BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ەەاو ادال باسەكەلەستىك كۇرەستە بيزنەستى نىعايتۋعا مۇمكىندىك بەرەدى

استانا. 4 ماۋسىم. baq.kz – ەۋرازيالىق ەكونوميكالىق وداق ٴبىرىڭعاي ەكونوميكالىق كەڭىستىكتەگى ادال باسەكەلەستىك كۇرەستە بيزنەستى نىعايتۋعا مۇمكىندىك بەرەدى. بۇل تۋرالى «نۇر وتان» پارتياسى ورتالىق اپپاراتىنىڭ ستراتەگيا جانە مونيتورينگ دەپارتامەنتى ديرەكتورىنىڭ ورىنباسارى ٴسارۋار كەنجبولات مالىمدەدى، دەپ حابارلايدى bnews.kz ٴتىلشىسى.

«2014 جىلدىڭ 29 مامىرىندا استانا قالاسىندا تاريحي وقيعا ورىن الدى. تاۋەلسىز قازاقستان العاش رەت تاۋارلاردىڭ، قىزمەت كورسەتۋدىڭ، ەڭبەك رەسۋرستارى مەن كاپيتالداردىڭ ەركىن قوزعالىسىن قامتاماسىز ەتەتىن ايماقتىق ەكونوميكالىق ينتەگراسيالىق وداقتىڭ ٴبىر بولىگىنە اينالدى. ەاەو قۇرۋ – كورشى مەملەكەتتەرمەن تىعىز ىنتىماقتاستىق ورناتۋعا، قازاقستان ەكونوميكاسىنا جاڭا سەرپىن بەرۋگە ۇلكەن مۇمكىندىك»، - دەيدى ٴسارۋار كەنجبولات.
«وسى تۇستا قازاقستاندىق ەكونوميكانىڭ دامۋىنداعى باستى ماسەلە ەاەو اياسىندا ەڭبەكتى ايماقارالىق ٴبولىسۋ جانە ٴۇشىنشى مەملەكەتتەرگە قاتىستى ٴبىرىڭعاي ەكونوميكالىق ساياساتتى جۇرگىزۋ. بۇل كونتەكستىڭ نەگىزگى ماسەلەسى وتاندىق جانە شەتەلدىك بيزنەسكە قارجىلىق جانە وندىرىستىك قىزمەتتى جۇزەگە اسىرۋ ٴۇشىن ەڭ قولايلى جاعدايلاردى ەركىن تاڭداۋعا مۇمكىندىك جاساۋ»،- دەپ قوستى ٴسارۋار كەنجەبولات ۇلى.
ونىڭ ايتۋىنشا، قازاقستان ەاەو-داعى جاڭا جۇمىس ورىندارىن اشۋعا جانە ەڭبەك ونىمدىلىگىن ارتتىرۋعا مۇمكىندىك بەرەتىن كاپيتال مەن جاڭا تەحنولوگيالاردى تارتۋدىڭ ورتالىعىنا اينالۋى كەرەك. ەلىمىزدىڭ جاڭا ەكسپورتتىق الەۋەتى، ەڭ الدىمەن، ەاەو مەملەكەتەرىنە، الداعى ۋاقىتتا دسۇ اياسىندا شەتەلدىك نارىققا باعىتتالۋى كەرەكتىگىن اتايدى.
«ەەاو ٴبىرىڭعاي ەكونوميكالىق كەڭىستىكتەگى ادال باسەكەلەستىك كۇرەستە بيزنەستى نىعايتۋعا مۇمكىندىك بەرەدى. ەكونوميكالىق ىقپالداستىقتىڭ بالاماسى بولمايدى، ويتكەنى باسەكەلەستىك جاعدايدا عانا ەكونوميكانىڭ تۇراقتى دامۋىن قامتاماسىز ەتۋگە بولادى»، - دەپ تۇيىندەدى «نۇر وتان» پارتياسىنىڭ مۇشەسى.

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي