BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ەەو ىقپالداستىعى بىرتە-بىرتە دامۋى ٴتيىس – ق.توقايەۆ

استانا. 24 قاراشا. baq.kz – پارلامەنت سەناتىنىڭ ٴتوراعاسى قاسىم-جومارت توقايەۆ «پرەزيدەنت. پارلامەنت. ينتەگراسيا» حالىقارالىق عىلىمي-تاجىريبەلىك كونفەرەنسيادا ىقپالداستىقتى تەرەڭدەتە ٴتۇسۋ ٴۇشىن ەۋرازيالىق ەكونوميكالىق وداقتى بىرتە-بىرتە دامىتۋ كەرەكتىگىن مالىمدەدى، - دەپ حابارلايدى baq.kz ٴتىلشىسى. 

1 جەلتوقسان – قازاقستان رەسپۋبليكاسىنىڭ تۇڭعىش پرەزيدەنتى كۇنى قارساڭىندا ٴوتىپ وتىرعان كونفەرەنسيانىڭ ماڭىزىنا نازار اۋدارعان سەنات ٴتوراعاسى مەملەكەت باسشىسى ن.نازاربايەۆتىڭ «نۇرلى جول» جولداۋىندا قازىرگى زامان قاتەرلەرىنە باستى جاۋاپ بەرىلگەنىن اتاپ ٴوتتى. «ستراتەگيالىق ماڭىزى بار جانە حالىقارالىق مانگە يە بۇل قۇجاتتى جاھاندىق تۇراقسىزدىق جاعدايىندا رەفورمالاردىڭ كەشەندى جوسپارى رەتىندە قاراستىرۋ كەرەك. پارلامەنتشىلەردىڭ مىندەتى داعدارىسقا قارسى وسى ەرەكشە باعدارلامانى زاڭنامالىق تۇرعىدا ساپالى قامتاماسىز ەتۋ»، - دەپ اتاپ ٴوتتى ق.توقايەۆ.
سەنات باسشىسىنىڭ پىكىرىنشە: «قازاقستاندا كورنەكتى تاريحي تۇلعا، جاھاندىق اۋقىمداعى ساياساتكەر ن.ٴا.نازاربايەۆ بەينەسىندەگى پرەزيدەنتتىك ينستيتۋت قول جەتكەن بارلىق جەتىستىكتەردى: ورنىقتى ەكونوميكالىق وركەندەۋ، دەموكراتيالىق دامۋ، ۇلتارالىق كەلىسىم، الەۋمەتتىك مولشىلىقتى بايلانىستىرىپ وتىر». جوعارعى پالاتا باسشىسى قازاقستاندا كۇشتى پرەزيدەنتتىك بيلىكتىڭ بولۋى قوعامنىڭ ستراتەگيالىق نەگىزگى مىندەتتەرىنە جاۋاپ بەرەدى، دەپ اتاپ ٴوتتى. سونىمەن بىرگە، ەلىمىزدە كەزەڭ-كەزەڭىمەن ساياسي جاڭعىرۋ جۇزەگە اسىرىلۋدا. 2007-2008 جىلدارداعى كونستيتۋسيالىق رەفورمالاردىڭ ناتيجەسىندە ەلىمىزدىڭ جوعارعى زاڭ شىعارۋ ورگانىنىڭ ٴرولى ەلەۋلى تۇردە جوعارىلادى، «كۇشتى پرەزيدەنت – ىقپالدى پارلامەنت – ەسەپ بەرۋشى ۇكىمەت» فورمۋلاسى بويىنشا پرەزيدەنتتىك-پارلامەنتتىك باسقارۋ تۇرىنە بىرتە-بىرتە كوشۋ باستالدى.
حالىقارالىق ىقپالداستىقتى ورىستەتۋدى ورنىقتى دامۋدىڭ ماڭىزدى رەسۋرسى رەتىندە اتاپ وتكەن ق.توقايەۆ 2015 جىلدىڭ 1 قاڭتارىنان جۇمىسى باستالاتىن اسا ٴىرى ەۋرازيالىق ەكونوميكالىق وداق جوباسى شىن مانىندە ٴبىزدىڭ ەلباسى يدەيالارىنىڭ شىرقاۋ شىڭى بولدى، دەدى. بۇل وداقتىڭ نەگىزگى ميسسياسى – قاتىسۋشى ەلدەر ازاماتتارىنىڭ ٴال-اۋقاتىن كوتەرۋ، ەاەو-عا قاتىسۋشى ەلدەردىڭ مەملەكەتتىك ەگەمەندىگى تولىق ساقتالا وتىرىپ، ٴبىزدىڭ ەلدەرىمىزدى الەمدىك ەكونوميكانىڭ جەتەكشى ورىندارىنا شىعارۋ.
سەنات ٴتوراعاسى ەۋرازيالىق ەكونوميكالىق وداقتىڭ قۇقىقتىق بازاسىن قالىپتاستىرۋ بويىنشا ەاەو ەلدەرى زاڭ شىعارۋ ورگاندارىنىڭ الدىندا تۇرعان مىندەتتەردى بەلگىلەدى. «بۇل قىزمەتتىڭ تۇرپاتى زاڭ شىعارۋ اۋقىمىن ۇيلەستىرۋ، حالىقارالىق قۇجاتتاردى راتيفيكاسيالاۋ ۇدەرىستەرىن بىردەيلەۋ، باسقا ايماقتىق ەكونوميكالىق بىرلەستىكتەرمەن ىنتىماقتاستىقتى كەڭەيتۋ جونىندە كۇش-جىگەردى ۇدەتۋدى قاراستىرادى»، - دەدى ق.توقايەۆ.
سەنات ٴتوراعاسى «جۇلقىپ-تارتپاي جانە العا وزباي ەاەو بىرتە-بىرتە دامۋى ٴتيىس، ايتپەسە ٴبىز ۇيىمنىڭ باستى مىندەتىنەن الشاقتاپ كەتەمىز، ول ىقپالداستىق پەن ٴوزارا ٴتيىمدى ٴىس-قيمىلدى ورىستەتۋدى ماقسات ەتەدى. ەاەو وعان قاتىسۋشىلارعا دا جانە وعان كوز تىگىپ وتىرعان باسقا مەملەكەتتەرگە دە تارتىمدى بولۋى ٴتيىس. بارلىق شەشىمدەر وداققا قاتىسۋشى مەملەكەتتەردىڭ كەلىسىمىمەن تەك كونسەنسۋس نەگىزىندە قابىلدانۋى كەرەك» ەكەنىنە كونفەرەنسياعا قاتىسۋشىلاردىڭ نازارىن اۋداردى.
پارلامەنت ٴماجىلىسى ۇيىمداستىرعان «پرەزيدەنت. پارلامەنت. ينتەگراسيا» كونفەرەنسياسىنا قاتىسۋشىلار قازاقستان پرەزيدەنتى ن.نازاربايەۆتىڭ سىرتقى ساياسي باستامالارىن، ەۋرازيالىق كەڭىستىگى اياسىنداعى ىقپالداستىق ۇدەرىستەرىن زاڭنامالىق تۇرعىدا قامتاماسىز ەتۋ جانە پارلامەنتتىك ديپلوماتيانى بەلسەندىلەندىرۋ تاقىرىپتارىن تالقىلادى.
شاراعا رەسەي فەدەراسياسى مەملەكەتتىك دۋماسىنىڭ ٴتوراعاسى س.ە.نارىشكين، رەسەي، بەلارۋس، قىرعىزستان، تاجىكستان پارلامەنتشىلەرى، سونداي-اق حالىقارالىق ۇيىمداردىڭ وكىلدەرى، ەكونوميكالىق ىقپالداستىق سالاسىنىڭ ماماندارى مەن ساراپشىلارى قاتىستى.
 


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي