BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ەگىنشىلىكپەن ەل ەكونوميكاسىن كوتەرۋ مۇمكىن ەمەس – م. جۇرىنوۆ

استانا. 20 مامىر. baq.kz – ەل ەكونوميكاسىن اۋىل شارۋاشىلىعىنداعى اگرارلىق سالا، ونىڭ ىشىندە ەگىنشىلىكپەن كوتەرۋ مۇمكىن ەمەس. ەگەر وسىلاي ويلاساق، قاتتى قاتەسەلەسىمىز. وزىمىزگە قاجەتتى ەگىن مەن ٴداندى-داقىلداردى ەگىپ ازىق-تۇلىك سەبەتىمىزدى تولتىرىپ وتىرساق دا جەتكىلىكتى. وسىلاي بايۋ مۇمكىن بولسا، جىلىنا ٴتورت رەت جەرىنە ەگىن سالاتىن ٴۇندىستاننىڭ ەكونوميكاسى الەمدىك دەڭگەيدە نەگە كوش ىلگەرى كەتپەيدى؟ – دەدى «نۇر وتان» پارتياسىنىڭ مۇرىندىق بولۋىمەن وتكەن دەموكراتيالىق كۇشتەردىڭ جالپىۇلتتىق كواليسياسىنىڭ وتىرىسىندا ٴسوز العان قر ۇلتتىق عىلىم اكادەمياسىنىڭ پرەزيدەنتى مۇرات جۇرىنوۆ. بۇل جونىندە baq.kz ٴتىلشىسى حابارلايدى.

- يندۋستريا عانا ەلدىڭ ەكونوميكاسىن كوتەرەدى. ال ٴوندىرىستى عىلىمسىز دامىتۋ، ٴتىپتى دە مۇمكىن ەمەس. كەز-كەلگەن سالاعا عىلىم-بىلىممەن جاراقتاندىرىلعان يندۋستريانى جۇرگىزسەك، ول سالا دامىماي قالادى دەگەنگە مۇلدەم سەنبەيمىن. وزدەرىڭىز بىلەسىزدەر، ٴبىزدىڭ ەلدىڭ عىلىمى 20 جىل بويى نارىقتىڭ كولەڭكەسىندە قالىپ كەلەدى. ال قازىرگى نارىق بولسا، تىم جابايىلانىپ كەتتى. تاۋارلاردىڭ ساپالىسى دا بار، ساپاسىزى دا بار. بۇلاي بولاتىن سەبەبى، كەز-كەلگەن تاۋاردىڭ ٴوز تۇتىنۋشىسى بار. ەندىگى جەردە ەۋرازيالىق ەكونوميكالىق وداق بىزگە بۇرىنعىدان دا بەلسەندى نارىققا جول اشادى. ال بەلسەندى نارىق ساپاسىز ونىمدەردى سورەدەن ىعىستىرادى، - دەدى ول.

 

نۇرلىبەك دوسىباي
 


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي