BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ەەك – جاھاندىق دامۋداعى جاڭاشا ينتەگراسيا بولماق – ن. نازاربايەۆ

استانا. 29 مامىر. baq.kz - بۇگىن استانادا جوعارى ەۋرازيالىق ەكونوميكالىق كەڭەستىڭ مەملەكەت باسشىلارى دەڭگەيىندەگى وتىرىسىندا ٴسوز سويلەگەن نۇرسۇلتان نازاربايەۆ وسىنداي وي ايتتى.

- ەۋرازيالىق ەكونوميكالىق كەڭىستىكتى قۇرۋ بارىسىندا بىزدەر بۇگىنگە دەيىن ٴتۇرلى دەڭگەيلى بىرنەشە كەزدەسۋ وتكىزدىك. ونىڭ ىشىندە قاتىسۋشى مۇشە-مەملەكەتتەردىڭ ٴار سالاسىندا قىزمەت ەتەتىن، ٴوز ماماندىعىنىڭ جىلىگىن شاعىپ، مايىن ىشكەن كىل مىقتى ماماندار قىزۋ جۇمىس ىستەدى. اتاپ ايتقاندا، جاۋاپتى مينيسترلىكتەر مەن اگەنتتىك جانە ٴۇش ەلدىڭ كاسىپكەرلىك سالاسىنداعى بەلسەندى مۇشەلەرى بار. سونىڭ ىشىندە، تاراپتار اراسىنداعى ٴبىرجاقتى بۇرا تارتۋلاردىڭ بولدىرماۋى ٴۇشىن ۇكىمەت باسشىلارىنىڭ ورىنباسارلارىنان قۇرىلعان ارنايى كوميسسيا دا بۇگىن بەكىتىلگەلى وتىرعان كەلىسىمشارتتىڭ ساپالى جازىلىپ شىعۋىنا وراسان زور ۇلەستەرىن قوستى. ەندىگى جەردە ٴبىز قۇرىپ وتىرعان ەۋرازيالىق ەكونوميكالىق كەڭىستىك – جاھاندىق دامۋداعى جاڭاشا ينتەگراسيا بولادى دەگەن ويدامىن. سەبەبى، ٴبىزدىڭ باستى ماقساتىمىز، باسىمدىقتى ەكونوميكالىق باعىتتا بىرلەسە دامۋعا بەرۋ ارقىلى الەمدە جاڭا ينتەگراسيا الاڭىن قۇرۋ بولىپ تابىلادى، - دەدى نۇرسۇلتان ٴابىش ۇلى.



نۇرلىبەك دوسىباي


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي