BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ەەو دامۋدىڭ جاڭا ساتىسىنا جول اشادى

استانا. 30 ٴساۋىر. baq.kz – قازاقستان – كاسپيي تەڭىزى ارقىلى جۇك تاسىمالدايتىن نەگىزگى مەملەكەتتىڭ ٴبىرى. تەڭىزدەگى جۇك اينالىمىنىڭ 30 پايىزى اقتاۋ پورتىنا تيەسىلى. سوندىقتان كاسپييدەگى وزگە پورتتار اراسىندا كوش باسىندا تۇر. بيىل تەك ٴۇش ايدىڭ ىشىندە پورت ارقىلى 2،4 ميلليون توننا جۇك جىبەرىلگەن. يرانعا ەكسپورتقا شىعارىلعان مەتالل مەن بيداي كولەمى 20 پايىزعا ٴوسىپتى. وسىعان سايكەس ەلباسى ماسكەۋ مەملەكەتتىك ۋنيۆەرسيتەتىندە وقىعان دارىسىندە تەڭىز ارقىلى تاسىمالداناتىن تاۋارلاردىڭ كولەمىن ارتتىرۋدى ايتقان ەدى.  

جۇكتەردى كەدەندىك رەسىمدەۋ مەرزىمىن قىسقارتۋ، شەكارالىق وتكەلدەردىڭ جۇك وتكىزۋ قابىلەتىن اتتىرۋ، اقتاۋ كەمەجايىنىڭ قۋاتىن كۇشەيتۋ، ەكسپورتتىق-يمپورتتىق وپەراسيالاردى جۇزەگە اسىرۋ جۇمىسىن جەڭىلدەتۋ قاجەت.
قر پرەزيدەنتى ن. نازاربايەۆ

مەملەكەت باسشىسىنىڭ تاپسىرماسىنا وراي، بۇگىندە كاسىپورىن كاسپييدەگى كەمەجايلار اراسىنان العاش بولىپ جاڭا تەحنولوگيامەن جۇمىس ىستەۋگە كوشۋدە. مۇنداعى تەڭىز پورتى، كەدەن، شەكارا قىزمەتتەرى ٴبىر ورتالىققا توپتاستىرىلعان. ناتيجەسىندە ٴاربىر تۇتىنۋشى قۇجات راسىمدەۋدە ەداۋىر ۋاقىتتى ۇنەمدەدى. سونداي-اق كەمەگە جۇك تيەۋ، ونى تەكسەرۋ مەرزىمىن قىسقارتۋ ماقساتىندا بارلىق جۇيە شەتىنەن اۆتوماتتاندىرىلۋدا.

ميحايل يالباچوۆ، اقتاۋ حالىقارالىق تەڭىز پورتىنىڭ پرەزيدەنتى:
-قازىرگى العا قويعان ماقساتىمىز – پورت قىزمەتىن جەتىلدىرۋ. جۇكتى تىركەپ، تيەۋ جانە تۇتىنۋشىلاردىڭ قۇجاتىن راسىمدەۋ جۇمىستارىنىڭ بارلىعى اۆتوماتتىڭ كومەگىمەن باسقارىلاتىن بولادى. قاعازباستىلىقتان ارىلىپ كەلەمىز. بۇل ٴوز كەزەگىندە تۇتىنۋشىلارعا جاعداي تۋعىزىپ، كاسىپكەرلىكتىڭ وركەندەۋىنە دە سەپتىگىن تيگىزەدى دەپ ويلايمىن.

ەۋرازيالىق ەكونوميكالىق وداقتىڭ قۇرىلۋىنا وراي، ەلىمىز ٴۇشىن ەۋروپا مەن ازيا جانە پارسى شىعاناعى مەملەكەتتەرىمەن ساۋدا اينالىمىن ۇلعايتۋعا زور مۇمكىندىك تۋماق. بۇل ىسكە اقتاۋ پورتى مول ۇلەس قوسۋدى كوزدەپ وتىر. 2020 جىلعا قاراي قىتايدان اقتاۋ پورتى ارقىلى 4-5 ملن. تونناعا دەيىن ترانزيتتىك جۇكتەر وتەدى دەگەن مەجە بار. سوندىقتان اقتاۋ تەڭىز پورتى حالىقارالىق جۇك اينالىمىنىڭ نەگىزىگى كۇرە تامىرى بولادى.

قالپەن ەسەتوۆ، اقتاۋ پورتىنىڭ قىزمەتكەرى:
-ەندى مىنا وداققا ٴقازىر كىرىپ جاتىرمىز. ياعني پورت ٴۇشىن ۇلكەن مۇمكىندىكتەر تۋايىن دەپ وتىر. سوڭعى كەزدەرى ٴبىزدىڭ پورت ارقىلى تىكەلەي بەلورۋسسيادان جۇكتەر كەلىپ، ٴوتىپ جاتىر. بۇرىن بىزدە مۇنداي كوپ جۇكتەر بولعان جوق. ەندى ول جۇكتەردىڭ كولەمى كوبەيەدى، وسە بەرەدى دەپ ٴۇمىت ارتامىز.

كەلەر جىلدان باستاپ اقتاۋ پورتىنىڭ قۋاتى ەكى ەسەگە ارتپاق. پورت اۋماعىن سولتۇستىك باعىتقا قاراي كەڭەيتۋ جۇمىستارى ٴ2015-شى جىلى اياقتالادى دەپ كۇتىلۋدە. ٴۇش بىردەي قۇرعاق جۇك تەرمينالى سالىنادى. وسىلايشا پورت جىلىنا 20 ميلليون تونناعا دەيىنگى جۇكتى وتكىزۋگە قاۋقارلى بولماق.  


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي