BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ەەك حيميا ونەركاسىبى، تەمىرجول جانە اۆياتاسىمالى نارىقتارىنداعى باسەكەلەستىك تالقىلانادى

استانا. 15 مامىر. baq.kz – تارازدا بۇگىن ەۋرازيالىق ەكونوميكالىق كوميسسيا (ەەك) حيميا ونەركاسىبى ونىمدەرى، تەمىرجول جانە اۆياسيا تاسىمالى نارىقتارىنداعى باسەكەلەستىكتىڭ تەڭ جاعدايلارىن قامتاماسىز ەتۋدىڭ قۇقىقتىق قىرلارىن تالقىلاۋ وتكىزەدى دەپ حابارلايدى قازاقپارات.

«دوڭگەلەك ۇستەلگە» قاتىسۋعا كەدەن وداعى مەن ٴبىرىڭعاي ەكونوميكالىق كەڭىستىك مۇشە-ەلدەرى پارلامەنتتەرىنىڭ دەپۋتاتتارى، مەملەكەتتىك ورگاندار، عىلىمي ورتا، بيزنەس-قوعامداستىقتار سونداي-اق شەتەلدىك باسەكەلەستىك ۆەدومستۆولار وكىلدەرى شاقىرىلدى.

بەك تاۋارلى نارىقتارىنداعى، سونىڭ ىشىندە حيميا جانە مۇناي-حيميا ونەركاسىبى (فوسفات شيكىزاتى، سينتەتيكالىق جۋۋ قۇرالدارى)، تەمىرجول جانە اۆياسيا تاسىمالى سالالارىنداعى باسەكەلەستىكتىڭ تەڭ جاعدايلارىن قامتاماسىز ەتۋ ماسەلەلەرىن قاراۋ جوسپارلانۋدا. سونداي-اق نارىقتاعى باسىمدىق جاعدايلاردى اسىرا پايدالانۋعا، باسەكەلەستىككە قارسى كەلىسىمدەرگە، ادال ەمەس باسەكەلەستىككە تىيىم سالۋدى ساقتاۋ جونىندە اڭگىمە قوزعالادى.

شاراعا ەەك-تىڭ باسەكەلەستىك جانە مونوپولياعا قارسى رەتتەۋ جونىندەگى القا مۇشەسى (مينيستر) نۇرلان الدابەرگەنوۆتىڭ قاتىسۋى كۇتىلۋدە.

جامبىل وبلىسى ٴۇشىن حيميا ونەركاسىبىندەگى باسەكەلەستىك ماسەلەلەرىن تالقىلاۋ اسا وزەكتى، ويتكەنى، ايماقتا ەڭ ٴىرى وتاندىق حيميا ونەركاسىبىنىڭ وكىلى - «قازفوسفات» جشس جۇمىس جاسايدى.

ەەك - كەدەن وداعى مەن ٴبىرىڭعاي ەكونوميكالىق كەڭىستىكتىڭ تۇراقتى جۇمىس ىستەيتىن ۇلتۇستىلىك رەتتەۋشى ورگانى. ول رەسەي فەدەراسياسى، بەلارۋس رەسپۋبليكاسى جانە قازاقستان رەسپۋبليكاسى پرەزيدەنتتەرىنىڭ شەشىمىمەن قۇرىلدى جانە 2011 جىلعى 18 قاراشاداعى شارتتار نەگىزىندە جۇمىس ىستەيدى.

ەۋرازيالىق ەكونوميكالىق كوميسسيانىڭ نەگىزگى مىندەتى - كەدەن وداعى مەن ٴبىرىڭعاي ەكونوميكالىق كەڭىستىكتىڭ جۇمىس جاساۋى مەن دامۋى جاعدايلارىن قامتاماسىز ەتۋ، وسى بىرلەستىكتەر اۋقىمىندا ىقپالداستىق سالالارىندا ۇسىنىستار جاساۋ، 2015 جىلعا قاراي ەۋرازيالىق ەكونوميكالىق وداق قۇرۋ ٴۇشىن قاجەتتى ماكروەكونوميكالىق جانە سىرتقى ەكونوميكلىق جاعدايلاردى قامتاماسىز ەتۋ. 


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي