BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ەەو قازاقستاندىق بيزنەسكە نە بەرەدى؟

استانا. 22 مامىر. baq.kz – ەندى ساناۋلى كۇندەردەن كەيىن قازاقستان، رەسەي جانە بەلورۋس ەلدەرىنىڭ باسشىلارى ەۋرازيالىق ەكونوميكالىق وداقتى قۇرۋ تۋرالى كەلىسىمگە قول قويۋى ٴتيىس. تاريحي وقيعا مامىر ايىنىڭ 29-نا بەلگىلەنىپ وتىر. 

وسىناۋ وداقتىڭ تەك ٴۇش ەلدىڭ ەكونوميكاسىنا عانا نەگىزدەلگەنى ايتىلۋدا. ونىڭ ەشقانداي ساياسي اسەرى بولمايدى. ال، بيزنەس سالاسىنىڭ باسەكەگە قابىلەتتىلىگى ارتىپ، وتاندىق كاسىپكەرلەردىڭ الەۋەتىن وسىرمەك.
وسى ورايدا قر وڭىرلىك دامۋ مينيسترلىگى كاسىپكەرلىكتى دامىتۋ كوميتەتى ٴتورايىمىنىڭ ورىنباسارى باقىتجان ساركەەۆ ەەو-نىڭ قازاقستاندىق بيزنەسكە اسەرى جايىندا ايتىپ بەردى.
"بىرىنشىدەن، 170 ملن. ادامى بار ۇلكەن نارىققا جول اشادى. ەكىنشىدەن، ەلىمىزدىڭ ينۆەستيسيالىق تيىمدىلىگى ارتادى. نەگىزىنەن، كەدەن وداعى ەلدەرىنىڭ نارىعىنا باعىتتالعان جاڭا ونەركاسىپتەردى سالۋعا قىزىعۋشىلىق تۇرىك جانە كورەيالىق كاسىپكەرلەر تاراپىنان تانىلىپ وتىر. وداق اياسىندا قازاقستاندىق كاسىپورىندار ٴۇشىن جىلىنا 198 ملرد. دوللاردى قۇرايتىن رەسەي مەن بەلورۋس مەملەكەتتىك ساتىپ الۋ نارىعى اشىلادى. بۇل جاعدايدا قازاقستاندىق بيزنەستەن موبيلدىلىك وزگەرىستەرگە تەز بەيىمدەلۋ، ٴوز وندىرىستەرىنە جاڭا تەحنولوگيالار مەن ستراتەگيا ەنگىزە ٴبىلۋ تالاپ ەتىلەدى.
مەن قازاقستاندىق بيزنەس باسەكەلەستىككە توتەپ بەرە الادى دەپ سەنەمىن. ال، مەملەكەت بۇعان بۇكىل جاعدايدى جاساپ وتىر جانە جاساي بەرەدى" دەپ اتاپ ٴوتتى ساركەەۆ.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي