BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ەاەو ٴۇشىنشى مەملەكەتتەن ەت يمپورتتاۋدى جەڭىلدەتپەكشى

ەۋرازيالىق ەكونوميكالىق وداق ٴۇشىنشى مەملەكەتتەن ەت يمپورتتاۋ ٴۇشىن تاريفتىك كۆوتا ەنگىزۋدى جوسپارلاپ وتىر، دەپ حابارلايدى baq.kz اقپارات اگەنتتىگى.

ەۋرازيالىق ەكونوميكالىق كوميسسيانىڭ سايتىندا حابارلانعانداي، اتالعان شارا تالقىلاۋ بارىسىندا. قۇجاتقا سايكەس جاڭاشىلدىقتار ماقۇلدانعان جاعدايدا 2019 جىلى تاريفتىك كۆوتالار قابىلدانادى.

سونىمەن قاتار، وداققا مۇشە ٴار مەملەكەتكە سىرتتان كىرگىزىلۋى مۇمكىن ٴونىمنىڭ كولەمى دە بەكىتىلۋدە.

سونىمەن، رەسەي ٴۇشىنشى مەملەكەتتەن تاريفتىك كۆوتالارمەن ٴىرى قارا مالدىڭ 570 مىڭ توننا ەتىن يمپورتتاۋدى جوسپارلاۋدا. وسى رەتتە، قازاقستان اتالعان ٴونىمنىڭ 21 تونناسىن يمپورتتاۋعا تاريفتىك كۆوتا قولدانۋعا مۇمكىندىك الادى. قىرعىزستانعا 7 مىڭ تونناعا رۇقسات بەرىلەدى. بەلارۋس پەن ارمەنياعا مۇنداي جەڭىلدىكتەر بەرىلمەيدى.

شوشقا ەتىنە كەلەتىن بولساق، رەسەي اتالعان ٴونىمنىڭ 430 مىڭ تونناسىن، بەلارۋس – 20 مىڭ تونناسىن، قىرعىزستان – 3،5 مىڭ تونناسىن يمپورتتاۋ ٴۇشىن تاريفتىك كۆوتا الاتىن بولادى. قازاقستان مەن ارمەنيا ٴۇشىن كۆوتا قاراستىرىلماعان.

سونىمەن قاتار، قازاقستان ماقۇلدانعان جاعدايدا 140 مىڭ توننا قۇس ەتىن يمپورتتاۋعا تاريفتىك كۆوتا الا الادى. ال، رەسەي – 364 مىڭ توننا، قىرعىزستان – 56 مىڭ توننا، بەلارۋس – 10،9 مىڭ توننا قۇس ەتىن يمپورتتاۋعا كۆوتا الا الادى. ارمەنياعا اتالعان سانات بويىنشا كۆوتا بەرلمەيتىن بولدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي