BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ەكونوميكالىق وداقتاسۋدى ۇعىندىرۋعا ناسيحات قاجەت – ك. بۇرحانوۆ

استانا. 14 مامىر. baq.kz – بۇگىن «ەۋرازيالىق ينتەگراسيا: كەدەندىك وداقتان – ەكونوميكالىق وداققا» تاقىرىبىندا وتكەن استانا – ماسكەۋ – مينسك – ەرەۆان اراسىندا مۋلتيمەديالىق كوپiر ارقىلى بەينەكونفەرەنسياعا قاتىسقان ٴماجىلىس دەپۋتاتى كامال بۇرحانوۆ وسىلاي مالىمدەدى، - دەپ حابارلايدى baq.kz ٴتىلشىسى.

- بۇگىنگى تاڭدا ٴبىز ٴسوز ەتىپ وتىرعان ەۋرازيالىق ەكونوميكالىق وداقتاسۋدىڭ اۋ-جايىن ەل ازاماتتارىنا ۇعىندىرۋدا ۇگىت-ناسيحات، ٴتۇسىندىرۋ جۇمىستارى ٴتيىستى دەڭگەيدە جۇرگىزىلىپ جاتقان جوق. ارينە، ٴار مەملەكەت دەموكراتيالىق ۇستانىممەن ٴومىر سۇرەدى دەسەك تە، تاراپتاردىڭ تيىمدىلىگى ٴۇشىن، قاي قوعامنىڭ بولسا دا تۇتاستىعى ٴۇشىن ەكونوميكالىق وداقتاسۋدى ۇعىندىرۋدا اقپارات قۇرالدارى قىزۋ جۇمىس ىستەۋى ٴتيىس بولاتىن. ويتكەنى، قىرعىز ەلى مەن ۋكرايناداعى سەكىلدى قوعام پىكىرى ەكىگە جارىلماۋى ٴۇشىن جانە ەل ىشىندە الۋان ٴتۇرلى كوزقاراس قالىپتاسپاۋى ٴۇشىن قاجەت ەدى مۇنداي قادام، - ٴماجىلىس دەپۋتاتى.

ٴوز كەزەگىندە بايلانىسقا شىعىپ، ٴسوز العان ەۋرازەق-تىڭ ىسكەرلىك كەڭەسىنىڭ اكىمشىلىك-قارجى ديرەكتورى ولەگ ۆەليكورەدچانين دەپۋتات كامال نيزام ۇلىنىڭ ٴسوزىن ٴبىراۋىزدان قولدايتىندىعىن ٴبىلدىردى.

- بۇل رەتتە قازاقستاندىق اقپارات قۇرالدارىنىڭ بەلسەندى جۇمىس جۇرگىزىپ جاتقانى بەلگىلى. ال ەندى وسى رەتتە رەسەيلىك باق-تاردىڭ دا قىزۋ جۇمىس ىستەگەنىن قالايتىن ەدىم. مىسالى، تەلەارنالار ەكونوميكا سالاسىنىڭ «جىلىگىن شاعىپ، مايىن ىشكەن» ماماندارىن كەشكىلىك پرايم-تايم ۋاقىتتاعى قىسقا باعدارلامالارعا شاقىرىپ، شاعىن سۇحباتتار بەرىپ تۇرسا قۇبا-قۇپ بولۋشى ەدى، - دەدى ول.

 

نۇرلىبەك دوسىباي
 


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي