ەاەو-عا قىرعىزستاننىڭ قوسىلۋ xاتتاماسىن راتيفيكاسيالاۋ تۋرالى زاڭ جوباسى ماقۇلداندى   

بۇگىن قر پارلامەنتى ٴماجىلىسىنىڭ وتىرىسىندا «2014 جىلعى 29 مامىرداعى ەۋرازيالىق ەكونوميكالىق وداق تۋرالى شارتقا قىرعىز رەسپۋبليكاسىنىڭ قوسىلۋى تۋرالى 2014 جىلعى 23 جەلتوقساندا قول قويىلعان شارتتىڭ جەكەلەگەن ەرەجەلەرىن قولدانۋ تۋرالى xاتتامانى راتيفيكاسيالاۋ تۋرالى» قر زاڭ جوباسى ماقۇلداندى، دەپ xابارلايدى baq.kz ٴتىلشىسى.

بۇل زاڭ جوباسىن قر ۇلتتىق ەكونوميكا ٴمينيسترى تيمۋر سۇلەيمەنوۆ تانىستىردى.

«حالىقارالىق شارتتار تۋرالى زاڭعا سايكەس xاتتاما راتيفيكاسيالانۋى ٴتيىس. حاتتاماعا قول قويىلعانعا دەيىن قازاقستان رەسپۋبليكاسىنىڭ، رەسەي فەدەراسياسىنىڭ، ارمەنيا رەسپۋبليكاسىنىڭ ٴنورماتيۆى 7،11%، 85،32%، 1،11%-دى قۇرادى. ەۋرازيالىق ەكونوميكالىق وداق مەملەكەتتەرىنىڭ باسشىلارى باجداردى ٴبولۋ تاسىلدەرىنىڭ بىردەي بولۋىن قامتاماسىز ەتۋ ماقساتىندا كەدەندىك اكەلۋ باجدارىنىڭ سومالارىن ٴبولۋ نورماتيۆتەرىن قايتا قاراۋ تۋرالى شەشىم قابىلدادى»، - دەدى تيمۋر سۇلەيمەنوۆ قر پارلامەنتى ٴماجىلىسىنىڭ جالپى وتىرىسىندا.

ول باسشىلىققا الىناتىن تومەندەگىدەي قاعيداتتاردى اتاپ ٴوتتى.

«بىرىنشىدەن، قر سونىمەن قاتار، ارمەنيا رەسپۋبليكاسىنىڭ وداقتىڭ ٴبىرىڭعاي كەدەندىك تارتىبىنەن اۋىتقۋلارىن ەسەپكە الماۋ; ەكىنشىدەن، ارمەنيا رەسپۋبليكاسىنىڭ نورماتيۆتەرىن قر مەن رف ەسەبىنەن 0،11%-عا قايتا قاراۋ. بەرىلگەن پرينسيپتەردى ەسكەرە وتىرىپ xاتتاماعا وداق مەملەكەتتەرىنىڭ باسشىلارى ارمەنيا رەسپۋبليكاسى - 1،22%; بەلارۋس رەسپۋبليكاسى - 4،56 %; قازاقستان رەسپۋبليكاسى - 7،055%; قىرعىز رەسپۋبليكاسى - 1،9%; رەسەي فەدەراسياسى - 85،265% نورماتيۆتەرمەن قول قويدى. حاتتامانى ىسكە اسىرۋ كەدەندىك اكەلۋ باجدارى سومالارىن ٴبولۋ ٴنورماتيۆىن ازايتۋعا الىپ كەلەدى»، - دەدى ول.

تيمۋر سۇلەيمەنوۆ xاتتامانى ىسكە اسىرۋعا رەسپۋبليكالىق بيۋدجەتتەن ىقتيمال شىعىندار قاراستىرىلىپ وتىرعانىن ايتتى. بۇل سوما 2017 جىلى 1،8 ملرد تەڭگە، 2018 جىلى 1،9 ملرد تەڭگە، 2019 جىلى 2 ملرد تەڭگەنى قۇرايدى.

زاڭ جوباسى 2017 جىلعى 11 ساۋىردە ماسكەۋدە جاسالعان xاتتامانى راتيفيكاسيالاۋعا باعىتتالعان.

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!