىماس قاعيداتتارىن نىعايتامىز. سونىمەن بىرگە، الەمدىك نارىقتارداعى تۇراقسىزدىق، سانكسيالىق ساياسات، الەمنىڭ جەتەكشى دەرجاۆالارى اراسىنداعى سەنىمنىڭ السىرەۋى، ساياسي احۋالدىڭ ۋشىعۋ ٴقاۋپى ەۋرازيالىق ەكونوميكالىق وداقتىڭ قالىپتاسۋ ۇدەرىسىنە ىقپال ەتەتىن بولادى. ٴبىز بۇل سىن-قاتەرلەردىڭ ٴبارىن ەسكەرەمىز، – دەدى نۇرسۇلتان نازاربايەۆ.

قازاقستان پرەزيدەنتى ەۋرازيالىق ەكونوميكالىق ىقپالداستىق يدەياسىن جۇزەگە اسىرۋعا اتسالىسقانداردىڭ بارلىعىنا ريزاشىلىعىن ٴبىلدىردى.

– ٴبىزدىڭ وداق قۇرۋعا باستاعان جولىمىز ەكى ونجىلدىقققا سوزىلدى. ول مەنىڭ 1994 جىلى م.لومونوسوۆ اتىنداعى ممۋ-دە سويلەگەن كەزىمدە ۇسىنىلعان يدەيادان ناقتى ٴىس جۇزىندەگى شەشىمگە اينالدى. ٴاربىر ەلىمىزدىڭ ۇلتتىق مۇددەلەلەرى، ەكونوميكالىق مۇمكىندىكتەرى ەسكەرىلگەن بارلىق قاجەتتى مەملەكەتارالىق قۇجاتتاردى دايىنداۋ ٴۇشىن وراسان جۇمىس اتقارىلدى. مۇنىڭ ار جاعىندا ساراپشىلاردىڭ، ساياساتكەرلەردىڭ، دەپۋتاتتاردىڭ، بيزنەس پەن مەملەكەتتەرىمىزدىڭ جۇرتشىلىق وكىلدەرىنىڭ زور ەڭبەگى تۇر، – دەدى مەملەكەت باسشىسى.

نۇرسۇلتان نازاربايەۆ ەاەو قىزمەتىنىڭ شارتتارىن جەتىلدىرۋ جونىندەگى جۇمىستاردى جالعاستىرۋ قاجەتتىگىن ايتتى.

– ٴبىز ىقپالداستىعىمىز وزگە مەملەكەتتەر ٴۇشىن ەكونوميكالىق سەرىكتەستىكتىڭ تارتىمدى ۇلگىسىنە اينالىپ، ەاەو-قاتىسۋشىلار سانى ۇلعايۋى ٴۇشىن ٴبارىن جاساۋعا ٴتيىسپىز. ٴبىزدىڭ ەكونوميكالىق وداق – الەمنىڭ بارلىق ىقپالداستىق بىرلەستىكتەرىمەن، سونىڭ ىشىندە ەۋروپالىق وداقپەن دە ٴوزارا ٴتيىمدى ىنتىماقتاستىق ٴۇشىن اشىق ۇيىم. ەلدەرىمىزدىڭ بارشا ازاماتتارىن ەۋرازيالىق ەكونوميكالىق وداقتىڭ قۇرىلۋىمەن قۇتتىقتايمىن، - دەدى قازاقستان پرەزيدەنتى. 


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي